Lètnan Jéndral

Saka Wikipédia Jawa, bauwarna bébas abasa Jawa
Pangkat Lètnan Jèndral

Lètnan Jènderal (sering dicekak Lètjèn) iku sawijining pangkat perwira tinggi militèr sing dipigunakaké ing akèh nagara minangka pangkat jènderal mawa bintang telu. Istilah lètnan jènderal asal saka Abad pertengahan nalika pangkat Lètnan Jènderal minangka wong kaloro sing nyekel komando ing lapangan tempur, biyasané ana ing sangisoré Kaptèn Jéndral.

Lètnan Jéndral iku pangkat sing tatarané sak tingkat sangisoré pangkat Jéndral, lan sak tingkat sadhuwuring Mayor Jéndral. Lètnan luwih dhuwur tinimbang mayor amarga asal usul pangkat Mayor Jéndral asal saka istilah Sersan Mayor Jènderal; Lètnan luwih dhuwur tinimbang Sersan Mayor.

Ing sawetara nagara Éropah Wétan, kaya Ruslan, pangkat Lètnan Jènderal minangka pangkat jènderal mawa bintang loro, déné pangkat jènderal mawa bintang telu iku Kolonèl Jènderal.

Lètnan Jéndral ing TNI[besut | besut sumber]

Tandha pangkat sing dipigunakaké ing sandhangan dines padinan

Pangkat Lètnan Jéndral dianggo minangka pangkat perwira tinggi mawa bintang telu. Dipigunakaké mung déning TNI-AD, kalungguhan sing disandhang déning pangkat iki antarané Panglima Kostrad sarta KSAD (Lètjen senior).

Perwira tinggi mawa bintang telu ing TNI-AL ingaran Laksamana Madya lan ing TNI-AU Marsekal Madya.

Uga delengen[besut | besut sumber]