Dhialèk Surakarta
(Kaelih saka Basa Jawa Surakarta)
Basa Jawa Surakarta utawa carabasa Surakarta iku sawijine Carabasa Jawa sing dituturaké ing Surakarta. Carabasa iki kalebu carabasa Jawa sing alus. Carabasa Surakarta lan carabasa Ngayogyakarta lumrahe padha karo basa Jawa baku. Amarga, carabasa-carabasa iku mau dadi dhadhasaring basa Jawa baku iku dhewe.
Ing padinan, carabasa Surakarta nduweni cara pocap lan tetembungan sing rada beda karo basa Jawa baku kaya ta ning = nanging, we = wae, enek/eneng = ana, guwak/guwang = buwang, lsp. Carabasa Surakarta nduwe saperangan pibeda karo carabasa Ngayogyakarya kaya ta tembung we/e = je, tembung nyat = cen (pañcen), tembung rencang = kañca (krama).