Kacer

Saka Wikipédia Jawa, bauwarna mardika basa Jawa
Kacer
Kacer lanangan ing Kalkuta
Klasifikasi ngèlmiah
Karajan: Animalia
Filum: Chordata
Klas: Aves
Ordho: Passeriformes
Famili: Muscicapidae
Génus: Copsychus
Spésies: C. saularis
Jeneng binomial
Copsychus saularis
(Linnaeus, 1758)

Kacer kalebu manuk ocèh-ocèhan cilik kang sadurungé kalebokaké ing kulawarga Turdidae (murai), nanging saiki kaanggep ing jinis Muscicapidae. Nduwèni rupa ireng lan putih, buntuté dawa lan kaangkat manawa sesaba ing lemah lan kadang uga nalika mencok. Manuk iki akèh tinemu ing Asia Kidul lan Asia Kidul-wétan. Lumrahé manuk iki akèh dunungé ing taman kutha, gampang dikenali amarga ocèhané.

Manuk iki asring uga karan kucica kampung', murai, murai kampung lan ing basa Inggris diarani Oriental Magpie Robin

Jinis ras kacer lan sebarane ing Indonesia[besut | besut sumber]

Copsychus saularis musicus[besut | besut sumber]

Papan sumebare ing pulo Sumatra, kalebu pulo-pulo cilik ing sakupenge kaya pulo Simeulue, Nias, Batu, Bangka, lan Belitung; banjur ing Jawa Kulon, sarta wewengkon kidul lan kulon Kalimantan. Saliyané ing Indonesia, jinis iki uga sumebar ing Ujung Malaysia lan Thailand sisih kidul. Ras iki sok sinebut kacer dhadha putih, utawa kacer poci / sekoci.

Copsychus saularis amoenus[besut | besut sumber]

Wewengkon sumebare jinis iku ya iku ing wewengkon wétan pulo Jawa lan ing Pulo Bali. Ras iki kalebu jinis kacer dhadha ireng, lan mung siji-sijiné ras kacer dhadha ireng kang habitate ing sanjabaning pulo Kalimantan.

Copsychus saularis pluto[besut | besut sumber]

Ras iki sumebare mung ing Pulo Kalimantan, mligine ing sisih lor, wétan, lan wétan-kidul. Uga ana ing Pulo Maratua, ya iku pulo cilik sacedhake Pulo Kalimantan.

Pigunan[besut | besut sumber]

Manuk kacer minangka fauna idhèntitas saka Kabupatèn Kulon Praga.

Rujukan[besut | besut sumber]

  1. BirdLife International (2004). Copsychus saularis. 2006 IUCN Red List of Threatened Species. IUCN 2006. Diakses 12 May 2006.

Pranala njaba[besut | besut sumber]