Dhukun

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Dhukun

Dhukun ya iku wong kang nambani, nulung wong kang lagi lara.[1] Dhukun uga ménéhi jampi-jampi kaya ta mantra,guna-guna, lan liya-liyané.[1] Ing Asia tenggara kaya ta ing Indonésia, Malaysia dhukun uga diarani bomoh.[1]

Tradhisi Jawa[besut | besut sumber]

Dhukun uga kalebu tradhisi kabudayan Jawa kang nulungi lan nambani wong kang lagi lara.[1] Dhukun uga diarani tabib. Saliyané iku ana uga dhukun kang dadi perantara ing donya gaib.[1] Dhukun uga dadi simbol adat ing saben upacara tradhisional.[1] Dhukun lumrahé dihubungaké karo kapercayan karo para leluhur kaya ta animisme lan dinamisme ing Indonésia, kaya ta ing tradhisi Jawa, Sunda, Madura lan Dayak.[1]

Jinis[besut | besut sumber]

  • Dhukun bayi ya iku dhukun kang tugasé nulungi wong wadon kang lagi nglairaké.[2] Dhukun iki uga bisa ngrumati bayi kang dilairaké kaya ta mijeti, ndadahi, lan ngedusi bayi.[2]
  • Dhukun jampi ya iku dhukun kang nggunakaké tuwuhan lan ramuan alami kanggo nambani lelara.[2] Dhukun iki nduwéni ramuan hérbal kang dadi obat kanggo nambani wong lara.[2] Ramuan iki lumrahé digawé saka tuwuhan kang langka utawa bahan-bahan kang angél tinemu.[2]
  • Dhukun japa ya iku dukun kang ngendelaké mantra kanggo nambani wong kang lara.[2] Dhukun iki nduwéni rapal kang diunékaké kanthi alon-alon nalika nambani pasienné.[2]
  • Dhukun klenik ya iku dhukun kang nggawé lan ménéhi guna-guna lan kakuwatan gaib liyané.[2]
  • Dhukun santét ya iku dhukun kang nduwéni kakuwatan sikir marang manungsa.[2] Kakuwatan sikir iki lumrahé kanggo tujuwan kang élék kaya ta kanggo nggawe lara wong utawa kanggo maténi wong.[2]
  • Dhukun siwer ya iku dhukun kang nduwéni kabisan kanggo ncegah anané prastawa sial amarga prastawa alami kaya ta udan, dhukun iki uga kena diarani pawang udan.[2]
  • Dhukun susuk ya iku dhukun kang nduwéni kabisan mirunggan kanggo nambani lelara kanthi nujrepake dom emas ing pérangan ngisor kulit.[2] Dhukun susuk iki duwé ancas supaya wong kang kena susuke bisa dadi luwih ayu, luwih luwih cilik lan bisa nduwéni aura kang narik kawigaten lawan jinisé.[2]
  • Dhukun tenung ya iku dhukun kang nduwéni kabisan kanggo nggunakaké kakuwatan gaib tumrap manungsa.[2]
  • Dhukun tiban ya iku wong kang nduwéni kabisan nambani lelara amarga kakuwatan gaib kang disebabaké amarga karasukan roh.[2]

Cathetan suku[besut | besut sumber]

  1. a b c d e f g dict.rewaz.org(dipunundhuh tanggal 3 Juli 2011)
  2. a b c d e f g h i j k l m n o artikata.com(dipunundhuh tanggal 3 Juli 2011)