Red CobeX

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Red CobeX
Red Cobex.jpg
DisutradaraniUpi Avianto
DiprodhuseriChand Parwez Servia
Ditulis déningUpi Avianto
DibintangiTika Panggabean
Indy Barends
Sarah Sechan
Cut Mini Theo
Aida Nurmala
Lukman Sardi
Revalina S Temat
Shanty
Irfan Hakim
Niniek L. Karim
Joe P Project
Edo Kondologit
Sellen Fernandez
Dibabar déningStarvision Plus
Tanggal metu
17 Juni 2010
Suwéné
... menit
NagaraIndonésia

Red CobeX inggih punika filem komedi Indonésia ingkang dipunrilis wonten ing 17 Juni 2010. Film punika dipunsutradarani Upi Avianto sarta dipunparagani Tika Panggabean saha Indy Barends.[1]

Piala Citra FFI 2010[besut | besut sumber]

  • Nominasi Piala Citra FFI 2010-Ingkang maragani Utama Pria (Lukman Sardi)
  • Nominasi Piala Citra FFI 2010-Skenario
  • Nominasi Piala Citra FFI 2010-Penyunting Gambar

Sinopsis[besut | besut sumber]

Geng Red CobeX gadhah anggota ibu-ibu saking pinten-pinten tlatah inggih punika Mama Ana (Tika Panggabean-Ambon), Tante Lisa (Indy Barends-Manado), Yu Halimah (Aida Nurmala-Tegal), Mbok Bariah (Sarah Sechan-Madura) saha Cik Meymey (Cut Mini-Cina keturunan). Sedayanipun para ibu-ibu ingkang mbela kaum kang lemah ugi anti maksiyat, sedayanipun boten éwuh nglelara tiyang ingkang mundhut kauntungan saking asil bisnis reged. Sesarengan kaliyan Yopie (Lukman Sardi), putra tunggal Mama Ana ingkang lugu, Geng Red CobeX asing ningalaken aksi kados déné préman ingkang ngringkus saha ngadili piyambak para tukang judhi, tukang sadé DVD porno, para pangusaha Lapo Tuak ngantos mundhut perhiyasan ing toko emas kagunganipun Pak Albert (Edo Kondologit), mantan sémah Mama Ana ingkang sampun garwa malih. Dinten punika Geng Red CobeX dipuntangkep pulisi saha dipunpenjara.ref name="internet 2"/> Sedayanipun dipunwastani kalompok ingkang sampun ngrusuhi katentreman ing masarakat amargi asring ndamel perkawis. Setaun sasampunipun kadadosan punika Yopie dipunbebasaken saking kunjara, sasampunipun medal saking kunjara Yopie mapan sareng Ramli (Irfan Hakim), réncang wiwit taksih alit, nanging Ramly sampun gadhah sémah inggih punika Ipah (Shanty). Ipah boten remen kaliyan kawontenan Yopie ing griyanipun amargi boten gadhah atura, kanthi sapunika Ipah ngancem Ramly boten ajeng dipunparingi "jatah" manawi Yopie taksih mapan ing griyanipun.[2] Kanthi anceman punika Ramly ngusahakaken supados Yopie saged ngéwahi tingkah lakunipun, ngantos Ramly ugi nyaranaken Yopie kanggé mapan sareng ramanipun. Yopie kèder. Piyambakipun ngraos Ibunipun nglakokaken kaléntunan kanggé mbela kabecikan, nanging piyambakipun ugi sadar manawi kedah ngéwahi sikapipun kados ta tiyang sanès. Ing tengah kabingungan punika Yopie kepanggih kaliyan Astuti (Revalina S Temat), gadis Jawa ingkang makaryan ing restoran.[2] Astuti ingkang wiwitipun ngira Yopie punika tukang copét, raos punika icakk amargi kabecikan Yopie, saéngga Astuti nawakaken pakaryan kanggé Yopie minangka pelayan in papan pakaryanipun. Hubungan Yopie kaliyan Astuti kang caket punika boten dipunrestui déning kulawarga Astuti, napa malih sasampunipun mangertosi Ibunipun Yopie wonten ing kunjara.[2] Sesarengan kaliyan prastawa punika ing restoran wonten kadadosan kaicalan, Yopie dipuntuduh tiyang ingkang mundhut dompet réncang sapakaryanipun. Sikap Astuti dumadakan bénten dhumateng Yopie. Yopie putus asa kanthi medal saking dalemipun Ramly saha pindhah ing kontrakan ingkang sempit, ngantos Astuti mangertosi manawi Yopie boten mundhut dompet punika piyambakipun madosi Yopie ing dalemipun Ramly kanggé nyuwun pangapunten, nanging Yopie boten wonten ing ngriku, kanthi dipunbiyantu kaliyan Ramly, Astuti nemokaken Yopie.Yopie saha Astuti gadhah niyat kanggé tunangan kanthi dipunrawuhi déning saben kulawarga. Dumadakan kadadosan kaributan, wonten préman ingkang dugi ing griyanipun Astuti amargi ajeng dipunwontenaken panggusuran ing sakitar griyanipun Astuti.[2] Preman punika jebul mantan kekasih Mama Ana. Mama Ana sesarengan kaliyan Geng Red CobeX nglawan préman-préman kang ajeng ngrusuhi adicara tunangan Yopie saha Astuti.[2]

Ingkang maragani[besut | besut sumber]

  • Mama Ana-Tika Panggabean
  • Tante Lisa-Indy Barends
  • Yu Halimah-Aida Nurmala
  • Mbok Bariah-Sarah Sechan
  • Cik Meymey-Cut Mini Theo
  • Yopie-Lukman Sardi
  • Ipah-Shanty
  • Astuti-Revalina S Temat
  • Ramli-Irfan Hakim.[1]

Cathetan suku[besut | besut sumber]

  1. a b Red CobeX (dipununduh 17 Novèmber 2012)
  2. a b c d e Sinopsis (dipununduh 17 Novèmber 2012)

Pranala njaba[besut | besut sumber]