Sangkakala

Tuladha sangkakala saka India.

Sangkakala utawa sangka iku salah siji piranti musik kang anggoné migunakaké kanthi cara disebul kang kagawé saka omah kerang.^[1] Piranti iki diarani sangkakala amarga piranti iki jaman biyèn diarani sangka lan disebul kanthi wektu kang wis diatur, mula diarani sangkakala. Jaman biyèn sangkakala minangka kapentingan tartemtu, kaya ta arep mènèhi wara-wara, miwiti perang, nglumpukake prajurit, lan kagunan liyané.^[2]^[3]

Sangkakala miturut agama[besut | besut sumber]

Hindhu[besut | besut sumber]

Ing agama Hindhu, sangkakala iku dadi pralambang kamakmuran. Mula saka iku, sangkakala disebul nalika perang utawa nalika ana upacara kaagamaan, kaya ta Puja. Ana cathetan kang mratélakaké yèn sangkakala iku digunakaké nalika perang ana ing sastra Hindhu Kuna kang diarani Mahabharata. Saliyané iku sangkakala uga dadi piranti déwa-dewi tartemtu, kaya ta Wisnu, Laksmi, utawa Ganesa.

Islam[besut | besut sumber]

Ing salah siji ajaran utawa ngèlmu agama Abrahamik, ya iku Islam ana kang mratélakaké salah siji malaékat kang jenenge Israfil duwé tugas kanggo nyebul Shur (sangkakala) nalika hari akir. Nalika Allah wis rampung anggoné ndadèkaké donya lan saisine kabèh, banjur Allah nyipta sangkakala lan diadhepke ing Israfil. Dicritake, malaékat Israfil mesthi madhep 'Arsy, ngeteni kapan Israfil diutus nyebul sangkakala mau.

Wujud Shur[besut | besut sumber]

Ing salah siji hadist disebutake , sangkala iku kaya déné sungu saka cahya, kanthi ukuran kang gedhé kanthi garis tengah ambané salangit lan donya. Ing hadis liya disebutake sangkala malaékat Israfil digawé saka sungu, Sungu kang disebul.^[4]

Sabdane Muhammad, (basa Indonésia) Sesungguhnya Allah menciptakan sangkalala yang mempunyai empat cabang, ya iku cabang di Barat, di Timur, di bawah langit ketujuh pérangan bawah dan diatas langit ketujuh pérangan atas.^[5]

Ing sajrone sangkakala ana lawang-lawang kang cacahé padha karo cacahé ruh kang ana ing alam iki, ing jerone ana 70 omah, ya iku salah sijiné ruh para nabi, siji omah kanggo malaékat, saomah kanggo para jin, saomah kanggo para ruh manungsa, saomah kanggo ruh para kéwan lan nganti genep 70 warna omah kanthi 70 warna makluk.

Gladri[besut | besut sumber]

Pendeta Hindhu nyebul Sangkakala nalika acara Puja.
Lukisan Déwa Wisnu nggeggem sangkakala ing tangan kiwa ndhuwur.
Kaajaiban riptan saka Al-Qazwînî, Sawijining adegan Malaékat Israfil nalika nyebul Sangkakala (1280). Sajeroning lukisan iki wangun sangkakala luwih mèmper terompèt tinimbang kerang.