Wekdal Jayanipun Islam

Peta wewengkon kakuaosanipun Islam wekdal Jayanipun.

Wekdal Jayanipun Islam inggih punika wekdal kaemasan Islam wekdal dipunpandhegani déning Abbasiyah wiwit abad (abad kaping 8), ngantos dumugi wekdal Bagdad dipunlemponganaken Mongol ing taun 1258. Wekdal Jayanipun Islam dipuntandhani déning minggahipun kakhalifahan Abbasiyah lan pamindahan kutha krajan saking Damaskus dhateng Bagdad. Dhinasti Abbasiyah dipunprabawai déning parentah-parentah Al-Quran lan Hadist, kados "tinta satunggaling sarjana punika langkung saé tinimbah rah-ipun satunggaling bala", ingkang nengenaken aji pendidikan.

Wekdal samanten donya Arab dados punjering intelektual tumraping ngèlmu kawruh, filsafat, kadhokteran, lan pendidikan. Abbasiyah nengengaken babagan ngèlmu utawi kawruh lan anjumenengaken kedhunging kawicaksanaan ing Bagdad, ing papan punika para sarjana Muslim utawi non-Muslim ngupadi nerjemahaken lan ngempalaken sadaya kawruh kawruh donya dhateng basa Arab. Kathah karya-karya klasik jaman kina ingkang kedahipun sampun ical nanging saged dipunslametaken kanthi dipunterjemahaken dhateng basa Arab lan Pèrsi lan ing tembenipun lajeng dipunterjemahaken dhateng basa Turki, basa Ibrani, lan basa Latin.

Sadanguning periodhe punika donya Arab dados punjering koleksi budaya ingkang jangkep, kawruh ngèlmu kawruh dipunpendher saking Romawi Kina, Cina, India, Iran, Mesir, Yunani, lan Bizantium. Ing mangsa punika sampun dipun-ginakaken sistem desimal lan aljabar ing kawruh ngèlmu Matematika.

Kawruh Pengetahuan lan Budaya

Ing wekdal punika sampun dipun-ginakaken sistem panyeratan ingkang langkung gampil lan sampun dipun-ginakaken kertas. Kertas sumebar saking Cina lan dipun-ginakaken ing wewengkon Muslim wekdal abad kaping wolu, dugi ing Spanyol (lan salajengipun sumebar ing sadaya wewengkon Éropah) ing abad ka-10. Kertas punika langkung gampil dipunwedalaken tinimbang perkamen, cendherung retak dipunbandhingaken kaliyan papirus, lan saged ngrembesaken tinta, saéngga angèl dipunbusak lan saé kanggé dipun-ginakaken damel cathetan. Tukang damel kertas ing wekdal Islam nyusun methode perakitan naskah ingkang ukuran asilipun langkung ageng tinimbang ingkang wonten ing Éropah sadungunipun ma-abad-abad. Saking wekdal kajayaan Islam punika donya nepangi kertas. Pamarentah Islam ing wekdal kasebat dipunayomi déning para ulama lan ilmuwan. Dana utawi arta ingkang dipuntelasaken kanggé program obahan nerjemahaken kanggé pertalan dipunkirakaken sabandhing kaliyan kaping kalihipun anggaran panalitèn taunan Karajan Inggris Medical Council. Para ulama ingkang linuwih lan penerjemah misuwur, kados Hunain ibnu Ishaq pikantuk gaji saking pamaréntah dipunprakirakaken sami kaliyan gaji atlet profésional ing wekdal sapunika.