Pierre Jules César Janssen

Pierre Jules César Janssen (lair ing Paris, 22 Fèbruari 1824 – pati ing Meudon, 23 Dhésèmber 1907 ing umur 83 taun) minangka satunggaling astronom Prancis , ingkang sesarengan kaliyan ilmuwan Inggris Joseph Norman Lockyer, dipunakoni minangka panemu gas helium.

Pagesangan, kerja lan minat

Janssen nyinaoni matematika lan fisika ing Fakultas MIPA. Piyambakipun ngasta wonten ing Lycée Charlemagne rikala taun 1853, lan wonten ing Jurusan Arsitèktur antawising taun 1865–1871, nanging ènerginipun langkung kathah dipuntujokaken dhateng manéka misi ilmiah ingkang dipunpitadosaken tumrap piyambakipun. Kanthi punika, rikala taun 1857 piyambakipun tindak dhateng Peru kanggé nemtokaken khatulistiwa magnetik; nalika taun 1861–1862 lan 1864, piyambakipun nliti panyerapan telurium wonten ing spéktrum surya ing Karajan Italia lan Switserlan; nalika taun 1867 piyambakipun nindakaken picoba optik lan magnétik ing Azores; piyambakipun kasil ngamataken transit Venus, nalika taun 1874 ing Jepang, nalika taun 1882 ing Oran, Aljazair Prancis; lan piyambakipun tumut wonten ing sarangkèn èkspèdisi gerhana srengéngé ingkang dangu, kados dhateng Trani (1867), Guntur (1868), Aljazair Prancis (1870), Siam (1875), KapuloanCaroline (1883), lan dhateng Alcosebre ing Spanyol (1905). Saperlu ningali gerhana wonten ing taun 1870 piyambakipun mlajar saking Paris ingkang kakepung kanthi migunakaken balon (nanging gerhana mau kalindhungan awan).^[1]

Penemuan helium

Nalika taun 1868 Janssen manggihaken cara kanggé ningali protuberans tanpa kadadosan gerhana. Wonten ing tanggal 18 Agustus wonten ing taun ingkang sami, nalika ningali gerhana srengéngé ing Indhi, piyambakipun sadar wontenipun garis kuning padhang kanthi dawa gelombang 587,49 nanometer wonten ing spektrum kromosfer srengéngé. Punika minangka pengamatan kapisanan garis spektrum mirunggan,lan mungkinaken satunggaling sumber kanggé piyambakipun minangka salah satunggaling unsur ingkang dèrèng kapanggihaken wonten ing Bumi. Janssen wiwitan dipunguyoni amargi boten naté sawijining unsur dipunkenali ing akasa sadèrèngipun kapanggihaken ing Bumi.

Nalika tanggal 20 Oktober,taun ingkag sami, Norman Lockyer ugi ningali garis kuning ingkang sami ing spektrum surya lan mutusaken bilih bab punika amargi unsur ingkang boten dipunmangertosi, sasampuning kegagalan picoba kanggé nguji punapa punika minangka jinis hidrogen ingkang énggal. Punika minangka kaping pisanan unsur kimia kapanggihaken wonten ing donya njawi sadèrèngipun kapanggihaken ing Bumi. Lockyer lan ahli kimia Inggris Edward Frankland maringi nama unsur punika kanthi unèn-unèn Yunani kanggé srengéngé, ἥλιος (helios).^[2]^[3]

Peninggalan lan Pakurmatan

Janssen séda ing Meudon lan dipunsarèkaken ing Pasaréyan Père Lachaise ing Paris.

Kawah ing Mars lan Bulan dipunsukani nama kanggé maringi pakurmatan.

Cathetan suku

Artikel iki ngamot tèks saka sawijining babaran kang sapréné ana ing dhomain publik: Chisholm, Hugh, èd. (1911). Encyclopædia Britannica (ing basa Inggris) (édhisi ka-11). Cambridge University Press. {{cite encyclopedia}}: Missing or empty |title= (pitulung)

↑ http://www.hao.ucar.edu/Public/education/bios/janssen.html Archived 2006-05-23 at the Wayback Machine. Biografi singkat, saking High Altitude Observatory Boulder, Colorado
↑ Oxford English Dictionary (1989), s.v. "helium". Dipunundhuh tanggal 16 Dhésèmber 2006 saking Oxford English Dictionary Online. UGi saking rujukan ing ngriki: Thomson, W. (1872). Rep. Brit. Assoc. xcix: "Frankland lan Lockyer manggihaken protuberans kuning kanggé nedahaken garis padhang lan nyata boten tebih saking D, nanging dumugi sapunika dèrèng dipunkenali kanthi sinar Bumi punapa kèmawon. Kadosaipun bab punika nedahaken zat ingkang énggal, ingkang dipunusulaken kanthi nama helium."
↑ Kanggé nama "helium" Deleng uga Jensen, William B. (2004). "Why Helium Ends in "ium"". Journal of Chemical Education. 81 (7): 944. Diarsip saka sing asli ing 2008-06-12. Dibukak ing 2013-03-20. {{cite journal}}: Cite has empty unknown parameter: |14= (pitulung)

Waosan Sambungan

Royal Astronomical Society (1908). Monthly Notices of the Royal Astronomical Society. Priestley and Weale., dari Monthly Notices of the Royal Astronomical Society, 1908, jil. 68, hal. 245-249
Obituary, dari Popular Astronomy, 1908, vol. 16, pp. 72–74
(ing basa Prancis) Obituary, dari Astronomische Nachrichten, 1908, jil. 177, hal. 63
(ing basa Prancis) Obituary, dari The Astrophysical Journal, 1908, jil. 28, hal. 89-99
1911 Encyclopædia Britannica Eleventh Edition, entri untuk Janssen
Patung Janssen, penjelasan dan gambar ireng-putih dari The Observatory, 1922, jil. 45, hal. 175-176
Janssen statue at Meudon (color photopgraph)
Kronofotografi Janssen

[1] ttp://www.hao.ucar.edu/Public/education/bios/janssen.html Archived 2006-05-23 at the Wayback Machine. Biografi singkat, saking High Altitude Observatory Boulder, Colorado

[2] Oxford English Dictionary (1989), s.v. "helium". Dipunundhuh tanggal 16 Dhésèmber 2006 saking Oxford English Dictionary Online. UGi saking rujukan ing ngriki: Thomson, W. (1872). Rep. Brit. Assoc. xcix: "Frankland lan Lockyer manggihaken protuberans kuning kanggé nedahaken garis padhang lan nyata boten tebih saking D, nanging dumugi sapunika dèrèng dipunkenali kanthi sinar Bumi punapa kèmawon. Kadosaipun bab punika nedahaken zat ingkang énggal, ingkang dipunusulaken kanthi nama helium."

[3] Kanggé nama "helium" Deleng uga Jensen, William B. (2004). "Why Helium Ends in "ium"". Journal of Chemical Education. 81 (7): 944. Diarsip saka sing asli ing 2008-06-12. Dibukak ing 2013-03-20. {{cite journal}}: Cite has empty unknown parameter: |14= (pitulung)

[1]

[2]

[3]