Persepolis (film)

Saka Wikipédia Jawa, bauwarna mardika basa Jawa
Persepolis (film)
DisutradaraniMarjane Satrapi
Vincent Paronnaud
DiprodhuseriXavier Rigault
Marc-Antoine Robert
Kathleen Kennedy
Ditulis déningMarjane Satrapi
DibintangiChiara Mastroianni
Catherine Deneuve
Danielle Darrieux
Simon Abkarian
DimusikiOlivier Bernet
Dibesut déningStéphane Roche
Dibabar déningSony Pictures Classics
Suwéné
95 menit
Rantaman$7,3 yuta
Kalarisan$22.752.488

Persepolis (filem) inggih punika filem animasi Prancis saking taun 2007 ingkang dipundamel déning Marjane Satrapi. Film punika naté dipunputer ing Festival Film Cannes ingkang dumunung ing Prancis. Film punika dhedhasar novèl grafis ingkang gadhah irah-irahan sami, inggih punika Persepolis déning Marjane Satrapi. Novèl punika dipunanggep mèmper kalih novèl grafis Maus saking Art Speigelman. Persepolis piyambak inggih punika animasi warna cemeng pethak nanging gadhah kagesangan ingkang saé. Animasi ingkang warni cemeng pethak dipunpendhet saking kanca Marjane inggih punika Vincent Parronaud. Vincen Parronaud piyambak inggih punika sutradara déning filem Persepolis. Persepolis dipuncariyosaken mawi alur flashback. Film punika dipunadaptasi ngantos sami kaliyan novelipun piyambak. Setunggal satunggal karakter dipungambaraken kanthi datar lan mawi warni cemeng pethak. Film punika nganggé voice over. Irah-irahan filem punika ngrujuk kitha historis Persepolis, ing nagari Iran.

Film punika dipunbabar ing Amérikah Sarékat ing 25 Dhésèmber 2007 lan ing Britania Raya ing 24 April 2008.

Profil saking filem Persepolis[besut | besut sumber]

Profil filem Persepolis inggih punika:

  1. Sutradara: Vincent Paronnaud lan Marjane Satrapi
  2. Ingkang nyerat skénario: Marjane Satrapi lan Vincent Paronnaud
  3. Ingkang ngisi swanten: Sulih swanten kanggé Marjane alit dipunisi déning Gabrielle Lopes lan Marjane ageng déning Chiara Mastroianni. Lajeng ibu dipunisi déning artis sénior Prancis, Catherine Deneuve lan ibu Chiara. Swanten bapak Marjane dipunisi déning Simon Abkarian lan swanten simbah Marjane ingkang wicaksana dipunisi déning artis sénior Prancis, Danielle Darrieux.
  4. Produksi: 2.4.7 Film

Pratélan para paraga[besut | besut sumber]

Vèrsi Prancis[1][besut | besut sumber]

Vèrsi Inggris[besut | besut sumber]

Ringkesan criyos filem Persepolis[besut | besut sumber]

Persepolis gadhah criyos gesangipun Marjane ingkang tumuwuh ageng ing kulawargi modern. Marjane alit gadhah pikiran ingkang kritis sami kaliyan simbahipun, ibu lan bapakipun piyambak ingkang ngertos pulitik lan gadhah haluan Sosialis ngantos wonten prastawa ingkang ndadosaken bènten inggih punika Revolusi Islam. Revolusi Islam Iran punika dadosaken bènten saking sistem pamaréntahan Monarki dados sistem republik Islam. Punapa-punapa dados bènten kalih normalitas. Lajeng punika filem Persepolis badhé maparaken carita paralel saking Marjane alit ngantos ageng ing nagari ingkang gadhah parubahan ingkang dipunanggap langkung saé. Lan carita nagari ingkang nembé revolusi ingkang saged tumbuhipun Marjane alit. Ing pérangan wiwit Persepolis kados nyitakaken saking sudut Marjane alit ingkang dipuncriyosaken déning Marjane ngagem innocent. Sami kaliyan tiyang tiyang alit, Marjane ningali masalah revolusi punika ngantos naif. Tuladha Marjane alit anganggap pahlawan inggih punika tiyang ingkang wonten ing bui. Marjane alit boten saged ngontrol prasangka prasangka kang boten saé ingkang wonten pikiranipun piyambak. Ing salah satunggalipun sekuen Persepolis, dipuncriosaken Marjane alit lan kanca-kancanipun boten remen kalih tiyang alit ingkang bapakipun dados panjaga bui. Marjane lan kanca-kancanipun anganggap panjaga bui ingkang gadhah tanggungjawab kalih sedanipun pahlawan ing bui. Saking punika, Persepolis gadhah pangembangan searah kalih Marjane alit ngantos Marjane ageng. Marjane inggih punika tiyang puber ingkang gesangipun lusah. Boten gampang saged gesang ing tengah revolusi ingkang wonten batasan batasan kabebasan. Marjane ingakng gesang ing taun 1980-an boten saged ngerungakaken tembang rock ingkang dipunremeni déning piyambipun. Kados punika Marjane dipunpindahaken ing Wina, Ostenrik ing umur 14 taun, kang saged gadhah kabebasan gesang. Nanging amargi Marjane ingkang taksih alih, tebih saking tiyang sepuhipun, piyambakipun gadhah rencang ing Vienna ingkang sampun gadhah kabebasan gesang. Piyambakipun boten saged ngontrol keremenan sanget kalih kabebasan. Lan pungkasan punika Marjane ngertos, wonten ingkang boten saé. Persepolis inggih punika filem ingkang saged dipuncaritakaken kalih tiyang ageng ingkang gesang ing globalisasi.[2]

Sountrack[besut | besut sumber]

  • "Eye of the Tiger" déning Jim Peterik
  • "Roses du Sud" déning Johann Strauß
  • "Marche Persanne" déning Johann Strauß

Tanggepan sawatawis nagari prakawis Persepolis[besut | besut sumber]

Iran[besut | besut sumber]

Iran punika nagari ingkang dados salah satungalipun papan criyos Persepolis. Iran ngirimaken serat ingkang dipunlajengaken déning satunggalipun organisasi filem ing Iran marang Kadutan Prancis. Saking serat punika inggih cetha manawi Iran punika protes marang kaputusan Cannes déné filem Persepolis dipunputer. Organisasi punika nyebataken filem punika gadhah gambaran ingkang saged dadosaken boten saé prakawis Révolusi Islam ing Iran.[3]

Libanon[besut | besut sumber]

Libanon inggih punika salah satunggalipun Nagara ingkang boten puruni filem Persepolis, filem animasi ingkang dipundamel Prancis ingkang nyriosaken revolusi Islam ing Iran dipunputar. Pejabat Kamentrian Libanon nTeks tebalgumumaken filem Persepolis boten purun dipunputar ing Libanon. Boten purun punika amargi boten remenipun pejabat pejabat Kamentrian ingkang gadhah rencang Hizbullah. Présidhèn Mahmud Ahmadinejad piyambak nuturaken filem Persepolis inggih punika filem Islamofobia lan anti-Iran.[4]

Thailand[besut | besut sumber]

Thailand sampun nyerah kaliyan tekanan saking Iran manawi filem "Persepolis" boten usah dipunputer ing Bangkok International Film Festival.

"kula dipunundhang déning kedutaan Iran kanggé mbahas masalah punika lan kita sadaya gadhah prajanjèn ingkang ndadosaken kalih nagari punika untung manawi filem punika boten dipunputer ing Bangkok," tutur dirèktur fèstival Kunjara na Ayudhya Chattan ing dinten Rebu".[5]

Panghargyan Film Persepolis[besut | besut sumber]

  1. 2008 Academy Awards, USA Nominasi Best Animated Feature Film of the Year
  2. 2008 Annie Awards, Nominasi Best Animated Feature(Sony Pictures Classics), Best Directing in an Animated Feature Production Vincent Paronnaud, Marjane Satrapi, Best Music in an Animated Feature Production, Olivier Bernet, Best Writing in an Animated Feature Production.
  3. 2009Best Foreign Film, Not in the Spanish Language (Mejor Película Extranjera)
  4. 2009 BAFTA Awards, Nominasi Best Animated Film, Nominasi Best Film Not in the English Language.
  5. 2007 British Film Institute Awards
  6. 2007 Cannes Film Festival Vincent Paronnaud Marjane Satrapi (Juri Prize)
  7. 2007 Cinemanila International Film Festival Marjane Satrapi Vincent Paronnaud (Special Juri Prize)
  8. 2008 César Awards, France Best First Work (Meilleur premier filem) lan Best Writing-Adaptation (Meilleur scénario adaptation).
  9. 2008 French Syndicate of Cinema CriticsBest First Film (Critics Award)[6]

Kategori Pamenang ing Festival Film Cannes 2007[besut | besut sumber]

  1. Palme d'Or: 4 Months, 3 Weeks, and 2 Days, Cristian Mungiu
  2. Grand Prize: The Mourning Forest, Naomi Kawase
  3. Jury Prize: Persepolis, Marjane Satrapi and Vincent Paronnaud and Silent Light, Carlos Reygadas
  4. Best Director: Le Scaphandre Et Le Papillon, Julian Schnabel
  5. Best Actor: Konstantin Lavronenko, The Banishment
  6. Best Actress: Do-Yeon Jeon, Secret Sunshine
  7. Screenplay: Faith Akin, The Edge of Heaven
  8. Caméra d'Or (co-winners): Meduzot, Etgar Keret, and Control, Anton Corbijn
  9. Palme d'Or for Short Film: Watching it Rain, Elisa Miller[7]

Cathetan suku[besut | besut sumber]

  1. groups.yahoo.com(dipuntingali tanggal 28 September 2011)
  2. new.rumahfilm.org Archived 2013-02-20 at the Wayback Machine.(dipuntingali tanggal 28 September 2011)
  3. old.rumahfilem.org Archived 2011-10-02 at the Wayback Machine.(dipuntingali tanggal 28 September 2011)
  4. www.eramuslim.com Archived 2020-08-09 at the Wayback Machine.(dipuntingali tanggal 28 September 2011)
  5. www.reuters.com(dipuntingali tanggal 29 September 2011)
  6. www.imdb.com(dipuntingali tanggal 28 Septembar 2011)
  7. www.infoplease.com(dipuntingali tanggal 2 Oktober 2011)

Pranala njawi[besut | besut sumber]