Daihatsu Midget
Daihatsu Midget ya iku kendaraan kang roda telu (siji ing ngarep, loro ing mburi) kang tau diprodhuksi produsèn otomotif Jepang, Daihatsu.[1] Kendaraan iki ukurané cilik saéngga diwénéhi jeneng "midget" (kang tegesé kerdil).[1]
Daihatsu Midget iku kendharaan Daihatsu kang sepisanan kang ana ing Indonésia lan kondhang kanthi jeneng Bemo.[1]
Sajarah
[besut | besut sumber]Daihatsu jaman mbiyèn misuwur dadi prodhusèn truk cilik kang rodhané telu.[1] Sawisé Toyota nggawé truk kang rodané papat ing taun 1954 (kang misuwur kanthi jeneng Toyoace).[1] Daihatsu banjur ngrembakakaké kendharaan kang rodhané telu ing wektu iku kang olèh disopiri karo wong kang nduwé SIM mobil kompak ing Jepang.[1] Hasilé Daihatsu Midget kang wiwit dipasaraké nalika taun 1957.[1] Konsumèn nyatané seneng iklan Daihatsu Midget ing tivi Jepang kang dibintangi aktor komedi Kon Ōmura lan kanthi iklan iku, Daihatsu Midget banjur payu akèh.[2]
Modhel
[besut | besut sumber]Modhel DK
[besut | besut sumber]Modhél DK wiwit didol nalika tanggal 1 Agustus 1957.[1] Setir dhapuré kaya stang sepeda motor. Panggonan kanggo nyetir nduwé penutup saka kanvas.[1] Pérangan ruangan kanggo nyetir ora nduwé lawang.[1] Dawané Daihatsu Midget ya iku 2.540 mm, ambané 1.200 mm, lan dhuwuré 1.500 mm.[1] Penumpang kang bisa numpak Daihatsu Midget cacahé siji.[1] Saliyané iku Daihatsu Midget nduwé mesim tipe ZA, ana kipasé, kapasitas silinder 250 cc, bahan bakar bènsin.[1] Daihatsu Midget duwé kakuwatan maksimum 10 tenaga jaran.[1] Daihatsu Midget nduwé kecepatan maksimum 65 km/jam (spesifikasi saka katalog) lan maksimum momotan 300 kg,kanthi berat kosong 350 kg.[1]
Cathetan suku
[besut | besut sumber]- ↑ a b c d e f g h i j k l m n o daihatsu.co.id[pranala mati permanèn](dipunundhuh tanggal 3 Agustus 2011)
- ↑ vivanews.com[pranala mati permanèn](dipunundhuh tanggal 3 Agustus 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |