Menyang kontèn

Wong-wong transgèndher ing militèr: Béda antara owahan

Saka Wikipédia Jawa, bauwarna mardika basa Jawa
Besutan sawisé →
Konten dihapus Konten ditambahkan
VisualTèks wiki
Digawé kanthi mertal kaca "Transgender people and military service"
(Ora ana béda)

Révisi kala 29 Juli 2017 13.57

Negara-negara sing nampa wong transgèndher ing militèr

Militèr-militèr ing donya racaké ora nampa wong transgèndhèr mlebu dadi saradhadhu.[1] Sanadyan sawetara negara wis ora mawang orientasi seksual ing dum-duman jejibahan militèr padinan, akeh negara racaké isih mawang idhèntitas gèndher  kanggo dum-duman jejibahan militèr padinan. Ing kasil panalitèn kang kababar ing 2014 déning Hague Centre for Strategic Studies, saka 103 negara kang tinaliti, 18 negara ngidini wong transgèndher mlebu ing militèr, lan luwih sangang negara mbokmenawa uga ngidini tentara transgèndher (nanging iki durung bisa kapratelakaké déning panalitèn).[2] Déné 18 negara kang kapesthèkaké nampa wong transgèndher ngabdi ing militèr yaiku: Argentina, Australia, Austria, Belgia, Bolivia, Kanada, Kolombia[ora kapacak ing sitiran], Czech Republic, Denmark, Estonia, Finlandia, Prancis, Jerman, Israel, Walanda, New Zealand, Peru, Spanyol, Swedia lan Inggris.[3]

Isa kasebut, militèr ing Eropah Tlatah Kulon nuduhake laku kang luwih rumangkul marang wong-wong  transgèndher; nanging, sawetara negara Eropah isih gamblang mratelaké ora nampa wong transgèndher lumebu ing militèr.

Pawadan kang menggak gagasan anané wong transgèndher ing militèr

Ana bantahan-bantahan marang gagasan anané wong transghèndher ing militèr. Bantahan-bantahan iki adhedhasar penemu menawa transgèndher iku kalebu lara jiwa saengga wong transgèndher ora pantes mlebu ngabdi ing militèr. Pawadan kang menggak gagasan anane wong transgèndher ing militèr iki ngrujuk marang akèhing kedadèn dheprèsi lan lampus dhiri ing antarane wong-wong transgèndher. Kahanan iki utamané gegayutan karo pawongan sing nindakaké operasi kelamin (sex-reassignment surgery) lan banjur ora bungah utawa ora marem marang kasilé; ing kahanan mangkono dheprèsi abot wis lumrah.[4] Terapi hormon bisa njalari owah-owahan swasana ati lan rasa-pangrasa mungguhing kasarasan, babagan kang wigati kapetung kanggo menggak mlebune wong transgèndher ing militèr. Kejaba bantahan kang gegayutan karo kasarasan merga terapi hormon, sakèh kangélan uga bisa njedhul mbarengi terapi hormon. Kangélan-kangélan kang bisa njedhul saka terapi estrogèn lan terapi tèstostéron iku kalebu undhaking risiko penyakit thromboémbolic, infark miokardial, kanker payudara, masalah kesuburan, stroke, liver kang ora saras, penyakit ngenani ginjel, kanker éndométrium, lan ostéoporosis.[5] Sembarang panandhang iki bisa njalari pitakon-pitakon kang wigati mungguhing lumakuné jejibahan militèr, luwih-luwih nalika tentara diutus ing papan kang kapencil utawa ing papan gladhèn paprangan.

Pawadan liyane mratélakké, kanggo mangun militèr kang empan lan mobah kanthi mulus, rasa rumaket kudu katuwuhaké ing bebadan militèr. Wong kang ngugemi pawadan iki mratélakaké menawa wong transgèndher njalari rusaké rasa rumaket ing jroning bebadan militèr. "Kapitayan ing antarané pribadi-pribadi jroning bebadan militèr" iku babagan wigati banget.[6] Ana rasa was-sumelang yen transgèndher diidini makarya melak-melak ing militèr tundhone moral saradhadhu bakal rusak. Nanging pawadan iki nyélaki pitakonan mungguhing owah-owahan ing tatanan militèr sing mbokmenawa butuh dilakoni kanggo nggulawethah moral lan rumaketé bebadan militèr ing manéka warna kahanan. Watak jejibahan ing militer njalari pawongan kang makarya ing kana nglakoni urip kang banget raket siji lan sijiné. Nglebokaké pawongan ing kahanan kang nggawé rasa bingung lan ora jenjem bisa njalari tandang-gawé kang ora apik drajaté. Ngladèni cukuping srana lan sangu makarya kanggo rombongan kang manéka warna drajat idhèntitas gèndheré bakal gawe kagèt. Ragad kanggo nggulawethah pawongan transgèndher dadi saradhadhu kapétung abot lan wusanané menggak kekarepan ngrangkul pawongan transgèndher[7]. Ora mung mungguh srana lan sangu makarya nanging uga ragad kanggo kasarasan utawa priksa dhokter. Kanggo pawongan kang salin saka jejer lanang dadi jejer wadon, ragad iku wetara 7.000 - 24.000 dollar Amerika Serikat; wadon kang salin lanang butuh ragad ngluwihi 50.000 dollar Amerika Serikat.[8] Mawang putusan peprentahan kang lumaku, wusanané militèr kang kudu ngragadi.

Pawadan kanggo nampa wong transgèndher ing militèr

Karana menggak warga tinamtu nampa kalodhangan kang padha, militèr bakal njalari cap ala marang warga kang ditimbang luwih ringkih iki.[9] Pawadan iki jinurung déning cathetan kang mratélakaké kabèh warga nduwèni jejibahan mbélani bangsa samangsa kabutuhaké.[10] Ngidini wong transgèndher ngabdi ing militèr melak-melak tanpa rasa was-sumelang bakal kapenggak dadi jangkah kang amba nyeraki kaadilan. Wis diakoni déning para winasis ing pawiyatan luhur menawa upaya ngrangkul wong-wong LGBT (lèsbian, gay, bisèksual, transgèndher) ing militer iku ngluwihi perkara hak asasi menungsa, dipratelakake uga militer kudu ngugemi kahanan warga kang maneka warna yèn militèr karep tinampa lan lestari ing abad selikur.

Karana majuning kawruh babagan kamanungsan, pangertèn magepokan idhèntitas sèksual saiki wis luwih becik. Biyèn transgèndher dianggep klebu lara paraphilic utawa paraphilic disorder, saiki  Diagnostic and Statistical Manual of Mental Disorders mapanaké transgèndher ing bab kang beda mawa sebutan gender dysphoria. Kapratelaaké menawa militèr kang misahake wong transgèndher minangka lara jiwa iku nganeh-anehi ing pangertèn kedhokteran sing urip saiki. Pawadan iki njaluk saradhadhu transgèndher dikemonah mawa cara kedhokteran sing padha kaya saradhadhu liya, selaras karo cara-cara kedhokteran sing lumaku.[11]

Para winasis njarwakké menawa ora ana bukti kang kukuh kang njurung penemu warga transgèndher ora bisa ngabdi ing militèr. Kang kerep kocap mung panyakra bawa menawa warga transgèndher nyandhang kangèlan kayata dheprèsi, was-sumelang, lan ngen-ngen lampus dhiri; bab iki wis kabantah dening cacahing kedadéyan kang mèmper ing antarane LGB, kang ing sakeh negara ora dipenggak ngabdi ing militèr.[12][13] Sarana yasa kahanan kang luwih gawé jenjem, sakèh kahanan angèl kang mbokmenawa bisa nerak saradhadhu transgèndher bisa diupaya ora kedadèn yen dhèwèké bisa ngabdi melak-melak kanthi panjurung kang wutuh.[14]

Sanadyan militèr kerep njarwa menawa ragad kedhokteran kanggo saradhadhu transgèndher iku larang, militèr ora bisa njumbuhaké pawadan iki karo pathokan ragad kanggo saradhadhu sing dudu transgèndher. Kanggo conto, militer kerep ngidini terapi hormon kanggo manéka warna kahanan lan kebutuhan sing ora gegayutan karo dysphoria gèndher, terapi hormon racake uga nganthi watak mèmper kontrasepsi. Sakbanjuré, risiko-risiko kang kerep kocap merga owah-owahan hormon arang kedadèn,[15] lan ora njalari kangèlan utawa perkara kang wigati jroning militèr. Sanadyan ragad operasi kelamin disebut larang, kocap saben tauné wetara 2% saradhadhu transgèndher bakal milih nindakaké operasi kelamin.[16]

Mbokmenawa pawadan kang paling kuwat iku landhesan lakune 18 negara kang saiki ngidini warga transgèndher ngabdi ing militèr. Panaliten babagan lelakon sawise LGBT diidini ngabdi melak-melak ing militèr Israel utawa Israeli Defense Forces, militèr Inggris utawa British Armed Forces, lan militèr Kanadha utawa Canadian Armed Forces ora nemokake perkara ala mungguhing tandang-gawé, rasa rumaketing warga bebadan militer, utawa moral.[17] Babagan rasa rumaketing bebadan militèr uga bisa katilik srana kasil panalitèn kang kaleksanan kurang saka setaun sadurungé pawurungé paugeran kang menggak warga transgèndher ngabdi ing militèr Amerika Serikat. Morten G. Ender, David E. Rohall, lan Michael D. Matthews ngleksanani survéi bareng warga  pawiyatan luhur militer Amerika Serikat, Reserve Officers Training Corps, lan murid sipil ing pawiyatan luhur. Survéi iku ngemot niat ngukur solahé warga babagan gagasan warga transgèndher ngabdi ing militèr Amerika Serikat utawa U.S. Armed Forces. Kasil étungan statistik nuduhaké gunggung 50.8% warga ora sarujuk marang paugeran kang menggak warga transgèndher ngabdi ing militer. Gunggung 72.6% warga kang tinaliti njarwakké menawa upaya ngrangkul warga transgèndher mlebu ngabdi ing militer ora bakal nggerus drajat tandang-gawéné. Pungkasané, mungguhing katrangan, 21,8% warga kang tinaliti nyebut luwung dikandhani babagan pilihan orièntasi sèksual, 56,1% warga kang tinaliti kandha ora butuh dikandhani mungguh pilihané warga transgèndèer. Lelandhesan kasil panaliten setahun sadurunge pambiwara kang menggak warga transgèndher ngabdi ing militer Amerika Serikat, pérangan gedhé saka gunggung warga kang tinaliti nuduhaké panjurung kang gedhé marang dirangkulé warga transgèndher ngabdi ing militer Amerika Serikat.[18]

Warga transgèndher ing militèr sawetara negara

Australia

Wolulas taun sawisé Australian Defence Force mbabar paugeran kang menggak gay lan lèsbian ngabdi ing militèr,[19] ADF malik paugeran kang menggak lan nyingkiraké warga transgèndher saka milièer. Kasebut menawa Australian Defence Force iku mujudaké bebadan militèr pungkasan kang ngidini saradhadhu kang salin gèndher dipecat.[20] ADF njurung watak mancawarna ing militèr lan nyebut LGBTI minangka warga kang diminakké, sing tujuan paling wigatiné iku mapanaké ADF minangka pilihan warga, sing minangka bebadan ngormati lan njurung dirangkulé warga saka maneka warna gèndher.[21]

Ing taun 2013 paugeran Australia njarwakké pangayoman nglawan panganiaya jalaran idhèntitas gèndher karana nglebokaké pangayoman kanggo LGBTI ing Sex Discrimination Act 1984.[22] Ana wetara 15 saradhadhu transgèndher kang ngabdi melak-melak,[23] kanthi panjurung saka péngarepé ADF kang melak-melak nuduhaké prasetya bakal yasa kahanan kang gawé jenjem srana ngrangkul kabèh saradhadhu tanpa mawang apa waé. Ana ing wawanwicara One Plus One bareng ABC News pengarep ADF kang uga warga transgèndher kanthi pangkat paling dhuwur Lieutenant Colonel Cate McGregor kandha marang kumendhan utawa Chief of Army, Lieutenant General David Morrison AO, mratelakaké yen Chief of Army nganthi penemu "saradhadhu ora bakal bisa slamet jalaran militèr dadi papan siksa" lan nggambaraké kahanan ing militèr kang pakulinané nyingkiraké sadhengah kang beda.[24] Ing wayah skandhal seks Jedi Council dingerteni wong akeh[25][26] Chief of Army mbabar dhawuh kang njurung para saradhadhu nuduhaké solah moral kang kukuh, lumawan marang sadhéngah wong kang daksiya marang liyan. Sabanjuré dijarwakké menawa Sang Kumendhan bakal "dadi kejem nyingkiraké sapa waé kang ora bisa ngugemi kautaman militèr".[27] Sanadyan mbokmenawa dalane isih dawa ngener panampa kang wutuh marang warga transgèndher ing Australia,[28] saradhadhu transgèndher lan bayaté jinurung dening DEFGLIS sing tujuané mligi njurung saradhadhu LGBTI lan brayate, gawé sangsaya kukuhé daya militèr srana inklusi, lan ndhidhik sadhengah kang makarya murih mangerti babagan mancawarna.[29]

New Zealand

New Zealand Defence Force wis dijebadke minangka pengareping donya ing babagan nguripi manca warna lan babagan panjurung marang warga GLBTIQ, lan jinebad ing tataran paling dhuwur babagan ngrangkul warga lèsbian, gay, bisèksual, lan transgèndher ing militèr.[30][31]

Kanthi wuwuhan Human Rights Act marang New Zealand Bill of Rights Act ing taun 1994, sadhengah laku panganiaya jalaran orièntasi seksual mujudake laku pidana. Sanadyan durung ana rujukan kang maton mungguhing warga transgèndher ing New Zealand, wus kababar déning Solicitor General menawa pangayoman marang warga transgèndher kajarwa lelandhesan New Zealand Bill of Rights Act 1990 ing perangan paugeran dhiskriminasi seks.[32][33] Sanadyan Human Rights Commission lan akeh pambela isih ngudi paugeran kang gamblang jroning New Zealand Bill of Rights Act kanggo ngayomi warga transgèndher saka dhiskriminasi,[34] NZDF ora nuduhake dhiskriminasi lelandhesan idhèntitas gèndher.

Kanggo njurung pangramuting mancawarna lan watak inklusi, Pangareping Angkatan Pertahanan nyarujuki pamangune paguyuban panjurung kanggo saradhadhu  LGBTI.[35] Ing 2012 paguyuban aran NZDF Overwatch kababar jroning angkatan pertahanan. Overwatch menehi panyengkuyung lan sesambungan pasrawungan marang saradhadhu GLBTI, nalika ngayahi jejibahan lan nalika ora ngayahi jejibahan. Paguyuban iki uga nyedhiani  dhidhikan lan panuntun marang para pengarepe militèr. NZDF lan Overwatch iki karan lan kondhang merga watak inklusi lan pangupaya mujudaké kalodhangan makarya lan pinilih nampa abiwada Supreme saka ANZ lan Equal Employment Opportunity Trust, Diversity Award NZ 2013.[36]

Amerika Serikat

Paugeran militèr Amerika Serikat sadurunge ngidini pamencil kanggo saradhadhu transgèndher saka kerja-kerja gegayutan karo urusan kedhokteran. Sanadyan saradhadhu gay, lèsbian, lan bisèksual diidini ngabdi melak-melak wiwit 2011, saradhadhu transgèndher bisa sawayah-wayah dipecat yen ora bisa lulus ujian selaras karo idhèntitas sèksual. Kahanan iki gawé sadhéngah saradhadhu  nyingidaké idhèntitas gèndher sajroning makarya.[37]

Kira-kira ing 2008-2009 ana wetara 15.500 sardhadhu transgèndher kang makarya ing National Guard utawa saradhadhu cadhangan ing militèr AS.[38][39] Panaliten kang diayahi taun 2016, adhedhasar panaliten sadurungé andum petung menawa mung wetara 1.320 lan 6.630 saradhadhu transgèndher makarya lan wetara 830 lan 4.160 saradhadhu mlebu ing saradhadhu cadhangan, kanthi petungan sedheng 2.450 saradhadhu makarya lan 1.510 saradhadhu mlebu ing cadhangan. [40][41]

Air Force Secretary Deborah Lee James melak-melak asung panjurung marang owah-owahan paugeran militèr mungguhing transgèndher sing kababar ing 2014 mbokmenawa bakal katilik maneh ing taun candhaké.[42] Ing Februari 2015, Secretary of Defense Ashton Carter andum pratelan kang nyaranke watak tinarbuka jroning pangrangkul marang warga transgèndher ing militèr, nyatakake dheweke ngugemi pikiran tinarbuka gegayutan bab iku, lan ora ana bab liya kejaba tandang-gawé kang ora jumbuh kang bisa menggak saradhadhu saka kalodhangan makarya ing militèr.[43] Pamratelane Carter ing tembé mburi jinurung déning Presiden Obama.[44] Ing Agustus 19, 2015, Carter nyatakake ing memo menawa Departemen Pertahanan wis miwiti laku murungake paugeran kang nglarang warga transgèndher ngabdi ing militèr lan wusanané saradhadhu transgèndher bakal bisa melak-melak ngawula ing militèr Amerika Serikat wiwit tanggal 27 Mei taun candhaké.[45]

Paugeran ing Departemen Pertahanan sing nglarang transgèndher ngabdi ing militèr Amerika Serikat kawurungaké ing 30 Juni 2016,[46] nanging status para saradhadhu transgèndher kang isih amakrya durung cetha bakda paugeran anyar kababar dening Papréntahané Presiden Trump.

Paugeran iku kababar ing tanggal 30 Juni 2016, mratelakaké wiwit ing tanggal iku, saradhadhu kang mumpuni ora bisa dipecat, ditolak ndhaftar, kapisahké tanpa panyarujuk, utawa dipenggak mbacutaké pakaryan merga jejer transgèndher.[47]

Babagan wigati saka inklusi transgèndher iku nyedhiani layanan pangramuting kasarasan lan matrapake pathokan layanan sadonnya. Perkara kang mrentul saiki gegayutan karo transgèndher yaiku dana asuransi kasarasan ing militèr yang digunakké kanggo operasi salin kelamin. [48] Chelsea Manning, saradhadhu transgèndher Amerika Serikat melak-melak, biyèné diukum tahanan merga dianggep nerak Espionage Act, ngajokaké tuntutan hukum marang Sekretaris Pertahanan Hagel merga ora bisa nyedhiyani dheweke mawa pangramut kasarasan kang jumbuh karo salin idhèntitas gèndheré.[49] Ing wiwitan, pangramut hormon kanggo nyokong laku salin gèndher Chelsea Manning disengkuyung déning lan kawuwuhaké marang rancangan pangramut ing pakunjaran Fort Leavenworth, bebarengan karo butuh liyane kayata kosmetik lan sandhangan njero jejer wadon kanggo nyokong dhèweké urip minangka jejer gèndheré.[50][51]

Ing 26 Juli 2017, Presiden Amerika Serikat Donald Trump mbabar pambiwara kang mratélakaké menawa warga transgèndher bakal ora bisa manèh diidini ngabdi ing  militèr Amerika Serikat.[52] Ing dina candhake, Jenderal Joseph Dunford, Ketua Joint Chiefs of Staff, nyatakake warga melak-melak transgèndher bakal diidini mbacutaké ngabdi ing militèr Amerika Serikat nganti Trump menehi arahan kanggo Defense Secretary Jim Mattis.[53]

 Uga delengen

  • Orièntasi sèksual lan jejibahan pangabdi ing militèr

Rujukan

  1. ↑ Polchar, Joshua; Sweijs, Tim; Marten, Philipp; Galdiga, Jan (27 June 2014). "LGBT Military Personnel: a Strategic Vision for Inclusion". The Hague Centre for Strategic Studies. ISBN 9789491040931. Diarsip saka sing asli ing 28 July 2017.
  2. ↑ Elders et al, "Medical Aspects of Transgender Military Service" Armed Forces & Society (2014) vol. 41 no. 2 pp 199-220 online
  3. ↑ O'Connor, Tim (26 July 2017). "Trump's Transgender Military Ban Leaves Only 18 Countries With Full LGBT Rights in Armed Forces". Newsweek. Dibukak ing 26 July 2017.
  4. ↑ Clements T.I., Wicks R.E.,"Transsexualism and Flight Safety" Aerospace Medicine Branch Education USAF School of Aerospace Medicine, Brooks Air Force Base, Texas online
  5. ↑ Major Bunn S.A., Straight talk: The implications of repealing "Don't ask, Don't tell" and the rationale for preserving aspects of the current policy 203 MIL.
  6. ↑ Kaplan D., Rosenmann A, Unit social cohesion in the Israeli military as a case study of "Don't Ask, Don't Tell, 33 Pol.
  7. ↑ Needs Citation
  8. ↑ Sex Reassignment Surgery Encyclopaedia of Surgery, Retrieved 2015-04-27
  9. ↑ Binkin M., Eitelberg M.j., Blacks and the military, (1982) Washington, DC, Brookings Institution
  10. ↑ Herek G.M., "Sexual orientation and military service: A social science perspective," American Psychologist 48, no. 5 (1993) pp. 538-549
  11. ↑ Gale S.P. (co-chair), Shannon M. (co-chair), "Report of the Planning Commission on Transgender Military Service" A nonpartisan national commission offering implementation guidance for the inclusion of openly-serving transgender personnel in the US military (Aug 2014) Palm Centre Blueprints for sound public policy
  12. ↑ King M. et al., "A systematic review of mental disorder, suicide, and deliberate self harm in lesbian, gay and bisexual people," BMC Psychiatry 8 (2008) pp. 1-17
  13. ↑ Carpenter: Why LGB people should care about trans bias in the military Tom Carpenter & Karen Ocamb, LGBt POV, (Oct. 24, 2012) Retrieved 2015-04-28
  14. ↑ Ross A., "The Invisible Army: Why the military needs to rescind its ban on transgender service members" 23 S. Cal.
  15. ↑ Asscheman H. et al., "A long-term follow up study of mortality in transsexual receiving treatment with cross-sex hormones," European Journal of Endocrinology 164, 4 (2011) pp. 635
  16. ↑ Elders J.M., et al, "Medical aspects of transgender military service" 41 Armed Forces & Society 2 (2014) pp.1-22
  17. ↑ Belkin A., Levitt M., "Homosexuality and the Israel Defense Forces: Did Lifting the Gay Ban Undermine Military Performance?," 27 Armed Forces & Society 4 ( 2001) p. 544; Belkin and Evans, "The Effects of Including Gay and Lesbian Soldiers in the British Armed Forces," 4; Belkin A., McNichol J., "Homosexual Personnel Policy in the Canadian Forces: Did Lifting the Gay Ban Undermine Military Performance?," 56 Canadian International Journal 1 (2000) p. 80
  18. ↑ Ender, Morton G.; Matthews, Michael D.; Rohall, David E. (2016). "Cadet and Civilian Undergraduate Attitudes toward Transgender People". Armed Forces & Society. 42.2: 427–435. {{cite journal}}: |access-date= requires |url= (pitulung)
  19. ↑ Australia Ends a Prohibition on Homosexuals in Military New York Times, Nov. 24 1992, Retrieved 2015-04-29
  20. ↑ Let them serve: Defence drops ban on transgender soldiers Crikey, Sep 15, 2010, Retrieved 2015-04-29
  21. ↑ Australian Government; Department of Defence: Our Identified Priorities retrieved 2015-04-29
  22. ↑ New protection against discrimination on the basis of sexual orientation, gender identity and intersex status Australian Human Rights Commission, 1 Aug, 2013; Retrieved 2015-04-29
  23. ↑ The Secret I Kept for 50 Years Australian Women's Weekly, Jan 2014, Retrieved 2015-04-29
  24. ↑ "One Plus One (Video)". Australian Broadcasting Corporation. Dibukak ing 29 April 2015.
  25. ↑ "Jedi Council (Online)". Dibukak ing 29 April 2015.
  26. ↑ Transcript of Morrison's press conference on 2013 email scandal, 13 June 2013, www.army.gov.au
  27. ↑ Australia's army chief: No place in military for those who denigrate women (Video) The Guardian, Retrieved 29 April 2015
  28. ↑ Lesbian, Gay, Bisexual, Trans and Intersex Equality (Online) Australian Human Rights Commission, Retrieved 29 April-2015
  29. ↑ DEFGLIS (Online) Retrieved 29 April 2015
  30. ↑ Maximising Opportunities for Military Women in the New Zealand Defence Force (Online) Evaluation Division, 2014, Retrieved 30 April 2015
  31. ↑ NZ Defence Force Proud to be Ranked First in Worldwide Diversity Study (Online) New Zealand Defence Force News updated 21 Feb 2014, Retrieved 30 April 2015
  32. ↑ Paul Rishworth.
  33. ↑ Solicitor General's opinion on the application of the Human Rights Act 1993 to transgender people (Online)
  34. ↑ To Be who I am: Kia noho au ki tōku anō ao (Online) Report of the inquiry into discrimination experienced by transgender people: He pūrongo mō te uiutanga mō aukatitanga e pāngia ana e ngā rāngata whakawhitiira, (2007)
  35. ↑ Jim Rolfe.
  36. ↑ Diversity Awards 2013 (Online) EEO Trust, Retrieved 30 April 2015
  37. ↑ Ross A., "The invisible army: why the military needs to rescind its ban on transgender service members," Southern California Interdisciplinary Law Journal 23 (2014) p. 185
  38. ↑ Gates G.J., Herman J.L., "Transgender Military Service in the United States," (2014) Williams Institute, UCLA School of Law
  39. ↑ http://escholarship.org/uc/item/1t24j53h#page-4
  40. ↑ http://time.com/4874380/donald-trump-military-transgender-how-many/
  41. ↑ http://www.rand.org/content/dam/rand/pubs/research_briefs/RB9900/RB9909/RAND_RB9909.pdf
  42. ↑ Air force secretary supports lifting transgender ban (Online) USA Today, 10 Dec 2014, Retrieved 1 May 2015
  43. ↑ U.S. Military Takes Baby Step Toward Allowing Transgender Soldiers (Online) Time, 24 Feb 2015, Retrieved 1 May 2015
  44. ↑ White House echoes Pentagon chief on transgender troops (Online) USA Today, 23 Feb 2015, Retrieved 1 May 2015
  45. ↑ "Military transgender ban set to end next May".
  46. ↑ Reuters (25 June 2016). "US military to repeal ban on openly transgender personnel".
  47. ↑ "TMilitary lifts transgender ban s". McClatchy. June 30, 2016. Dibukak ing June 30, 2016.
  48. ↑ Alford, Brandon; Lee, Shawna J. (2016). "Toward Complete Inclusion: Lesbian, Gay, Bisexual, And Transgender Military Service Members After Repeal Of Don't Ask, Don't Tell". Social Work. 61.3: 257–265. {{cite journal}}: |access-date= requires |url= (pitulung)|access-date= butuh |url= (pitulung)
  49. ↑ Chelsea Manning sues to get transgender medical treatment (Online) CNN, 24 Sep 2014, Retrieved 1 May 2015
  50. ↑ Military approves hormone therapy for Chelsea Manning (Online) USA Today, 13 Feb 2015, Retrieved 1 May 2015
  51. ↑ Joint Status Report and Motion to Stay Proceedings for Seven Months" (Online) Cryptome.org, 10 Mar 2015, Retrieved 1 May 2015
  52. ↑ "Trump: Transgender people 'can't serve' in US military". BBC. July 26, 2017. Dibukak ing July 26, 2017.
  53. ↑ "Defense chiefs resist Donald Trump's ban on transgender troops". The Guardian. Associated Press. July 27, 2017. Dibukak ing July 27, 2017.

Pranala njaba

Dijupuk saka "https://jv.wikipedia.org/w/index.php?title=Wong-wong_transgèndher_ing_militèr&oldid=1199815"