Sarah Azhari
| Sarah Azhari | |
|---|---|
 | |
| Lair | Juni 16, 1977 Jakarta, Indonesia |
| Bangsa | Indonesia |
| Pakaryan | Artis, Model, Presenter, Penyanyi |
| Anak | Albany Ray |
Sarah Azhari iku salah sawijiné aktris lan modhél kang asalé saka Indonésia.[1] Dhèwèké saduluré Ayu Azhari, Ibra Azhari lan Rahma Azhari.[1] Sarah Azhari luwih akèh kerja dadi modhél tinimbang main filem utawa nyanyi.[1] Karo aktris senior kang jenengé Christine Hakim, Sarah Azhari main filem garapané sutradara Garin Nugroho kang judhulé Daun di Atas Bantal.[1] Nalika taun 1999, Sarah nggawé album kang judhulé "Peluk Aku Cium Aku".[1]
Kasus
[besut | besut sumber]Nalika sasi Juli 2005, Sarah Azhari kena kasus amarga dhèwèké dikabaraké nggebug wartawan infotaimen.[1] Saka kasus iki Sarah Azhari banjur divonis kunjara suwéné patang sasi.[1] Kasus iki durung rampung kabèh amarga Sarah Azhari durung bisa nampa kaputusan pengadilan lan duwé niyat kanggo ngajokaké banding nganti tingkat Mahkamah Agung.[1]
Akhir sasi November taun 2008, Sarah Azhari uga kena kasus panyebaran foto - foto bugil bareng karo adhiké Rahma Azhari.[2] Foto - foto iki sumebar ing internèt.[2] Kasus iki pungkasané ditangani karo pihak kang berwajib kanthi njaluk diréwangi pakar telematika kang jenengé Roy Suryo.[2] Ing sasi Maret taun 2009, Sarah Azhari wiwit nglakoni pamreksaan kang ana kaitané karo foto bugil iki.[2] Sarah Azhari kang dikancani karo kuwasa hukumé ya iku Farhat Abbas akhiré nglaporaké Roy Suryo kanthi tuduhan nggawé èlèk jeneng.[2] Saliyané kasus iku, Sarah Azhari uga kena kasus liyané ngenani foto - foto mesum kang sumebar ing internét.[2]
Filmografi
[besut | besut sumber]Film kang tau dibintangi Sarah Azhari ya iku:[1]
- Daun di Atas Bantal (1998)
- Suami-suami Takut Istri The Movie (2008)
- Asmara
- Maafkan Daku Bila Mencintaimu
- Lost In Singapore
Album
[besut | besut sumber]Sarah Azhari uga nduwé album kang judhulé [1]
- Peluk Aku Cium Aku (1999)
- Sarah Azhari (2009)