Auguste Escoffier
| Georges Auguste Escoffier | |
|---|---|
 | |
| Lair | 28 Oktober 1846 Villeneuve-Loubet, Prancis |
| Pati | 12 Fèbruari 1935 (88 taun) Monte Carlo, Monako |
| Pakaryan | Juru masak (Chef)Penulis[1] |
| Bojo | Delphine Daffis (1880-1935) |
Georges Auguste Escoffier (28 Oktober 1846 – 12 Fèbruari 1935) inggih punika satunggaling juru masak Perancis lan panulis buku kulinèr ingkang nyederhanakaken métode masak tradhisional Perancis tilas Marie-Antoine Carême sarta nyiptakaken sistem organisasi wonten ing dhapur.[2] Sistem organisasi mau kainspirasi saking formasi ingkang dipun-ginakaken wonten ing militèr lan dipunkenal minangka sistem brigade utawi brigade de cuisine.[2] Sistem brigade yaksih dipun-ginakaken utamanipun wonten ing hotèl-hotèl ageng.[2] Kontribusi sanès saking Escoffier wonten ing donya kuliner inggih punika karyanipun ingkang gadhah irah-irahan Le Guide Culinaire (Pandom Kulinèr) ingkang minangka rèferènsi bab kulinèr Perancis.[2]
Karièr[besut | besut sumber]
Awal Karièr[besut | besut sumber]
Nalika masa alitipun, Escoffier nedahaken karemenan babaganm seni ingkang utama amargi piyambakipun remen nggambar.[3] Nanging makaten, bapak Escoffier gadhah rencana sanès kanggé piyambakipun.[3] Amargi rumaos anakipun boten saged gesang saking seni saèngga piyambakipun mbekta Escoffier dhateng Nice nalika piyambakipun taksih umur 13 taun.[4] Ing mrika Escoffier nyambut damel wonten ing Le Restaurant Français, ingkang minangka restoran gadhah pakdhénipun.[4] Rèstoran mau sampun dipunbikak wiwit 1856 lan taksih wonten dumugi taun 1910.[5] Piyambakipun nyambut damel wonten ing rèstoran mau dumugi piyambakipun kapanggih kaliyan Monsieur Bardoux, ingkag saweg dhateng ing Nice, nalika piyambakipun umur 19 taun.[5] Bardoux ngajak Escoffier saperlu nyambut damel wonten ing ing sawijining rèstoran kagunganipun wonten ing Paris ingkang nama Reine Blanche.[5] Rèstoran mau lajeng dados rsètoran ingkang kondhang lan dipunkenal kanthi sebutan Le Petit Moulin Rouge.[5] Escoffier sarujuk kaliyan tawaran saking Bardoux lan nalika taun 1867 piyambakipun dipunangkat dados Chef Garde Manger lajeng 3 taun candhakipun piyambakipun dados Kepala Pérangan Saos.[5]
Masa perang[besut | besut sumber]
Nalika Perang Perancis-Prusia kadadosan ing Juli 1870, Escoffier dipundhawuhi saperlu dados juru masak kanggé wadyabala Perancis.[5] Piyambakipun dipuntugasaken kanggé saperlu masak kanggé Marsekal Achille Bazaine ingkang dipundunungaken wonten ing Kali Rhein.[5] Sasampuning Bazaine masrahaken Metz dhateng Jerman, Escoffier dipunbekta dhateng Wiesbaden minangka tahanan perang.[5] Ing mrika piyambakipun ugi nyambut damel minangka juru masak kanggé Marsekal Mac-Mahon lan para staffipun ingkang ugi dipuntahan ing papan ingkang sami.[5] Escoffier dipunbébasaken lan wangsul dhateng Paris nalika masa Komune Paris inggih punik April 1871.[5] Piyambakipun lajeng nilaraken Paris lan dumunung wonten ing Versailles saperlu nyambut damel dhateng Marsekal Mac-Mahon.[5]
Sasampuning perang[besut | besut sumber]
Sasampuning perang pungkasan, Escoffier wangsul dhateng pedamelan ingkang sampun dipuntilaraken wonten ing Le Petit Moulin Rouge lan dados Kepala Juru Masak wonten ing mrika dumugi taun 1878.[3] Piyambakipun nyambut damel ing mrika sadanguning mangsa panas déné wonten ing mangsa dingin piyambakipun ngisi wekdalipun kanthi nyambut damel wonten ing kidul Perancis.[5] Taun 1874, Escoffier kekancan caket kaliyan aktris Perancis Sarah Bernhardt lan ndedikasikaken Pêches L'Aiglon ciptaanipun kanggé Sarah.[5] Piyambakipun naté nyambut damel ing sapérangan rèstoran sadaéréngipun mundhut satunggaling réstoran ingkang nama Le Faisan d'Or (Manuk Pegar Emas) ing Cannes.[3] Rèstoran mau dipunlampahaken Escoffier namung sadangu 2 taun lan bangunanipun lajeng dipunséwakaken kanggé tiyang sanès.[3] Sasampuning nutup rèstoranipun, Escoffier mbikak sawijining usaha katering ingkang dipunsukani nama La Maison Chevet wonten ing Palais Royal utawi Pura Raja.[3] Usaha katering kagunganipun asring nangani adicara jamuan dhahar ingkang dipunadani wonten ing pura.[3] Pedamelan ing Palais Royal damel piyambakipun ngenal Monsieur Paillard ingkang lajeng nawakaken pedamelan ing rèstoran La Maison Maire kagunganipun.[5]
Karya[besut | besut sumber]
Sadanguning gesangipun, Escoffier nyerat sapèrangan buku kulinèr.[3] Karya-karya ingkang natè dipunpublikasikaken déning Escoffier inggih punika:[3]
- Le Traite sur L'art de Travailler les Fleurs en Cire (1886)
- Le Guide Culinaire (1903)
- Les Fleurs en Cire (1910)
- Le Carnet d'Epicure (1911)
- Le Livre des Menus (1912)
- Le Riz (1927)
- La Morue (1929)
- Ma Cuisine (1934)
Uga delengen[besut | besut sumber]
Cathetan suku[besut | besut sumber]
- ↑ Auguste-Escoffier, Encyclopedia Britannica. Dipunundhuh tanggal 12 Maret 2013.
- ↑ a b c d Gisslen, Wayne (2007). Professional Cooking. John Wiley & Sons, Inc. ISBN 978-0-471-66376-8. Page 5.
- ↑ a b c d e f g h i History of George Auguste Escoffier Archived 2023-05-27 at the Wayback Machine., Hub Uk. Dipunundhuh tanggal 12 Maret 2013.
- ↑ a b Auguste Escoffier 1846 - 1935 Archived 2007-10-24 at the Wayback Machine., World Culinary Institute. Dipunundhuh tanggal 12 Maret 2013.
- ↑ a b c d e f g h i j k l m n Georges-Auguste Escoffier Archived 2010-07-08 at the Wayback Machine., Practically Edible. Dipunundhah tanggal 12 Maret 2013.
Pranala njaba[besut | besut sumber]
 |
Wikimedia Commons duwé médhia ngenani Escoffier. |