Badan Nasional Penanggulangan Terorisme

Saka Wikipédia Jawa, bauwarna mardika basa Jawa
Badan Nasional Penanggulangan Terorisme
CekakanBNPT
KepalaAnsyaad Mbai

Badan Nasional Penanggulangan Terorisme, disingkat BNPT, inggih punika salah satunggaling lembaga pamaréntah nonkementerian (LPNK) Indonesia ingkang gadhah tugas nindakaken tugas pamaréntahan ing babagan nanggulangki terorisme. BNPT dipunpandhegani déning satunggaling kepala ingkang gadhah tanggel jawab dhateng présidhèn liwat koordinasi Mantri Koordinator Babagan Pulitik, Hukum, dan Keamanan.

BNPT dipunbentuk dhedhasar Peraturan Présidhèn Nomor 46 Taun 2010. Asal usulipun lembaga punika inggih kanthi nama Desk Koordinasi Pemberantasan Terorisme.[1]

Tugas[besut | besut sumber]

BNPT gadhah tugas kados makaten:

  1. Nyusun kawicaksanan, strategi, lan program nasional ing babagan nanggulangi terorisme
  2. Kangge ngoordinasi instansi pamaréntah ingkang wonten gegayutanipun kanggé lampahing lan nindakaken ing babagan penanggulangan terorisme;
  3. Nindakaken kawicaksanan ing babagan nanggulangi terorisme kanthi mbentuk ékan tugas- ékan tugas ingkang kapérang dados unsur- unsur instansi pamaréntah ingkang wonten gegayutanipun kados tugas, fungsi, lan kewenanganipun piyambak. Babagan penanggulangan terorisme kapérang dados nyegah, nglindhungi, deradikalisasi, nindakaken, lan nyamektakaken kanggé siyap siyaga ing lingkup nasioanall.

Susunan organisasi[besut | besut sumber]

Susunan organisasi BNPT kapérang dados makaten:

  • Kepala
  • Sekretariat Utama
  • Deputi Babagan Pencegahan, Perlindungan, dan Deradikalisasi
  • Deputi Babagan Penindakan dan Pembinaan Kemampuan
  • Deputi Babagan Kerjasama Internasional
  • Inspektorat

Sajarah[besut | besut sumber]

Madegipun Badan Nasional Penanggulangan Terorisme punika dipunwiwiti nalika Komisi I Dewan Perwakilan Rakyat Republik Indonesia ngawontenaken rapat kerja kaliyan Kamentrian Koordinator Babagan Pulitik, Hukum, lan Keamanan ing tanggal 12 Juni 2006 lan 31 Agustus 2009, ingkang wosipun inggih punika paring rekomendasi dhateng pamaréntah bab perlu botenipun damel satunggaling Badan ingkang gadhah wewenang kanggé nindakaken tugas kanggé nanggulangi terorisme.[2] Badan Nasional Penanggulangan Terorisme punika dipunbentuk minangka respon awit saking kathahipun aksi terorisme wiwit wontenipun Bom Bali ing tanggal 12 Oktober 2002, ingkang niwasaken 202 tiyang. Pasca Bom Bali I kasebat, pamaréntah lajeng medalaken Instruksi Présidhèn Nomor 4 Tahun 2002 kanggé nanggulangi tindakan terorisme. Présidhèn Megawati paring mandhat dhateng Menkopolkam, Susilo Bambang Yudhoyono, kanggé damel kawicaksanan lan strategi nasional nangani terorisme. Adhedasar Dudutan Menkopolkam No.Kep-26/Menko/Polkam/11/2002, dados embrio, dipundamel Desk Koordinasi Pemberantasan Terorisme (DKPT). LEmbaga punika mapan wonten ing sak ngandhaping panguasanin Menkopolkam, ingkang salajengipun wonen ing Perpres dipuntugasaken bilih DKPT tetep nindakaken tugas lan fungsinipun ngantos maujud organisasi BNPT kanggé mbiyantu Menkopolkam ngrumusaken kawicaksanan tindak pidana terorisme ingkang nyakup aspek kanggé nangkal, nyegah, nanggulangi, ngrampungaken masalah lan sedaya tumindak hukum ingkang dipunbetahaken. Salajengipun, ing tanggal 16 Juli 2010, dipunwedalaken Peraturan Présidhèn Nomor 46 Tahun 2010 ngengingi Badan Nasional Penanggulangan Terorisme lan ngangkat Irjen Pol (purn) Ansyaad Mbai, MM dados Kepala BNPT.

Cathetan suku[besut | besut sumber]