Tika Panggabean

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Tika Panggabean
Tika panggabean hen.jpg
Tika Panggabean
LairKartika Rachel Setia Redjeki Panggabean
Jeneng liyaTika Project Pop
Pakaryanaktris, présènter
Taun aktif1994-saiki

Kartika Rachel Setia Redjeki Panggabean utawa kang luwih ditepungi kanthi jeneng Tika Panggabean (lair ing Jakarta, 3 Oktober 1970; umur 49 taun).[1] Tika Panggabean iku salah sijiné anggota grup musik komèdi Project Pop.[2] Tika ngugemi agama Kristen.[2] Tika Panggabean iku lulusan saka FISIP, Univèrsitas Parahyangan.[2]

Saliyané nyanyi, Tika Panggabean uga tau mandhu adicara "Kuis Sunsilk Si Doel".[2] Acara iku disiyaraké ing salah sijiné stasiun tivi swasta ya iku RCTI nalika taun 1998.[2] Saliyané ing donyaning musik, Tika Panggabean uga njajal kariré ing donyaning akting.[2] Tika Panggabean wis dadi bintang ing sinétron kang judhulé The Lajang, OB. Ing sérial Office Boy, Tika Panggabean akting dadi tokoh Mpok Odah ya iku kepala pérangan umum kang kerep meres anak buahé.[2] Aktingé Tika ing sinétron iki ndadèkaké sinétron iki éntuk rating kang dhuwur.[2] Saliyané iku, Tika Panggabean uga tau dadi présènter ing adicara tivi kaya ta Surprise-Surprise ing Trans TV.[2] Tika Panggabean uga tau dadi juri tamu Indonesian Idol.[2] Nalika iku, Tika Panggabean nggantèkaké Titi DJ lan Jamie Aditiya.[2]

Bareng karo Project Pop, Tika wis nggawé album kang judhulé Project Pop I, Lumpia VS Bakpia, Project Pop II lan Tu Wa Ga Pat.[2]

Nganti saiki Tika Panggabean isih aktif dadi komèdian lan présènter.[2]

Cathetan sikil[besut | besut sumber]

  1. movietei.com(diundhuh tanggal 9 September 2011)
  2. a b c d e f g h i j k l m selebriti.kapanlagi.com(diundhuh tanggal 9 September 2011)