Soju

Saka Wikipédia, bauwarna bébas basa Jawa
Soju
botol soju merek Chamisul lan gelas cendhek kangge soju
Jeneng Koréa
Hangul 소주
Hanja 燒酒
Alihaksara sing Disampurnakaké Soju
McCune–Reischauer Soju

Soju inggih punika unjukan distilasi ingkang asalipun saking Korea [1]. Sapérangan ageng mèrek soju punika dipunproduksi wonten ing Korea Selatan. Sanajan bahan baku soju punika beras ananging sapérangan ageng produsèn unjukan soju punika ngginakaken bahan tambahan utawi bahan kanggé gantosipun beras kadosta kenthang, gandhum, jelai, uwi rambat, utawi tapioka (dangmil). Unjukan punika bening lan boten wonten werninipun kanthi kadar alkohol ingkang bènten-bènten wiwit saking 20% dumugi 45% Alkohol Berdasarkan Volume (ABV). Kadar alkohol ingkang paling umum dipunginakaken kanggé soju inggih punika 20% ABV. Jinro punika satunggaling produsèn soju ingkang paling ageng wonten ing Korea [2]. Nalika taun 2007, Jinro nyadé langkung saking 72 juta krat soju.[3][4])

Sajarah[besut | besut sumber]

Piranti kangge damel soju kanthi tradisional

Soju punika ingkang kaping pisan dipundamel ing taun 1300 nalika tiyang Mongol perang nglawan tiyang Korea. Teknik distilasi arak dipunsinauni déning tiyang Mongol saking tiyang Pèrsi[5] nalika bangsa Mongol nglampahi invasi dhateng Asia Tengah lan Timur Tengah kirang langkung nalika taun 1256. Sasampunipun cara damel arak dipunwulangaken dhateng tiyang Korea, papan kanggé nyuling dipundamel déning tiyang Korea ing sekitar kutha Kaesong. Ing kawasan kiwa tengenipun Kaesong, soju ugi dipunsebat arak-ju (hangul: 아락주).[6]

Soju punika kathah dipundamel wonten ing kutha-kutha ingkang dados papan tentara bangsa Mongol manggon. Papan kasebut kutha-kutha kados Andong, Kaesong, lan Jeju. Kutha Andong kasebut dumugi sapunika kawéntar minangka pusat tradisi soju kanthi cara tradisional. Katandingaken kaliyan makgeolli, soju punika gadhah kadar alkohol ingkang inggil. Rumiyinipun soju punika unjukan ingkang awis saéngga namung saged dipunkonsumsi déning kalangan tartamtu. Bibar tèknik anggènipun damel soju dipunmangertosi kanthi wiyar, sekedhik-sekedhik soju wiwit dipunmangertosi déning rakyat biasa. Pabrik panyulingan soju punika wiwit dipundamel nalika wiwitan abad kaping 20. Salajengipun soju dados unjukan rakyat ingkang kondhang bibar dipunginakaken sirup gula hasil impor mawi regi ingkang mirah anggènipun proses damel soju. Boten wonten paugeran ingkang gegayutan babagan teknik anggènipun damel soju lan ugi distilasi saéngga produsèn saged damel soju kanthi cara ngèncèraken alkohol. Regi unjukan soju ugi sansaya mirah sareng kaliyan mindhakipun kadar alkohol.[7]

Cathetan suku[besut | besut sumber]

  1. ^ (id) Berapa Banyak Botol Soju Yang Dapat Diminum Oleh Model Soju?, (dipunakses tanggal 12 Maret 2013)
  2. ^ (id) Jinro Soju, (dipunakses tanggal 12 Maret 2013)
  3. ^ http://www.trifood.com/soju.html
  4. ^ http://www.businessweek.com/globalbiz/blog/eyeonasia/archives/2008/08/heres_quick_qui.html
  5. ^ "Moving Beyond the Green Blur: a History of Soju". 
  6. ^ "History of Soju" (in basa Korea). Doosan Encyclopeida. 
  7. ^ "Soju" (in basa Jepang). Korean Cultural Center. 

Pranala njawi[besut | besut sumber]

Logo Wikimedia Commons
Pirsani galeri bab Soju ing Wikimedia Commons.
Sumber artikel punika saking kaca situs web: "https://jv.wikipedia.org/w/index.php?title=Soju&oldid=1056058"