Thengklèng
Aksara Latin
|
Thengklèng inggih punika salah satunggaling tetedhan ingkang dipundamel saking daging utawi cethanipun endhas wedhus.[1] Thengklèng wedhus inggih kalebet tetedhan kas Sala, Jawa Tengah inggih punika salah satunggaling jinis olahan daging ménda ingkang dipunmasak mawi santen. Raosipun éca sanget saha saged damel tiyang ketagihan malih kanggé dhahar thengklèng punika. Wujudipun thengklèng punika radi sami kaliyan gulé, ingkang bédakaken inggih punika saking wujudipun santen, manawi gulé santenipun kenthel sanget, nanging manawi thengklèng punika santenipun boten patiya kenthel kados gulé.
Bahan-Bahanipun[besut | besut sumber]
Bahan-bahan ingkang dipunginakaken kanggé damel thengklèng inggih punika kados makaten:[2]
- 4 sdm lisah klentik
- 3 wutir cengkèh
- 5 cm kayu legi
- 2 wutir kapulaga
- 2 wutir klabèt
- 1 kg balung iga ménda saha dagingipun dipuniris-iris alit-alit
- 1 batang serèh dipunpendhet pérangan ingkang pethak lajeng dipungeprak
- 3 lembar ron jeruk purut
- 1 sdt asem Jawa dipunajèraken ing toya panas lajeng dipunudhak
- 1 liter santen èncèr
- 250 ml santen kenthel
Bumbu-Bumbunipun[besut | besut sumber]
Bumbu-bumbu ingkang dipunbetahaken kanggé damel thengklèng punika ing antawisipun inggih kados makaten:[3]
- 8 buah lombok abrit
- 5 wutir brambang
- 3 siyung bawang putih
- 3 wutir kemiri
- 2 sdt ketumbar
- 1 sdt mrica butiran
- ½ sdt jintan
- 1 cm jaé
- 1 cm kunir
- 1 cm laos
Caranipun ndamel[besut | besut sumber]
Manawi panjenengan kepéngin damel thengklèng punika sajatosipun boten gampil sanget nanging kedah gadhah pangraos ingkang saé manawi badhé damel thengklèng kanthi raos ingkang éca. Déné caranipun damel thengklèng inggih kados makaten:[1]
- Ingkang sapisan, lisah dipunpanasaken rumiyin kanggé numis sadaya bumbu ingkang sampun dipunuleg ngantos alus
- Cengkèh, kayu legi, kapulaga, ugi klabèt saged dipuncampuraken ing bumbu ingkang nembé dipunmasak, lan dipunudhak ngantos gandanipun sedhep
- Daging ménda ingkang sampun dipuniris-iris saged dipunlebetaken ugi ngantos dagingipun kaku saha wernanipun sampun éwah
- Manawi sampun mateng saged dipunsajèkaken kanthi saé, lan badhé langkung éca malih manawi dipunsajèkaken nalika taksih anget thengklèngipun