Tapak dara

Saka Wikipédia Jawa, bauwarna mardika basa Jawa
Tapak dara
Klasifikasi ngèlmiah
Karajan: Plantae
Dhivisi: Magnoliophyta
Klas: Magnoliopsida
Ordho: Gentianales
Famili: Apocynaceae
Génus: Catharanthus
Spésies: C. roseus
Jeneng binomial
Catharanthus roseus
(L.) G.Don
Catharanthus roseus

Tapak dara ya iku perdu taunan kang asalé saka Madagaskar, nanging wit iki wis nyebar ana ing tlatah-tlatah tropika liyané.[1][2] Jeneng ilmiah saka wit iki ya iku Catharanthus roseus (L.) Don.[2] Ana ing Indonesia wit pekarangan dadi petetan lan duwé jeneng liya kaya sindapor (Sulawesi), kembang tembaga (basa Sunda), lan kembang tapak dårå (basa Jawa).[2] Wong-wong saka Malaysia njenengi wit iki kemunting cina, pokok rumput jalang, pokok kembang sari cina, utawa pokok ros pasisir.[2] Ana ing Nagara Filipina, wit iki dikenal karo jeneng tsitsirika, ana ing Vietnam hoa hai dang, ing Cina chang chun hua, ing Inggris rose periwinkle, lan ana ing Walanda duwé jeneng soldaten bloem.[2]

Dhèskripsi[besut | besut sumber]

Wit iki asalé saka wewengkon wétan tengah.[2] Wit jinis iki bisa urip ana ing dhataran cendhèk nganti tekan dhataran kang dhuwuré 800 mèter ana ing sandhuwuré lumah sagara, nanging wit jinis iki luwih bisa urip ana ing panggon terbuka, lan uga ora nutup kemungkinan bisa uga urip ana ing panggon liyané.[1][2] Wit iki uripé nyamping lan bisa dhuwur nganti tekan 0,2-1 mèter.[1] Godhong saka wit iki mbentuk bunder endhog, wernané ijo kang kasusun nyirip selingan.[1] Dawané godhong sakiwa-tengené 2–6 cm, ambané 1–3 cm, lan pang lan godhongé duwé kandhutan lateks kang wernané putih.[2] Kembangé aksial (metu saka ketiak daun).[2] Kelopak saka kembangé cilik, mbentuk paku.[2] Makutha kembangé duwé wujud kang kaya trompèt, pucuké amba, wernané putih, biru, jambon utawa wungu gumantung saka kultivaré.[2] Woh saka wit iki dhapuré silinder, pucuké lancip, ana rambuté, dawané udakara 1,5 - 2,5 cm, lan wijiné ana akèh.[2]

Kandhutan[besut | besut sumber]

Tuwuhan hérba iki ngandhut komponèn antikanker, ya iku alkaloid kaya ta vincaleukoblastine, leurocristine, leurosin, vinkadiolin, leurosidin, katarantin. Alkoloid duwé khasiat hiplogonik (kanggo ngudhunaké kadhar gula getih) kaya leurosin, katarantin, locherin, tetrahidroalstonin, vindolin, vindolinin. Oyodé ngandhut alkaloid, saponin, flavonoid, tanin.[3]

Cathetan suku[besut | besut sumber]

  1. a b c d "www.iptek.net.id". Diarsip saka sing asli ing 2011-05-10. Dibukak ing 2011-08-20.
  2. a b c d e f g h i j k l "www.kebonkembang.com". Diarsip saka sing asli ing 2011-08-12. Dibukak ing 2011-08-20.
  3. [pranala mati permanèn] Tapak Dara (Catharanthus roseus [L. G. Don)