Budiman Sudjatmiko
Budiman Sudjatmiko (lair ing Cilacap, Jawa Tengah, 10 Maret 1970; umur 54 taun) inggih punika aktivis saking Parté Rakyat Demokratik ingkang salajengipun damel panjenenganipun dipunukum déning pamaréntah Ordhe ènggal lan dipunvonis 13 taun ukuman kunjara.[1] Amargi kamenanganipun obahan dhémokrasi, Budiman namung dipunkunjara 3,5 taun kémawon sasampunipun dipunparingi amnesti déning Prèsidhen Abdurrahman Wahid ing tanggal 10 Dhésèmber 1999.[1]
Karier
[besut | besut sumber]Budiman sudjatmiko sampun aktif ing pirang-pirang kagiyatan dhiskusi lan organisasi wiwit lenggah ing SMP.[1] Nalika wekdal kuliahipun ing Fakultas Ékonomi Universitas Gajah Mada, panjenenganipun naté ndhérék obahan mahasiswa.[1] Salajengipun sadangunipun kirang langkung sekawan taun, panjenenganipun ndhèrèk community organizer ingkang ngawontenaken prosés pambardayan pulitik, organisasi lan ékonomi ing kaum tani lan buruh perkebunan ing wewengkon Jawa Tengah lan Jawa Wétan.[1] Amargi kegiatanipun punika, Budiman boten saged nglajengaken kuliahipun ngantos purna.[1] Budiman dipunkunjara amargi wonten pradugi bilih Budiman dados "dhalang" prastawa 27 Juli.[2] Sasampunipun mlebet kunjara, Budiman lajeng kuliyah ing Universitas London kanthi mendhet jurusan Ilmu Pulitik lan Master Hubungan Internasional ing Universitas Cambridge, Inggris.[1] Sakonduripun dhateng Indonésia, ing taun 2004 Budiman mlebet PDI Perjuangan.[1][2]
Cathetan suku
[besut | besut sumber]- ↑ a b c d e f g h Profil Budiman Sudjatmiko Archived 2011-08-19 at the Wayback Machine. dipunundhuh tanggal 19 Agustus 2011)
- ↑ a b Budiman Sujatmiko: Srigala di Kandang Banteng Archived 2011-08-21 at the Wayback Machine. dipunundhuh tanggal 19 Agustus 2011)
Pranala njawi
[besut | besut sumber]
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |