Sidhatan kapal

Sidhatan Panama

Sidhatan kapal yaiku pabanyon sing dipigunakaké kanggo nyepetaké palayaran kapal. Tanpa ngliwati sidhatan, kapal kudu layar ngubengi dharatan sing adoh leté. Sidhatan bisa wujud kali sing dimodifikasi utawa kanal mligi sing dibangun kanggo kaperluan mau.

Sarat sawijining kanal supaya bisa dianggo minangka sidhatan yakuwi kanal mau jeroné kudu minimal 5 m (16,4 kaki. Tujuan anané sidhatan yakuwi:

1. Minangka dalan sidhatan kangggo nyedhakaké rute lelayaran.
2. Minangka dalan antarané rong sagara utawa tlaga sing katutup déning dharatan.
3. Minangka sarana aksès menyang sagara kanggoné kutha sing dumunung ing jero dharatan.

Pratélan sidhatan utama:

1. Sidhatan Sagara Putih-Baltik ing Ruslan, dawa 141 mil (227 km), dibukak ing 1933, sebagean minangka kali sing dikonstruksi, kanal gawéan lan tlaga.
2. Sidhatan Suez ing Mesir, dawa 100 mil (160 km), dibukak ing 1869, ngubungaké Sagara Tengah menyang Sagara Abang.
3. Sidhatan Volga-Don ing Ruslan, dawa 62 mil (100 km), dibukak ing 1952, ngubungaké Sagara Ireng, Sagara Azov lan Sagara Kaspia.
4. Sidhatan Kiel ing Jerman, dawa 60 mil (98 km), dibukak ing 1895, ngubungaké Sagara Lor dan Sagara Baltik.
5. Sidhatan Houston ing Amérikah Sarékat, dawa 56 mil (91 km), ngubungaké Houston, Texas karo Teluk Meksiko.
6. Sidhatan Alphonse XIII ing Spanyol, dawa 53 mil (85 km), dibukak ing 1926, ngubungaké Sevilla lan Teluk Cadiz.
7. Sidhatan Panama ing Panama, dawa 51 mil (82 km), dibukak ing 1914, ngubungaké Sagara Karibia karo Samodra Pasifik.
8. Sidhatan Manchester ing Inggris, dawa 35 mil (57 km), dibukak ing 1894, ngubungaké Manchester karo Sagara Irlandia.
9. Sidhatan Welland ing Kanadha, dawa 28 mil (45 km), dibukak ing 1931, ngubungaké Sagara Erie karo Tlaga Ontario.
10. Sidhatan Saint Lawrence ing Kanadha lan Amérikah Sarékat, ngubungaké Montreal karo Tlaga Superior.

Kamampuan Navigasi

Standar sing dianggo ing Uni Éropa kanggo klasifikasi kamampuan navigasi sidhatan yakuwi European Agreement on Main Inland Waterways of International Importance (AGN) taun 1996, sing diadopsi déning The Inland Transport Committee of the United Nations Economic Commission for Europe (ECE), sing ngatur sawatara kelas.