F.X. Rudi Gunawan

Saka Wikipédia Jawa, bauwarna mardika basa Jawa
(Kaelih saka FX Rudi Gunawan)
FX Rudi Gunawan

F.X. Rudy Gunawan inggih salah satunggaling sastrawan Indonésia ingkang sapunika dumunung ing Jakarta. Piyambakipun inggih lulusan saking Universitas Gadjah Mada ingkang mlebet taun angkatan 1986. FX Rudy Gunawan inggih kalebet salah satunggaling pujangga Indonésia ingkang produktip, katitik saking sampun kirang langung 27 taun, seratanipun saking manéka warna jinis karyanipun kapacak wonten ing kathah médhia. FX Rudy Gunawan miyos wonten ing Cirebon, Jawa Kilen, tanggal 20 September 1965, lan pikantuk gelar sarjana filsafat saking UGM, Yogyakarta. Piyambakipun dados wartawan ing kalawarta Jakarta saking taun 192 ngantos taun 2000. Ing wekdal punika piyambakipun makarya dados pimpinan redaksi Voice of human rights news center (www.vhrmedia.com) saha Majalah Diffa (www.majalahdiffa.com).

Riwayat Pagesanganipun[besut | besut sumber]

FX Rudy Gunawan sampun kathah pikantuk manéka warna jinis pengalaman, saking dados host utawi pranata adiara ing Radio 68H, Media Officer kanggé Indonésia Masa Depan, Media Specialist kanggé Partnership for Governance Reform Newsletter (lembaga ing ngandhapipun UNDP), Managing Editor kanggé Mitra Budaya Journal Budaya dan Filosofi, Editor- in- Chief kanggé Voice of Human Rights News Centre, Direktur saha member saking Board of Diector Gagas Media Publishing. FX Rudy Gunawan ugi aktip wonten ing kathah kagiyatan sosial kanggé ningkataen raos sadhar bab budaya, pulitik, utawi humanitas ing Indonésia. Piyambakipun ugi aktip wonten ing kupaya kanggé ningkataken waosan literature wonten ing wujud aksara Braille kanggé pamaos tuna netra. Kajawi aktip wonten ing dunya panyeratan, FX Rudy Gunawan ugi asring dados trainer kanggé workshop jurnalistik saha creative writing. Piyambakipun ugi asring dipunundhang kanggé dados pamedhar sabda ing kathah seminar.[1] FX Rudy Gunawan inggih kalebet satunggaling sastrawan marjinal ingkang asring pados prakawis- prakawis énggal. Piyambakipun sepisanan misuwur saking karyanipun ingkang awujud esai- esai Filsafat Sex dan Zarima, saha kempalan carkak (bukan) pilihan Kompas, ing purwakaning taun 90- an. Piyambakipun sampun kathah nyerat esai, carkak, gurit, saha artikel wiwit taksih kuliah ing Fakultas Filsafat UGM Yogyakarta ingkang lulus ing taun 1992, lan seratanipun tambah langkung kathah malih dados jurnalis sabibaripun rampung kuliah.[2] FX Rudy Gunawan ugi misuwur dados aktivis buadaya ingkang fokus kanggé miwiti kaeya- karya budaya kanggé ngrampungaken prakawis- prakawis ingkang gayut kaliyan sosial saha kamanungsan kaliiyan jejaring - jejaring sosial ing wonten lan kaliyan para aktivis NGO sak Indonésia. Kangge ranah karya bab budaya, piyambakipun ndhirikaken PSI (Perkumpulan Seni Indonésia) sesarengan kaliyan Seno Gumira Ajidarma, Arahmaiani, Nezar Patria, saha Landung Simatupang ing taun 2000. Ing wekdal punika, piyambakipun dados pimpinan redaksi Voice of Human Rights News Center. Asiling karyanipun ingkang paling énggal sadèrèngipun Animal Rationale inggih punika novèl kanthi irah- irahan K-o-m-a. Kajawi punika, kirang langkung 30 irah- irahan buku, saking buku jinis fiksi utawi non fiksi sampun dipuncithak lan dipunwedalaken kathah pangecapan ing Indonésia. Piyambakipun ugi kalebet salah satunggaling penggagas saha pengadeg pangecapan GagasMedia.

Bibiliography[besut | besut sumber]

  • Merah Itu Cinta
  • Jakarta City Tour- (Tragedi, Ironi, dan Teror)
  • Animal Rationale
  • Mbah Maridjan: Sang Présidhèn Gunung Merapi
  • Aku Perempuan: Jalan Berliku Seorang Dorce
  • Takhta Suci Vatikan
  • Mengebor Kemunafikan - INUL, Ses dan Kekuasaan
  • 170,8 FM ? Radio Negeri Biru
  • Tusuk Jelangkung
  • Realita, Cinta dan Rock n Roll
  • Meeka Bilang Di Sini Tidak Ada Tuhan; Suara Kurban Tragedi Priok
  • Dolly Hitam Putih Prostitusi
  • Kumpulan carkak (bukan) pilihan Kompas "Zarima" (Galang Press, Yogyakarta)
  • Novèl Mata Yang Malas (Gramedia Pustaka Utama, Jakarta)
  • Novèl 170, 8 FM: Radio Negeri Biru (Gagas Media, Jakarta)

Novèl K-O-M-A (Spasi & VHRbook)

  • Bangsal 13
  • Aku Ingin Menciummu Sekali Saja

Déné tuladha karya-karyanipun ingkang jinis non fiksi, ing antawisipun inggih punika:

  • Filsafat Seks (Bentang, Yogyakarta)
  • Kumpulan esai Pelacur & Pulitikus ([[Graffiti Press, Jakarta)
  • Mendobrak Tabu: Seks, Kebudayaan, dan Kebejatan Manusia (Galang Press, Yogyakarta)
  • Budiman Sudjatmiko: Menolak Tunduk (Grasindo, Jakarta)
  • Wild Reality; Refleksi Atas Kelamin (Indonésia Tera, Yogyakarta)
  • Premanisme Pulitik (ISAI, Jakarta) ingkang dipunserat sesarengan kaliyan Nezar Patria saha Togi Simanjuntak.

Cathetan suku[besut | besut sumber]

  1. [v] Author's Profile: FX Rudy Gunawan (dipunundhuh tanggal 23 Januari 2013)
  2. [1] Archived 2010-12-16 at the Wayback Machine. FX Rudy Gunawan (dipunundhuh tanggal 23 Januari 2013)