Iwak buntal

Saka Wikipédia Jawa, bauwarna bébas abasa Jawa
(Dilih saka Iwak Buntal)
Iwak Buntal
Tetraodon-hispidus.jpg
White-spotted puffer, Arothron hispidus
Klasifikasi ngèlmiah
Karajan: Animalia
Filum: Chordata
Subfilum: Vertebrata
Klas: Actinopterygii
Subklas: Neopterygii
Infraklas: Teleostei
Ordho: Tetraodontiformes
Famili: Tetraodontidae
Genera

Arothron
Auriglobus
Canthigaster
Carinotetraodon
Chelonodon
Colomesus
Contusus
Ephippion
Feroxodon
Fugu
Gastrophysus
Javichthys
Lagocephalus
Liosaccus
Marilyna
Monotretus
Omegaphora
Pelagocephalus
Polyspina
Reicheltia
Sphoeroides
Takifugu
Tetractenos
Tetraodon
Torquigener
Tylerius
Xenopterus

Iwak Buntal (Tetraodontidae) punika famili saking ulam muara lan segara saking ordo Tetraodontiformes [1]. Kanthi morfologi, ulam ingkang sami ing famili punika arupi ulam landak ingkang kagungan tulang wingking wiyar lan ageng (boten kados yulang wingking Tetradontidae ingkang langkung tipis lan namung katingal nalika ulam punika nggembung). Nama ilmiah punika merujuk dhateng waja ageng ingkang kapasang wonten ing rahang inggil lan ngandhap ingkang kaginakaken ngremukaken cangkang crustacea lan moluska mangsanipun. Ulam buntal punika kagungan nama warna-warna ingkang bentèn saben dhaérah. Kados ing Indonesia kawéntar kanthi nama buntal lan buntek. bilih wonten Basa Inggris dipunwastani Balloonfish lan Globefish [2].

Ulam buntal punika dipunpitadosi minangka vertebrata paling beracun nomor kalih sasampunipun Katak Racun Emas. Organ-organ dalem kados hati lan kulit ulam punika kagungan racun ananging wonten spesiès saking jinis ulam punika ingkang dagingipun dados panganan ing Jepang (dipunastani 河豚, dipunwaos fugu), Koréa (dipunwastani bok), lan Cina (dipunsebut 河豚 he2 tun2) [2].

Ulam buntal padatanipun nganggu pemancingan amargi ulam punika asring nyambar senar lan medhot senar nganggé untunipun ingkang landhep. Taksonomi ulam buntal punika kapisan dipuntepangaken déning Linnaeus nalika taun 1758 [2].

Awak ulam buntal punika saged ngembang kados balon lan saged medalaken eri landhep kanthi tujuan njagi piyambakipun saking musuh. Spesiès punika padatanipun saged tuwuh dumugi 8-14 inci (20-35 cm), dumugi maksimun 20 inci (50 cm) lan nyebar wonten ing perairan tropis ing donya. Ulam buntal punika prédator nalika wanci dalu, padatanipun ndelik wonten ing selaning karang nalika awan lan manawi ndalu pados panganan[2].

Racun[besut | besut sumber]

Ulam punika ngandhut racun ing pérangan jero. Racun punika dipunwastani Tetrodotoksin ( TTX ). Dosis ingkang damel mati ulam buntal kanggé manungsa dipunkinten-kinten 2 mg TTX. Racun punika saged damel mati lan reaksi dhateng korbanipun ing wekdal kirang saking setengah jam. Gejala keracunan TTX punika dipunwiwiti déning rasa mual, muntah-muntah, mati rasa ing rongga lambé, salajengipun medal gangguan fungsi syaraf kanthi tanda rasa gatel ing lambé, sikil, lan tangan. Gejala salajengipun dados lumpuh lan kematian [2].

Cathetan suku[besut | besut sumber]

  1. ^ [1],Ikan buntal (dipun-akses tanggal 27 Dhésèmber 2012).
  2. ^ a b c d e [2],Ikan buntal - iftfishing (dipun-akses tanggal 16 November 2012).