Ibnu Batutah

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gambar Ibnu Batutah

Ibnu Batutah iku sawijining musafir Muslim lan ahli hukum ing abad 14 kang misuwur dadi petualang paling gedhé ing jaman pra-modhèrn. Crita ngenani lakuné Ibnu Batutah misuwur nganti olèh jejuluk Marco Polo-né ndonya Muslim.[1] Uripé tokoh Islam iki entèk kanggo mubeng ndonya sinambi nyebaraké agama Islam. Mèh 120.000 kilometer wis diliwati suwéné 1325-1354 M utawa ping telu luwih dawa saka let kang diliwati déning Marco Polo.[2]

Lair[sunting | sunting sumber]

Ibnu Batutah nduwèni kebangsaan Arab, lair ing Tangier 17 Rajab 703 H/ 25 Februari 1304.[2] Jeneng jangkepé yaiku Muhammad bin Abdullah bin Muhammad bin Ibrahim At-Tanji, nduwèni gelar Syamsuddin bin Battutah. Awit cilik, Ibnu Batutah digedhèkaké ing kulawarga Islam kang taat marang agama. Ibnu Batutah seneng nyinaoni babagan èlmu-èlmu fiqih, sastra lan syair Arab.[3]

Sajarah[sunting | sunting sumber]

Nanging dhèwèké ngalami jaman kajayan Bani Marrin kang kuwasané ana ing Moroko ing abad ka-13 lan 14 M. Ibnu Batutah béda banget menawa dibandhingaké karo Marco Polo, sawijining peniaga lan Columbus kang uga pangembara. Sakliyané duwé sifat-sifat mangkono, Ibnu Batutah uga sawijining téologis, sastrawan puisi lan cendekiawan, sarta humanis, artiné ngluwihi loro sejarawan mau.[3]

Awal panjlajahan[sunting | sunting sumber]

‘Tak tinggalké Tangier, ndésaku, dina Kemis 2 Rajab 725 H/ 14 Jun 1325 M. Nalika umurku nembé 21 taun patang wulan. Tujuanku yaiku nglakoni ibadah kaji ing Tanah Suci ing Makkah lan ziarah ing makam Rasulullah SAW ing Madinah.’ Antarané tulisan jroning buku cathetané ‘Rihlah’.[3]

Panjlajahané Ibnu diwiwiti saka umur 21 taun nalika munggah kaji. Mesir arupa negri pisanan kang ditekani Ibnu Batutah. Jroning lelaku, dhèwèké kesengsem marang pengalamané ketemu wong akèh ing akèh panggonan. Mula dhèwèké sumpah kanggo nekani akèh panggonan sakdawané urip. Ora mung njlajah nanging uga mutusaké kanggo ngliwati dalan kang béda karo sing wis naté diliwati.[2]

Ing kono dhèwèké miwiti lelakuné.

Saksuwéné mèh 30 taun, dhèwèké wis nekani 3 bawana wiwit saka Afrika Lor, Afrika Kulon, Éropah Kidul, Éropah Wétan, Timur Tengah, India, Asia Tengah, Asia Kidul-wétan, lan Cina.[4] Lelaku lan pangembaraané ngupengi donya iku nganti 73 éwu mil utawa 117 éwu kilometer. Ora nggumunaké, menawa kehébatané bisa ngluwihi Christopher Columbus, Vasco de Gama, lan Magellan kang wiwit nglayar 125 taun sakwisé Ibnu Batutah.[3]

Sejarawan Kulon, George Sarton, nyathet let lelaku kang katempuh déning Ibnu Batutah ngluwihi apa kang dicekel Marco Polo. Sarton uga ngakoni katangguhané Ibnu Batutah kang bisa ngliwati lautan lan njlajah dharatan kang dawané 73 éwu mil.[3]

Ibnu Batutah naté kadampar ing Samudera Pasai Asia Kidul-wétan, nalika kerajaan Islam pisanan ing Nuswantara ing abad ka-13M, yaiku ing bumi Aceh Serambi Mekah suwéné 15 dina ing taun 1345.[3]

Ibnu Batutah nggambaraké Samudera Pasai kanthi éndah… ‘Negri kang ijo kanthi kutha plabuan kang gedhé lan éndah.’[3]

Dhèwèké disambut déning pamimpin Daulasah, [[Qadi Syarif Amir Sayyir al-Syirazi, Tajudin al-Ashbahani lan ahli fiqih kasultanan. Miturut Ibnu Batutah, jaman iku Samudera Pasai wis dadi pusat studi Islam ing Asia Kidul-wétan.[3]

Sultan Mahmud Malik Al-Zahir yaiku sawijining pemimpin kang banget njunjung hukum Islam. Pribadiné kang andhap asor. Dhèwèké mangkata tumuju mesjid kanggo sholat Jumaat kanthi mlaku. Rampung sholat, sultan lan rombongan biyasa mubeng kutha kanggo mriksani kahanan rakyaté.” Critané dhèwèké.[3]

Miturut Ibnu Batutah, panguwasa Samudera Pasai iku nduwèni ghirah sinau kang dhuwur kanggo nggolèk èlmu-èlmu Islam marang ulama. Dhèwèké uga nyathet, pusat studi Islam kang dibangun ing lingkungan kerajaan dadi panggonan dhiskusi antarané ulama lan èlit kerajaan. Saksuwéné muteri donya lan ngidekkaké sikilé ing 44 negara, jroning kitab kang judhulé ‘Tuhfat al-Nazhar’, Ibnu Batutah wis ketemu karo 7 raja kang nduwèni kaluwihan luar biasa, yaiku:

  1. Raja Iraq, sing apik budhi basané,
  2. Raja Hindustani sing gapyak banget,
  3. Raja Yaman sing akhlaké mulya,
  4. Raja Turki sing gagah prakasa
  5. Raja Romawi sing sugih pangapura,
  6. Raja Melayu Malik Al-Zahir sing akèh èlmuné, lan
  7. Raja Turkistan.[3]

Dhèwèké ngakhiri cathetané kanthi sawijining ukara, Akiré aku uga tekan kutha Fez (Moroko). Ing kono dhèwèké mutusaké kanggo nulisaké kasil pangembaraané, lan tilar donya ing Maroko taun 1377 M. Ibnu Batutah wis mènèhi ngerti menawa ing abad patengahan, peradaban wis ana lan ngrembaka ing bumi Nuswantara, sajajar karo raja-raja liya ing donya.[3]

Préntah kanggo nulis mémoar[sunting | sunting sumber]

Sakwisé ngertèni pangembaran Ibnu Batutah, Sultan Fez ing Maroko, nitahaké kanggo nyiapaké tulisan kanggo kapentingan istana lan mènèhi sawijining juru tulis, Ibnu Juza’i. Karya kang dirampungaké iki ora disebaraké jroning basa Arab, lan pamertalané jroning basa-basa Kulon nembé diwiwiti sakwisé naskah iki ditemokaké déning para sarjana Éropah ing abad ka-19.[5]

Tilar donya[sunting | sunting sumber]

Taun 1369 ing umur 65 taun Ibnu Battuta séda. 12 taun sakwisé dhèwèké rampung nulis rihla. Ibnu Battuta ninggalaké warisan kanggo donya arupa cathetan lelaku kang bakal dièlingi déning umat manungsa.[4]

Cathetan sikil[sunting | sunting sumber]

  1. ^ (id) [1] Ibnu Batutah (diaksés tanggal 10 Agustus 2011)
  2. ^ a b c (id) [2] Ibnu Batutah (diaksès tanggal 11 Agustus 2011)
  3. ^ a b c d e f g h i j k (id) [3] Ibnu Batutah (diaksès tanggal 10 Agustus 2011)
  4. ^ a b (id) [4] Ibnu Batutah (diaksès tanggal 11 Agustus 2011)
  5. ^ (id) [5] Ibnu Batutah (diaksès tanggal 10 Agustus 2011)



Tokoh Penjelajah Laut
Vasco da Gama - Bartolomeu Dias - Christopher Columbus - Marco Polo - Henrique sang Navigator
Alfonso de Albuquerque - Ferdinand Magellan - James Cook - Walter Raleigh - Cheng Ho - I Ching
Hernán Cortés - Gonzalo Jiménez de Quesada
Sumber artikel punika saking kaca situs web: "http://jv.wikipedia.org/w/index.php?title=Ibnu_Batutah&oldid=881685"