Petrus Alphonsi
Petrus Alphonsi utawi ingkang ugi dipunsebat Peter Alfonsi inggih punika satunggaling dhokter Yahudi saking Spanyol, satunggaling pujangga, astronom, lan polemicist ingkang dados Kristen. Petrus Alphonsi miyos wonten ing Musa Sephardi ing abad kaping 11, ing Huesca (satunggaling kitha ingkang taksih mlebet péranganing al Andalus, Spanyol Islam). Piyambakipun inggih umat nasrani lan dipunbaptis ing Huesca ing dinten Santo Petrus, 29 Juni 1106. Petrus inggih miyos minangka tiyang Yahudi nalika piyambakipun dalem wonten ing al Andalus, lan lajeng misuwur sasampunipun piyambakipun mlebet agami kristen.
Wonten ing Dialogus Alphonsi, dipuncariyosaken manawi piyambakipun naté tingakan dhateng Inggris minangka magister ing seni liberal. Piyambakipun dumunung mapinten - pinten taun ing Inggris. Kawontenanipun Alfonsi wonten ing nagara kulonan ing taun taun sadèrengipun paring kontribusi wonten ing ngèlmu Arab ing wewengkon kasebat ing taun 1120 nan lan salajengipun.[1] Piyambakipun lajeng asring pirembagan bab astronomi sesarengan kaliyan Walcher of Malvern.[2] Petrus lulus saking sistem Arab ing babagan astronomi. Lajeng kekalihipun kolaborasi lan ngasilaken satunggaling karya ngengingi gerhana.[3]
Alfonsi saged misuwur amargi piyambakipun gadhah tigang dasa cariyos ingkang kaserat ing basa Latin ing purwakaning abad kaping 12. Karya punika inggih awujud kempalan cariyos oriental ingkang ngewrat karakter moral ingkang dipunalih aksarakaken saking basa Arab, Pèrsi, lan Sansekerta. Sapérangan cariyosipun ingkang saged narik kawigatosanipun para pamaos inggih asalipun saking Panchatantra lan Arabian Nights, kalebet bunderan cariyos "Sinbad the Sailor" lan "The Tale of Attaf". Cariyos punika dipunwedalaken kanthi sapérangan model didaktik ingkang lajeng dipundadosaken conto déning pujangga sanèsipun ing tengahing abad kalih welas. Kathah kolektor ingkang remen kaliyan karyanipun Alfonsi ingkang populer lan kalebet bahan kajian studi ingkang narik kawigatosan minangka bahan kajian sastra komparatif. Karya punika inggih kanthi irah- irahan disciplina Clericalis. Karya punika inggih wigatos sanget kawontenanipun kanggé ngicalaken cahya wonten ing migrasi dongèng, lan wigatos sanget kanggé bahan kajian folklor. Karya punika ugi dipunalihaksarakaken dhateng basa Prancis, Spanyol, Jerman, lan Inggris.
Karyanipun
[besut | besut sumber]- Dialogus contra iudaeos
- Disciplina clericalis
- De dracone, wondene ing karya punika piyambakipun nindakaken kalkulasi ewahing lintang - lintang.
- De Astronomia, ngewrat wontenipun garis- garis astronomi dhedhasar sistem kalender Arab, Pèrsi (Iran), lan Latin. Kanthi wontenipun sistem- sistem kalender mau lan dipunbiyantu kanthi wontenipun satunggaling astrolabe, punika ingkang saged damel mungking kanggé ngetung kanthi pas kados pundi posisinipun srengéngé, bulan lan gangsal planit ingkang sampun misuwur ing wekdal mau.
- Carta a los peripatéticos franceses.
Cathetan suku
[besut | besut sumber]- ↑ Oxford Dictionary of National Biography, art. "Alfonsi, Petrus"
- ↑ "Archive copy". Diarsip saka sing asli ing 2007-06-10. Dibukak ing 2013-03-02.
{{cite web}}: CS1 maint: archived copy as title (link) - ↑ PDF, p.19.