Tembung tumrap gamelan

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Tembung tumrap gamelan iku sawatara tembung sing dianggo ing donya gendhing lan gamelan. Tembung-tembung mau antarané:

  1. Bawa: tembang kanggo mbukani gendhing.
  2. Buka: wiwitané nembang.
  3. Buka celuk: bukaning gendhing mung njupuk saperangane tembang.
  4. Cakepan: unèn-unèn utawi tetembungan sing dienggo ing tembang.
  5. Cengkok: eluk-eluking swara ing lelagon tembang.
  6. Gendhing: lelagoning gamelan.
  7. Gérongan: tetembangan bareng karo gamelan.
  8. Laras: runtuting swara sing bener.
  9. Mathet: nyekel, mejet nganggo driji, telapakan,sikut pinggir wilahane gamelan sawisé ditabuh
  10. Niyaga: tukang nabuh gamelan.
  11. Pathet: endhek dhuwuring swara ing gamelan.
  12. Pelog: larasing gamelan.
  13. Plangkan: jagrag sanggan kendhang.
  14. Pluntur: tali kanggo nyangga rericikaning gamelan.
  15. Rancakan: jagrag sanggan bonang, kethuk, kenong.
  16. Sarancak: saprangkat(tumrap gamelan).
  17. Senggakan:unèn-unèn mawa lagu ing tengahing tembang.
  18. Sindhèn: wong kang gawéané nembang mbarengi gamelan.
  19. Slendra: larasing gamelan.
  20. Suluk pathetan: kidungan pratandha arep ganti pathet.
  21. Suwuk: lèrèn, sirep (tumrap gamelan).
  22. Waranggana: sindhèn, pasindhèn.
  23. Wilet: sambunging swara sing sarwa laras.
  24. Wirama: ukuran kendho kencenging nabuh gamelan.

Uga delengen[besut | besut sumber]