Tohpati

Tohpati Ario Hutomo
Lair	Tohpati Ario Hutomo
Jeneng liya	Tohpati
Pakaryan	musisi
Taun aktif	1992-saiki
Bojo	Ratih Mustikawati
Pasangan	Déwa Budjana Balawan Indro Hardjodikoro
Anak	Kanti Tisti
Sana jaringan	tohpati-music.com

Tohpati Ario Hutomo (lair ing Jakarta, 25 Juli 1971; umur 53 taun). Tohpati Ario Hutomo luwih ditepungi kanthi jeneng Tohpati. Tohpati ya iku salah sijiné gitaris lan penulis lagu kang asalé saka Indonésia. Tohpati kalebu salah sijiné gitaris jazz kang misuwur. Iki amarga Tohpati kerep tampil ing TV karo penyanyi-penyanyi pop kaya ta Krisdayanti, Glenn Fredly, Rossa, Chrisye, lan liya-liyané. Tohpati duwé karya-karya kang nggabungaké èlemèn kabudayan tradhisional lan modhèren. Iki jumbuh karo pangudiné kang nggawé kolaborasi antarané unsur modhèren lan unsur tradhisional Indonésia ing musik-musik kang digawé. Aliran musik jazz kang dinduwèni Tohpati akèh éntuk prabawa saka gitaris-gitaris jazz kang misuwur ing donya. Nanging kang paling akèh ya iku prabawa saka gaya musik khas Pat Metheny.

Wiwitan karir

Nalika isih remaja, Tohpati wis kerep pentas ing panggung-panggung kang ana ing Jakarta. Tohpati uga tau éntuk gelar gitaris paling apik ing Fèstival Band se-DKI nalika umuré lagi 14 taun. Taun 1989 Tohpati uga kepilih dadi Gitaris Paling Apik fèstival Band sa-Jawa. Ing taun iku uga, Tohpati éntuk gelar dadi Gitaris Paling Apik ing Yamaha Band Explosion tingkat Nasional.

Taun 1993, Tohpati nggabung ing grup "Simak Dialog" kang anggotangé Riza Arshad, Arie Ayunir, lan Indro Hardjodikoro. Bareng karo "Simak Dialog" Tohpati wis nggawé album kang cacahé telu ya iku Lukisan, Baur, dan Trance / Mission.