Trilogi

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Trilogi ya iku kamanunggalan pamikiran kang diwujudaké ing telung pérangan kang ana sambung-raketé siji lan sijiné. Ing ranah kasusastran, tembung iki ngemu teges karya kang sinambungan isiné ing telung kamanunggalan karya kang ana sambung-raketé lan duwé irah-irahan kang padha. Trilogi uga dicakaké ing donyané indhustri filem, panglipuran télévisi, manajemen organisasi, tata panggulawenthah pamarintah, kaperluan liyané.[1][2][3]

Trilogi ing karya kagunan[besut | besut sumber]

Tembung "trilogi" akéhé bakal katon nalika sèri kapisan sawijiné karya sastra ana sambungané, lan sastrawan pèngin neruské ing seri sabanjuré, kanthi tetep njaga irah-irahané liwat tokoh-tokoh ing carita sadurungé. His Dark Materials anggitané Philip Pullman, kang isiné The Golden Compass, The Subtle Knife, lan The Amber Spyglass ya iku conto trilogi karya sastra. Panganggit novèl Amérika Sarékat, Veronica Roth, uga naté nulis buku trilogi Divergent kanthi sesirah Divergent (2011), Insurgent (2012), lan Allegiant (2013). Sastrawan saka Indonésia, Ahmad Tohari ya naté ngripta buku trilogi kanggo sesirah novèlé, Ronggeng Dukuh Paruk (1982), Lintang Kemukus Dini Hari (1985), lan Jentera Bianglala (1986) kang kasil nglantarake Ahmad Tohari nampani bebungah saka Yayasan Buku Utama taun 1986.

Trilogi Pembangunan[besut | besut sumber]

Tembung Trilogi Pembangunan uga dienggo nalika Soeharto dadi présidèn angka 2 Republik Indonesia. Béda karo trilogi ing ranahé karya sastra, trilogi pembangunan ora kapancang déning anané pamikiran kang urut, nanging awujud telung pokok pikiran kanthi langsung kang awujud wacana pambangunan nasional kang banjur dicakaké déning pamaréntahan Orde Baru minangka dhasar sajeroné nemtokaké kabijakan pulitik, ékonomi, lan sosial ya kuwi:

  • Stabilitas nasional kang dinamis
  • Pertumbuhan ékonomi kang dhuwur, lan
  • Ngratakaké pembangunan lan kasil-kasilé

Uga delengen[besut | besut sumber]

Rujukan[besut | besut sumber]

  1. Kamus Besar Bahasa Indonésia: Trilogi, diakses 30 Juli 2015
  2. Arti Kata: Trilogi, diakses 30 Juli 2015
  3. STEKPI: Tentang Universitas Trilogi, diakses 30 Juli 2015