Coelacanth

Saka Wikipédia Jawa, bauwarna bébas abasa Jawa
Coelacanth
Coelacanth.png
Latimeria chalumnae
Klasifikasi ngèlmiah
Karajan: Animalia
Filum: Chordata
Klas: Sarcopterygii
Subklas: Actinistia
Infraklas: Coelacanthimorpha
Ordho: Coelacanthiformes
Berg, 1937

Coelacanth (ateges "eri ingkang berongga", saking tembung Yunani coelia, "κοιλιά" (berongga) lan acanthos, "άκανθος" (eri), adhedhasar eri siripipun ingkang kagungan rongga) [1] IPA: [ˈsiːləˌkænθ] punika nama ordo (bangsa) iwak ingkang kapérang dados satunggaling cabang évolusi paling tua ingkang tasih gesang saking ulam berahang. Coelacanth dipunkira-kira sampun cures awis saking masa Cretaceous 65 juta taun kepengker. Kagungan gayutan kaliyan lungfishes lan tetrapoda, Coelacanth punika ulam ingkang tasih urip paling tua ingkang saged urip 100 taun lan renang wonten ing kedalaman 90-100 mèter. Dumugi satunggaling spèsimen kapanggih wonten ing wétan Afrika Selatan, ingperairan Kali Chalumna taun 1938. Awit saking punika Coelacanth kapanggih wonten ing Komoro, perairan pulo Manado Tua ing Sulawesi, Kenya, Tanzania, Mozambik, Madagaskar lan taman laut St. Lucia wonten ing Afrika Selatan. Ing Indonésia, mliginipun sekitar Manado, Sulawesi Utara, spésies punika déning masarakat lokal dipunwastani ikan raja laut [1]. Sapunika Coelacanth kantun kalih spésies inggih punika Latimeria menadoensis (Indonésia Coelacanth) lan Latimeria chalummae (Comoro Coelacanth). Lajeng jinis sanèsipun wonten 120 spésies sampun cures kanthun fosil kemawon [2].

Morfologi[besut | besut sumber]

Coelacanth punika jinising ulam berparu-paru ingkang dipunpitadosi minangka nenek moyang tetrapoda inggih punika nenek moyang kéwan ingkang gesang wonten ing dharatan kalebet manungsa. Coelacanth kagungan habitat wonten ing segara ingkang jero, 700 mèter ing sangandhaping permukaan segara. KAdang-kadang ulam punika ugi saged wonten ing kedalaman 150-200 mèter kanthi suhu 12-18 drajat celcius ing sela-selaning guwa watu-watuan lava[1].

Coelacanth kalebet prédator karnivora ingkang mangan ulam-ulam alit nalika wanci dalu. Coelacanth mapan sejajar kaliyan ulam ingkang anggènipun ambegan ngginakaken paru-paru lan amfibi primitif wonten ing kulawarga ulam bertulang. Endogipun Coelacanth netes wonten ing weteng, ananging boten kagolong mamalia segara[1].

Fosil urip[besut | besut sumber]

Sapunika, wonten 2 spésies urip Coelacanth ingkang kapanggih, inggih punika Coelacanth Komoro, Latimera chalumnae, lan Coelacanth Sulawesi ( Manado ), Latimeria menadoensis.

Dumugi taun 1938, ulam ingkang gadhah kerabat kaliyan ulam paru-paru punika dipunanggep sampun cures saking pungkasan Jaman Cretaceous, kirang langkung 65 juta taun kepengker. Dumugi nalika satunggal Coelacanth ingkang tasih gesang katangkep déning jaring iwak hiu ing kuala Lèpèn Chalumna, Afrika Selatan ing wulan Desember taun kasebut. Kapten kapal pukat ingkang remen nalika mirsani ulam punika banjur ngirim dhateng musiyum kutha wonten ing kutha East London, ingkang kapimpin déning Nn. Marjorie Courtney-Latimer. Satunggaling ahli ulam ing mriku, Dr. J.L.B Smith lajeng damel deskripsi ulam kasebut lan dipunterbitaken wonten ing jurnal Nature nalika taun 1939 kanthi nama Latimeria chalumnae.

Cathetan suku[besut | besut sumber]

  1. ^ a b c d [1], (id) http://www.iftfishing.com (dipun-akses tanggal 20 November 2012).
  2. ^ [2],Ikan Raja Laut - ikan purba (dipun-akses tanggal 20 November 2012).