Pit: Béda antara owahan

Konten dihapus Konten ditambahkan

Salarik

Révisi kala 21 Maret 2013 14.03

Pit gunung modhèrn; bané sing kandhel nggawé pit iki gampang kanggo digunakaké ing ngendi waé.

Pit utawa sepédhah (panulisan cara basa Indonesia: sepeda) iku sawijining piranti transportasi manungsa sing diobahaké mawa dayaning manungsa dhéwé. Pit modhèrn wujudé arupa rodha loro sing digabungaké mawa sawijining ragangan lan bisa ditumpaki manungsa. Banjur ing sadhuwuring ragangan iki ana palungguhané sing diarani sadhel. Lan kanggo ngobahaké pit, ing ngisor ana onthèlané sing diarani pédhal. Pédhal iki biasané disambungaké mawa ranté ing roda mburi. Banjur kanggo ngarahaké pit, ana setiré sing biasané diarani setang.

Ragangan pit biasané digawé saka logam kayata wesi utawa aluminium. Nanging jaman saiki uga ana sing digawé saka bahan liya kayata plastik lan serat kaca (fiberglass).

Pit diciptakaké ing abad kaping 19 ing Jerman, Eropa déning Karl von Drais. Jaman saiki ing abad kaping 21, pit isih akèh dienggo utamané ing Walanda lan Cina.

Pit bisa digunakake kanggo piranti transportasi. Nganggo pit luwih nguntungake, sebab ora mbutuhake bahan bakar lan bisa ngurangi polusi.

Étimologi

Tembung "pit" dijupuk saka basa Walanda fiets kamangka tembung "sepédhah" dijupuk saka basa Indonesia sing njupuk saka basa Prancis vélocipède.

Jinising pit

Jinising pit iku werna-werna, wiwit saka pit onthèl yaiku pit sing biyasa dianggo sadina-dina, pit jèngki sing wujudé cilik lan boboté ènthèng, pit kanggo bocah cilik lan sapanunggalané. Nanging ana sawetara jinis sing biyasa dianggo nyepédhah utawa balapan arupa pit-pit sing wujudé wis modhèren. Jinis pit mau antara liya:

Pit Gunung MTB.

. Competitive XC :

Pit iki biasané kagolong ènthèng kanggo jinis MTB, arupa pit sing ènthèng kanggo cross country (offroad). Competitive XC biasa dipigunakaké kanggo laladan offroad sing ora mudhun banget, cocog banget kanggo sing nyenengi kacepetan lan kakuwatan jroning njlajah laladan offroads.

. XC Trail :

Jinis pit sing digawé kanggo laladan offroad sing lumayan èkstrim,kayadéné dalan mudhun sing rada njuleg lan akèh énggok-énggokan, suspènsi ngarep lan mburi biasané luwih empuk dibandhingaké karo Competitive XC, suspènsi ngarep lan mburi biasané uga bisa ditata skala atos lan empuké.

. All Mountain :

MTB sing katon keker dibandhingaké karo jinis XC liyané, nduwèni suspènsi sing luwih gedhé lan kuwat. Pit iki dirancang kanggo penunggang sing nyenengi laladan offroad sing akèh lokasi jumping. Pit iki cocog kanggo downhill ènthèng lan atraksi jroning nyep’edhah.

. Freeride/Downhill :

Iki pit sing kerep kita deleng jroning kajuwaraan donya downhill, pit sing abot banget tumrap jinis MTB. Frame pit iki pancèn abot banget amarga downhill sing èkstrim merlokaké kestabilan sing dhuwur. Suspènsi pit jinis iki nduwèni trafel ngarep (dawaning suspènsi) luwih dawa tinimbang pit MTB liya, lan sing mesthi suspènsi mburi iku wajib tumrap pit tipe iki.

. Progresive / Dirt jumper

Luwih dirancang kanggo penunggang sing nyenengi showoff skill utawa mamèraké lan ngasah kemahiran jroning atraksi pit. Kanthi wangun frame sing kenceng saka ngarep memburi.

. Recreational XC

Arupa pit XC kanggo laladan cross contry sing ènthèng, iki arupa pit sing akèh dianggo MTB wektu iki jroning offroad ènthèng lan cross coutry.

Road bike

. Competitive Road Arupa pit balap sing dirancang kanggo kompetisi balap, kanthi bobot sing ènthèng banget. Total bobot pit bisa nganti 5kg, Tumrap sing nyenengi nyepédhah séhat dalan aspal iki arupa salah siji pilihan.
. Endurance Road Arupa pit balap kanthi frame sing luwih tahan kahanan dalan sing ora alus kayadéné paving blok. Pit tipe iki cocog kanggo sing nyenengi tipe dalan sing ora mung aspal alus nanging dalan aspal sing èlèk. Saliyané ènthèng cocog kanggo sing nyenengi kacepetan, pit jinis iki layak didadèkaké pilihan kanggo nyepédhah ing dalan non aspal.
. TT (time trial)

Iki sing bener-bener pit balap, ènthèng banget kanthi wangun aéro dinamis sing didesain kanthi teliti kanggo ngadhepi angin. Pit balap iki akèh dianggo kompetisi Time Trial / Thriatlon sing nuntut kacepetan.

. Single speed.

Pit kanthi gir tunggal, cocog kanggo nyepédhah menyang endi waé. Pit kanthi single speed iki ora nduwèni pengaturan kacepetan, andadèkaké pit iki prasaja lan praktis utamané kanggo sing manggon ing tlatah kutha.

. Commute

Arupa Pit sing didesain gabungan saka pit balap kelas kompetisi lan kabutuhan sadina-dina. Akèh vendor pit ngowahi wiwit saka handle bar (stang), nganti komposisi ban lan rasio gir.

Perangan pit

frame / ragangan, dhalangan, awak-awakan, bayangan
fork / garpu, porok (ngarep)
suspension' / sokbrèker
chainstay / porok mburi
top tube / planthangan utawa planggrangan.
down tube / planthangan ngisor
drop-out / anting
headset / kom porok
handlebar stem / gulu banyak, ancer setang
handlebar / setang
stem / manukan
grips / hanfat
saddle / sadhel, sèdhel
seatpost / ancer sèdel, cagak sèdel, dudukan sadel
wheels / rodha
rims / pèleg, pélah
brake / rèm
brake lever / hèndel rém
brake rod / gagang rém
brake pad / kampas rém
coaster brake / rém terpédo
spokes / ruji, bilah
spoke nipple / nèpel
hubs / bos
wheel-cover / tèdhèng roda
freewheel hubs / kriwil
fixed hubs / doltrap
tyre / ban pit
tyre tube / ban njero
tyre valve / pèntil, dop
tyre groove / kembangan ban
fender / slébor
front gear /chain-ring / gir ngarep, piringan
crank arm / onthèl, setang pedhal
pedhal / pedhal, pancalan
sprocket / gir mburi
front deraileur / kapalan
rear deraileur / lèter "s", operan
shifter / operan, persnèleng
chain / ranté pit, keteng

Piranti tambahan

chain case / ketengkas
head light / lampu ngarep utawa bérko
tail light / lampu mburi
cateye / mata kucing
bike rack / boncéngan,goncéngan
bike stand / standar, jagrak, jagangan
dynamo / dinamo
bell / bèl
bearing ball / gotri, pelor
bearing cone / mangkokan, konès
saddle bag / kompolan
pump / kompa, pompa
bike lock / gembok pit
water bottle / térmos, tromos
bottle cage / wadhah térmos
bike tax / plombir, plembir, pèneng
vaseline / gemuk

Delengen uga

Pit statis

@@ Larik 2: / Larik 2: @@
 [[Gambar:Hardtail-mountain-bike.jpg|thumb|250px|Pit gunung modhèrn; bané sing kandhel nggawé pit iki gampang kanggo digunakaké ing ngendi waé.]]
-'''Pit''' utawa '''sepédhah''' (panulisan cara [[basa Indonesia]]: ''sepeda'') iku sawijining piranti transportasi manungsa sing diobahaké mawa dayaning manungsa dhéwé. Pit modhèrn wujudé arupa [[rodha]] loro sing digabungaké mawa sawijining ragangan lan bisa ditumpaki manungsa. Banjur ing sadhuwuring ragangan iki ana palungguhané sing diarani [[sadhel]]. Lan kanggo ngobahaké pit, ing ngisor ana onthèlané sing diarani pédhal. Pédhal iki biasané disambungaké mawa ranté ing roda mburi. Banjur kanggo ngarahaké pit, ana setiré sing biasané diarani setang.
+'''Pit''' utawa '''sepédhah''' (panulisan cara [[basa Indonesia]]: ''sepeda'') iku sawijining piranti [[transportasi]] manungsa sing diobahaké mawa dayaning manungsa dhéwé. Pit modhèrn wujudé arupa [[rodha]] loro sing digabungaké mawa sawijining ragangan lan bisa ditumpaki manungsa. Banjur ing sadhuwuring ragangan iki ana palungguhané sing diarani [[sadhel]]. Lan kanggo ngobahaké pit, ing ngisor ana onthèlané sing diarani pédhal. Pédhal iki biasané disambungaké mawa ranté ing roda mburi. Banjur kanggo ngarahaké pit, ana setiré sing biasané diarani setang.
-Ragangan pit biasané digawé saka logam kayata wesi utawa aluminium. Nanging jaman saiki uga ana sing digawé saka bahan liya kayata plastik lan serat kaca (''fiberglass'').
+Ragangan pit biasané digawé saka logam kayata [[wesi]] utawa [[aluminium]]. Nanging jaman saiki uga ana sing digawé saka bahan liya kayata plastik lan serat kaca (''fiberglass'').
 Pit diciptakaké ing [[abad kaping 19]] ing [[Jerman]], [[Eropa]] déning [[Karl Drais|Karl von Drais]]. Jaman saiki ing [[abad kaping 21]], pit isih akèh dienggo utamané ing [[Walanda]] lan [[Cina]].