Lembaga Kebijakan Pengadaan Barang/Jasa Pemerintah

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Cithakan:Infobox lembaga nonstruktural Indonésia

Lembaga Kebijakan Pengadaan Barang/Jasa Pamaréntah (utawi ingkang asring dipuncekak LKPP) inggih punika salah satunggal saking 28 Lembaga Pamaréntah Non-Kementerian (LPNK) ingkang mapan wonten ing sak ngandhapipun lan gadhah tanggel jawab dhateng Présidhèn Republik Indonesia. LKPP maujud saking wontenipun Peraturan Présidhèn Republik Indonesia Nomor 106 Tahun 2007 ngengingi Lembaga Kebijakan Pengembangan Barang/Jasa Pamaréntah. Ing wekdal punika, LKPP dipunpandhegani déning Ir. Agus Rahardjo, M.S.M.

Visi lan Misi[besut | besut sumber]

LKPP gadhah tekad kanggé dados lembaga kawicaksanan ing ngawontenaken barang/ jasa pamaréntah ingkang gadhah kualitas saé, gadhah kapabilitas, saha otoritas kange ngasilaken lan ngrembakakaken sapérangan kawicaksanan ingkang gadhah sistem ngawontenaken barang/ jasa ingkang saged dipunpitados ing Indonésia.

Visi[besut | besut sumber]

Visi LKPP inggih punika andal kanggé mujudaken sistem pengadaan ingkang kredibel.[1]

Misi[besut | besut sumber]

Misi LKPP inggih punika kados makaten:

  • Mujudaken aturan ingkang cetha
  • Sistem evaluasi lan monitoring ingkang andal
  • Sumber daya manungsa ingkang propesional, lan
  • gadhah pepesthen hukum pengadaan barang/ jasa pamaréntah.

mila, ing wekdal 5 taun ingkang sapisan inggih punika saking taun 2010-2014, LKPP gadhah ancas kanggé:

  • Nyegah lan ngirangi wontenipun penyimpangn ingkang kadadosan ing sak dangunipun prosès ngawontenaken barang/ jasa wonten ing lingkup insitusi pamaréntahan.
  • Mujudaken pakaryan ingkang efektip ingkang ing tembenipun saged nyiptakaken efisiensi Anggara Nagara ingakng dipun-ginakaken kanggé ngawontenaken barang/ jasa.
  • Ningkataken kapasitas SDM pengelola pengadaan barang/ jasa, saéngga ancasipun inggih sageng mujudaken SDM ingkang saged njunjung inggil semangat profesionalisme lan kathi martabat ingkang saé.
  • Mujudaken kawicaksanan nasional ngengingi pengadaa barang/ jasa ingakng cetha, kondusip, lan komprehensip
  • Ningkataken kapasitas kelembagaan LKPP.

Tugas lan Fungsi[besut | besut sumber]

LKPP gadhah tugs kanggé nindakaken pangrembakaning lan ngrumusaken kawicaksanan saking ngawontenaken barang/ jasa saking pamaréntah.[2] Déné kanggé nindakaken tugasipun, LKPP gadhah fungsi ingkang kaandharaken kados makaten:

  1. Nyusun lan ngrumusaken strategi saha nemtokaken kawicaksanan la nstandar prosedur ing babagan ngawontenaken barang/ jasa Pamarentah kalabbet ngawontenaken badan usaha kanggé wujud kerja sama ing antawisipun pamaréntah kaliyan badan usaha.
  2. Nyusun lan ngrumusaken strategi saha nemtokaken kawicaksanan pembinaan sumber daya manungsa ing babagan ngawontenaken barang/ jasa pemerentah.
  3. Ningali saha nindakaken evaluasi saking asiling lampahing kegiyatanipun.
  4. Mbina lan ngrembakakaken sistem informasi saha ngawasi nalika wonten ingkang badhé ngawontenaken malih barang/ jasa pamaréntah kanthi elektronik (e-procurement).
  5. Paring bimbingan teknis, advokasi, lan biyantuwan hukum
  6. Ngawontenaken pelayanan administrasi umum ing babagan ngrencanakaken, nata usaha, kepegaweyan, kauangan, lan perlengkapan saha rumah tangga.

Cathetan suku[besut | besut sumber]

  1. Visi dan Misi (dipunundhuh tanggal 2 Pebruari 2013)
  2. Tujuan, tugas dan fungsi LKPP (dipunundhuh tanggal 2 Pebruari 2013)