Abdul Razak Hussein

Saka Wikipédia Jawa, bauwarna bébas abasa Jawa
Yang Amat Berbahagia Tun
 Abdul Razak
Abdul Razak Hussein

Mangsa jabatan
22 September 1970 – 14 Januari 1976
Monark Abdul Halim
Yahya Petra
Deputi Ismail Abdul Rahman
Hussein Onn
Didhisiki déning Abdul Rahman
Diganti déning Hussein Onn

Mangsa jabatan
31 Agustus 1957 – 22 September 1970
Perdhana Mentri Abdul Rahman
Didhisiki déning Jabatan dikosongaké
Diganti déning Ismail Abdul Rahman

Miyos (1922-03-11)11 Maret 1922
Pekan, Pahang, Malaya Britania
Tilar donya 14 Januari 1976(1976-01-14) (umur 53)
London, Inggris, Britania Raya
Partai pulitik UMNO-Barisan Nasional
Garwa Rahah Noah
Almamatèr Malay College Kuala Kangsar
Raffles College
Pakaryan Pengacara
Agami Islam

Tun Abdul Razak bin Haji Dato' Hussein Al-Haj (miyos ing Pulo Keladi, Pekan, Pahang, Malaysia, 11 Maret 1922 – tilar donya ing London, Inggris, 14 Januari 1976 ing yuswa 53 warsa) inggih punika Perdana Mentri Malaysia kaping kalih, ingkang njabat ing taun 1970 ngantos dumugi taun 1976, minangka gantosipun Tunku Abdul Rahman.[1][2]

Sasanèsipun misuwur minangka salah satunggalipun pangadeg Malaysia, panjenenganipun ugi dados penggagas Dhasar Ékonomi Ènggal, satunggalipun program kontrovèrsial kangge majengaken ékonomi tiyang Melayu ing Malaysia supados sajajar kaliyan kaum trah Tionghoa lan Tamil.[1] Panjenenganipun ugi pangadeg Barisan Nasional ing taun 1973.[1]

Tun Abdul Razak punika putra pungkasan Dato' Hussein bin Mohd. Taib kaliyan Hajah Teh Fatimah binti Daud.[1] Panjenenganipun kagungan trah bangsawan bugis ingkang dhateng Malaya ing abad kaping 19.[1] Salah satunggal putranipun, Najib Tun Razak, inggih punika Perdana Mentri Malaysia wiwit tanggal 3 April 2009.[1] Tun Abdul Razak tilar donya nalika taksih njabat dados Perdana Mentri nalika tanggal 14 Januari 1976 amargi gerah leukemia.[1]

Pendidikan[besut | besut sumber]

Nalika taun 1934, panjenenganipun sekolah ing Sekolah Inggil Melayu Kuala Kangsar lan dados pelajar ingkang cemerlang.[1] Sasampunipun njabat minangka Pegawé Tadbir Melayu ing Sekolah Inggil Melayu Kuala Kangsar nalika taun 1939, panjenenganipun pikantuk beasisiwa kangge nglajengaken studinipun ing Sekolah Inggil Raffles, Singapura nalika taun 1940.[1]

Kanthi béasiswa konfrontasi, Tun Abdul Razak nglajengaken studi babagan undhang-undhang ing taun 1947 ing Inggris.[2] Nalika taun 1950, panjenenganipun pikantuk gelar Degree of an utter Barrister saking Lincoln's Inn.[2]

Cathetan suku[besut | besut sumber]

  1. ^ a b c d e f g h i (en)Tun Abdul Razak Hussein dipunundhuh tanggal 24 Agustus 2011)
  2. ^ a b c (en)Tun Abdul Razak dipunundhuh tanggal 24 Agustus 2011)

Pranala njawi[besut | besut sumber]