Menyang kontèn

Sofyan A. Djalil

Saka Wikipédia Jawa, bauwarna mardika basa Jawa
(Kaelih saka Sofyan Djalil)
Sofyan A. Djalil
Mantri Prajasaharya Indonésia ke-4
Linggih
9 Mèi 2007 – 20 Oktober 2009
PrésidhènSusilo Bambang Yudhoyono
Kang sadurungéSoegiharto
Kang sawiséMustafa Abubakar
Mantri Komunikasi lan Informatika Republik Indonesia 27
Linggih
21 Oktober 2004 – 9 Mèi 2007
PrésidhènSusilo Bambang Yudhoyono
Kang sadurungéSyamsul Mu'arif
Kang sawiséMohammad Nuh
Rerincèn dhiri
Lair (1953-09-23) Sèptèmber 23, 1953 (umur 71)
Indhonésia Acèh, Indonesia
BangsaIndonésia
SisihanRatna Megawangi
AlmamaterUniversitas Indonésia
AgamaIslam

Dr. Sofyan A. Djalil, SH., MA., MALD. (miyos ing Acèh, 23 September 1953) inggih punika Mantri Nagara Badan Usaha Milik Nagara ing Kabinét Indonésia Bersatu, minangka gantosipun Sugiharto.[1] Sadèrèngipun, saking wulan Oktober 2004 ngantos dumugi Mèi 2007 panjenenganipun njabat dados Mantri Nagara Komunikasi lan Informasi.[1]

Pendidikan

[besut | besut sumber]

Penjenenganipun punika sarjana hukum babagan hukum bisnis lulusan Universitas Indonesia Jakarta, 1984.[1] Salajengipun kalih gelar master ing babagan kabijakan publik (MA, 1989) lan gayutan ékonomi internasional (MALD, 1991), lan ingkang pungkasan gelar [[dhoktor babagan studi "International Financial and Capital Market Law and Policy" (PhD, 1993).[1]

Nalika taun 1976, panjenenganipun pindhah dhateng Jakarta.[2] Panjenenganipun tindak dhateng Jakarta minangka dhelegasi saking Acèhh saperlu ndhèrèk acara Muktamar Nasional Pelajar Islam Indonesia (PII).[2] Sadangunipun sekolah ing madrasah, panjenenganipun punika satunggalipun aktivis PII Acèh.[2] Taun 1977, panjenenganipun pikantuk pedamelan minangka pangurus masjid ing Pusdiklat Kejaksaan Agung.[2] Ngantos panjenenganipun pikantuk jejuluk 'James' utawi panjaga masjid.[2] Satunggal taun salajengipun nalika taun 1978, sasampunipun nyambut damel panjenenganipun kuliyah sonten amrih nglajengaken pendidikanipun ing Fakultas Hukum Universitas Indonésia (FH-UI) kanthi mendhet babagan studi hukum bisnis lan lulus taun 1983.[2]

Sasampunipun lulus kuliyah, Sofyan dados paneliti ing CPIS (Center for Policy and Implementation Studies), Dhepartemen Kauangan lan nandhangi manéka warni proyék panaliten kados Kupedes lan Simpedes saking Bank Rakyat Indonésia (BRI), masalah Keluarga Berencana, Evaluasi Sekolah Dasar Inpres, Program Restrukturisasi BUMN, Perdagangan Internasional lan Kerjasama Regional, lan sanès-sanèsipun.[1]

Nalika taun 1985 CIP ngrencanakaken badhé nyekolahaken sawatawis paneliti dhateng mancanegari, Sofyan dados salah satunggalipun paneliti ingkang kapilih.[1] Sadèrèngipun tindak dhateng mancanegari, Sofyan ndhèrèk Graduate Record Examination (GRE) lan kedah sinau matematika rumiyin.[1] salajengipun Sofyan nglajengaken pendidikanipun ing Universitas Tufts, Amérikah Sarékat lan lulus taun 1993 lan nalika samanten Sofyan dados tiyang Indonésia sepisanan ingkang pikantuk gelar dhoktor saking Fletcher School of Law and Diplomacy - Universitas Tufts, Amérikah Sarékat.[1]

Pranala njawi

[besut | besut sumber]

Sofyan A Djalil (01) Bukan Kacang Lupa Kulit Archived 2011-08-27 at the Wayback Machine.

Cathetan suku

[besut | besut sumber]
  1. ↑ a b c d e f g h Sofyan A. Djalil[pranala mati permanèn] dipunundhuh tanggal 24 September 2011)
  2. ↑ a b c d e f Sofyan Djalil; “Where there is a will there is a way.” Archived 2010-12-25 at the Wayback Machine. dipunundhuh tanggal 24 September 2011)


Dijupuk saka "https://jv.wikipedia.org/w/index.php?title=Sofyan_A._Djalil&oldid=1710399"