Cut Mini Theo

Cut Mini Theo

Cut Mini Theo kang asring diundang Cut Mini (lair ing Jakarta, 30 Dhésèmber 1973; umur 50 taun) iku salah siji panatacara, bintang sinétron, lan juru main filem kang asalé saka Indonésia.

Karir

Cut Mini miwiti karire wiwit umur 15 taun. Nalika iku dhèwèké dadi foto modhel ing salah sijiné kalawarti remaja. Cut Mini Theo iku anak saka pasangan alm. T. Usman Abdullah lan Cut Dermawan kang asalé saka Acéh. Cut Mini wiwit main filem nalika ditawani main ing sinétron "Catatan Si Boy". Jeneng Cut Mini wiwit misuwur nalika dhèwèké dadi modhél ing video klip penyanyi Andre Hehanusa.

Nalika Cut Mini lagi ngrintis kariré dadi presenter, dhèwèké ditawani dadi presenter karo Malaysia. Suwéné sangang sasi, Cut Mini ing Malaysia dikontrak karo salah sawijiné rumah produksi kang duwé kerjasama karo TV3 kanggo main ing sinétron-sinétron kang dibintangi 7 juru main saka 7 nagara kaya ta Brunei, India, Singapura, Malaysia, Vietnam.

Sawisé mbalik ning Indonésia, Cut Mini wiwit cedhak karo P Project. Nalika cerak karo P Project, Cut Mini banjur ditawani karo salah sijiné stasiun tivi kanggo nggawé acara komedi kang témané "Sang Prabu". Ing acara iki Cut Mini éntuk peran dadi wong Melayu, lan saka acara iki Cut Mini banjur dikenal dadi komedian. Cut Mini dadi anak pungkasan sak pitu sadulur. Cut Mini aktif dadi presenter kaya ta ing acara Telkomania lan Berita Selebritis (Betis). Sinetron kang tau dibintangi Cut Mini ya iku "Kejarlah Daku Kau Kutangkap", "Gara-Gara Inul", "Kiri Istri Kanan Mertua", "Olga", lan "Permata Hati". Cut Mini lulus kuliyah saka Sastra Jepang. Dhèwèké nduwé awak kang dhuwuré 165 cm lan aboté 50 kg. Saka filem kang sepisanan dibintangi ya iku "Arisan" jenengé dadi saya misuwur. Nalika taun 2000, Cut Mini nikah karo Muhamad Safril utawa kang biyasa diarani Mago.

Filmografi

Film kang atu dibintangi Cut Mini Theo.

• Arisan! (2003)
• Tri Mas Getir (2008)
• Laskar Pelangi (2008)
• Kawin Kontrak Lagi (2008)
• Meraih Mimpi (2009)-Pengisi Suara
• Red CobeX (2010)