Jihad

Saka Wikipédia Jawa, bauwarna mardika basa Jawa
Artikel iki bagéyan saka sèri
Islam
Rukun Islam
Sahadat · Salat · Pasa
Jakat · Kaji
Rukun Iman
Allah · Kuran · Malaékat
Nabi · Dina Akhir
Qada & Qadar
Tokoh Islam
Mukamad
Nabi & Rasul · Sakabat
Ahlul Bait
Kutha suci
Mekkah ·Madinah · Yérusalem
Najaf · Karbala · Kufah
Kazimain · Mashhad ·Istanbul
Riyaya
Éjrah · Idul Fitri · Idul Adha
· Asyura · Ghadir Khum
Arsitèktur
Mesjid ·Menara ·Mihrab
Ka'bah · Arsitèktur Islam
Jabatan Fungsional
Khalifah ·Ulama ·
Imam·Mullah·Ayatullah · Mufti
Tèks & Ukum
Kuran ·Kadis · Sunah
Fiqih · Fatwa · Saréngat
Madahab
Sunni
Kanapi ·Kambali
Maliki ·Sapingi
Singah
Rolas Imam
Ismailiyah·Zaidiyah
Liyané
Ibadi · Khawarij
Murji'ah·Mu'taziliyah
Delengen uga
Gapura Islam
Indeks perkara Islam

Jihad ( جهاد ) iku marsudi kanthi temen miturut ukum Islam.[1] Jihad ditindakaké kanggo ngayahi misi utama manungsa yaiku negakaké Din (agama) Allah utawa njaga Din tetep tegak, kanthi cara-cara sarujuk karo garis perjuangan para Rasul lan Kuran. Jihad kang ditindakaké Rasul iku dhakwah supaya manungsa ninggal kamusyrikan lan bali marang aturan Allah, nyucèkaké kalbu, maringi pengajaran marang umat lan ndhidhik manungsa supaya sarujuk karo tujuan panciptaané yaiku dadi kalifah Allah ing lumahing bumi. Jihad iku minangka pilar kakuwatan umat Islam kawit biyèn nganti dina akir. Jihad banget dipahami déning musuh-musuh Allah Swt saéngga kanggo bisa ngalahake umat Muhammad iki, musuh-musuh padha usaha kanggo ngrusak hakikat jihad. Salah sijiné kanthi nylewengake hakikat jihad dadi mung “usaha kanthi tenanan”. Dhèwèké ngandhakake iku kanthi alesan manawa akar tembung “jihad” yaiku “mujadalah” kang pancèn tegesé tenanan.[2]

Asal Tembung Jihad[besut | besut sumber]

Ing al-Quran lan Sunat, tembung jihaad diwenenhi arti anyar saka saréngat saka arti asal (basane) utawa pinuju makna kang luwih mirunggan, yaiku, ”ngetokaké kabèh kemam-puan kanggo perang ing dalan Allah, kanthi langsung, karo bantuan keuangan, penemu (pamikir), ngakehi kuantitas (taktsiir al-sawaad) utawa liyané (Ibn 'Abidiin, Haasyiyah, jus III, hal. 336). Dadi jihad tegesé perang ing dalan Allah.[3]

Jihad saka basa al-Qur’an. Dadi pemahamané uga kudu Qur’ani dudu mung basa Arab ing endi wong-wong kaya Abu Lahab lan para kafirin Quraiys uga nggunakaké amarga sanadyan basané padha, nanging duwé makna lan hakikat kan béda. Sanajan padha-padha basa Arab, nanging apa kang metu saka lambéné kaya Abu Lahab utawa sawijining pemuka kafirin Quraiys, karo apa kang metu saka lésan Rasulullah Saw lan para sahabat temtu béda.[4]

Dhasar[besut | besut sumber]

Salah sijiné dhasar jihad yaiku: “Ora padha antarané mu'min kang lungguh (ora mèlu perang) kang ora duwé uzur karo wong-wong kang jihad ing dalan Allah kanthi bandha lan jiwané. Allah ngluwihake wong-wong kang jihad kanthi bandha lan jiwane sakdhuwure wong-wong kang lungguh siji drajat... (QS. al-Nisaa': 95)

Dhasar-dhasar jihad ing AlQuran:

  • Al-Baqarah: 216
  • Ali Imran: 156-157
  • Ali Imran: 169-170
  • An-Nisa: 78
  • Al-Anfal: 65
  • At-Taubah: 14-15.[5]

Panemu Ulama[besut | besut sumber]

Para ulama shalafus-shalih kawit biyèn tekan saiki ora ana béda penemu ngenani jihad, yaiku perang ing dalan Allah Swt kanthi niyat: urip mulya utawa Mati Syahid. Dadi dudu mung tenanan nglakoni sesuatu.[4] Manawa ana ulama kang ngomong jihad iku mung sekadar tenanan, mula iku wis mbuktekake marang kita manawa wong iku lagi nglayani kepentingan musuh-musuh Allah Swt ing sajeroning ngrusak salah sijiné pilar kakuwatan umat iki.[2]

Makna Jihad[besut | besut sumber]

Ana upaya anyar kang diciptakake déning musuh-musuh Islam, yaiku ngilangake makna sarta prabawa istilah-istilah Islam ing satengahing kaum Muslim. Salah siji istilah kang dièliminir lan dikaburaké yaiku istilah jihad, iki kanggo nyipta stereotipe négatif ngenani jihad, mujahid lan syahid, nanging uga kanthi ngalihake makna jihad kang syar’i tumuju pengerten jihad kang lughawi (sipaté luwih umum).[6]

Tingkatan Jihad[besut | besut sumber]

Jihad duwé tataran. Tenanan nglakoni sawenèh ana ing tataran paling ngisor, jihad paling dhuwur yaiku Qital utawa Jihad fi Sabilillah, perang ing dalan Allah Swt.[6]

Jihad lan terorisme[besut | besut sumber]

Terorisme ora bisa dikategori minangka Jihad; Jihad sajeroning wangun perang kudu jelas pihak-pihak endi waé kang kalibet sajeroning paprangan, kaya déné perang kang dilakoni Muhammad kang makili Madinah nglawan Makkah lan sekuthu-sekuthuné. Alesan perang mau mligi dipicu déning kezaliman kaum Kurès kang nglanggar hak urip kaum Muslimin kang ana ing Makkah (kalebu perampasan harta kasugihan kaum Muslimin sarta pangusiran).[6]

Kena apa kowé ora gelem perang ing dalan Allah lan (mbéla) wong-wong kang lemah lanang, wanita-wanita lan bocah-bocah kang kabèh padha dedonga: "Duh Gusti, wetokaké kita saka nagari iki (Mekah) kang zalim kang ndunungi lan paringi kita pelindhung saka sisih Panjenengan, lan paringi kita panulung saka sisih Panjenengan !".(QS 4:75)

Perang kang nganggo jeneng negakaké Islam nanging ora nuruti Sunat Rasul ora bisa ingaran Jihad. Sunat Rasul kanggo negakaké Islam diwiwiti saka dakwah tanpa kakerasan, ijrah menyang wewengkon kang aman lan nampa dhakwah Rasul, banjur minangka sawijining masarakat Islami (Ummah) kang duwé angkah negakaké Kakuwasan Allah ing bumi.[6]

"Perangi wong-wong kang ora duwé iman marang Allah lan ora (uga) marang dina kiyamat lan ora ngaramaké apa kang wis dikaramaké déning Allah lan Rasul-É lan ora duwé agama kang bener (agama Allah<-Islam), (yaiku wong-wong) kang diparingi Al Kitab, nganti mbayar jizyah kanthi patuh déné wong-wong iku sajeroning kaanan tundhuk."[6]

Cathetan suku[besut | besut sumber]

  1. Macsonic.org Archived 2011-08-27 at the Wayback Machine. Jihad
  2. a b ww.eramuslim.com Jihad (diaksés tanggal 5 Agustus 2011)
  3. www.facebook.com Jihad (diaksés tanggal 5 Agustus 2011)
  4. a b hizbut-tahrir.or.id Pangertèn Jihad Miturut Para Ulama (diaksés tanggal 5 Agustus 2011)
  5. www.al-ikhwan.net Archived 2011-06-30 at the Wayback Machine. Risalah Jihad (diaksés tanggal 5 Agustus 2011)
  6. a b c d e radioyabis.com Archived 2012-02-01 at the Wayback Machine. Makna Jihad Menurut Islam (diaksés tanggal 5 Agustus 2011)