Glenn Fredly
| Glenn Fredly | |
|---|---|
 | |
| Lair | Glenn Fredly Deviano Latuihamallo |
| Pakaryan | penyanyi |
| Taun aktif | 1995-saiki |
Glenn Fredly Deviano Latuihamallo (lair ing Ambon, Maluku, 30 Sèptèmber 1975; umur 48 taun; luwih kondhang karo jeneng Glenn Fredly) ya iku artis Indonésia kang nyambut gawene dadi penyanyi. Dhèwèké dikenal dadi penyanyi kang olih juara ning kategori tembang kang paling apik lan penyanyi priya kang paling apik kanggo penyanyi R & B ajang Anugerah Musik Indonésia 2001 (AMI).[1]
Albumé Glenn tau ngrilis album kang judhulé GLENN ing taun 1998, Kembali ning taun 2000, Selamat Pagi, Dunia! ning taun 2003, OST Cinta Silver ning taun 2005, Aku & Wanita ning taun 2006, lan Terang taun 2006.[1]
Glenn tau urip bebrayan karo penyanyi Dewi Sandra kang uga mantan bojone Surya Saputra nalika tanggak 3 April 2006.[1] Pernikahan iku dianakaké meneng-menengan ing Bali, ora suwé sawisé Dewi Sandra pegatan karo Surya Saputra.[1] Amarga kadadian iku, ana spekulasi manawa Glenn karo Dewi wis duwé gayutan awit Dewi esih bebrayanan karo Surya Saputra.[1] Nanging iku, dibantah déning sakloroné.[1]
Taun 2008, Glenn karo Dewi Sandra dikabaraké pegatan.[1] Ning tengah-tengahing masalah kaluwargané, Glenn mbabarake lelagon kang irah-irahane Terserah saka album Private Collection, kang jarené liriké nyindir Dewi.[1] Tanggal 12 Maret 2009, ngajukaké gugatan pegat ning pangadilan agama Jakarta Selatan.[1] Tanggal 27 Agustus 2009, akiré sidang cerainé Glenn diputusaké, dhèwèké resmi nyandang status duda.[1] Akir Oktober 2009, mucul kabar kang ngagetaké saka Glenn.[1] Kabaré, Glenn tersserang lelara HIV, nanging babagan warta iku Dewi Sandra mbantah, nanging mbeneraké manawa Glenn kang tau dirawat ning rumah sakit, nanging ora amarga lelara HIV.[1] Glenn lara masalah pencernaan kang cukup kronis, amarga dadi vegetarian.[1] Lara amarga asupan panganan lan ènergi kang ora seimbang.[1]
Awal Januari 2010, Glenn mbabarake album kang paling anyar, kang irah-irahane Lovevolution.[1] Kanggo album kang kaping sepuluh iki, dhèwèké njagokaké tembange Cuma Kamu.[1] Ora namung album anyaré, Glenn uga ngisyarataké kanggo bubar dadi penyanyi.[1] Dhèwèké bakal metu saka panggung hiburan sawisé nggelar konser ning Singapura 6 Fèbruari 2010.[1] Taun 2007, tanggal 7 Juli Glenn Fredly karo Dewi Sandra nyoba nggugah kapedulian kanggo nggelar konser amal kang bertajuk Soul For Indonésia Earth, Sayangi Bumi Ini.[2] Konser iku diadakaké ning gedung Tennis Indoor Senayan, Jakarta.[2]
Album[besut | besut sumber]
Cathetan suku[besut | besut sumber]
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |