Carissa Putri

Carissa Putri
Lair	Carissa Putri Sulaiman
Pakaryan	Aktris
Taun aktif	2004-sekarang
Wong tuwa	Ris Isa Soelaiman-Lily SP

Carissa Putri iku salah sijiné bintang akting ing filem, sinétron, lan FTV Indonesia. Carissa lair ing Frankfurt, Jerman, nalika tanggal 12 September 1984. Carissa kalebu aktris pendatang kang rikat misuwur.

Karir

Carissa Putri tau main ing filem garapan sutradara Hanung Bramantyo kang rah-irahané Ayat-Ayat Cinta. Film iki dadi filem kang sepisanan tumrap Carissa. Film iki njupuk carita saka novèl laris karangan Habiburrahman El Shirazy. Ing filem iki carissa Putri akting dadi Maria Girgis, salah sijiné prawan kang ngugemi agama Kristen kang banjur seneng karo Islam. Wiwitané Carissa disiapaké kanggo main dadi tokoh Aisha Greimas, salah sijiné mahasiswi keturunan Jerman lan Turki kang pinter, ayu lan sugih. Nanging peran iki banjur diwenehaké kanggo Rianty Cartwright kang wiwitané main dadi dadi Maria. Iki amarga rupané Carissa rada kenomen yèn akting dadi tokoh Aisha. Sawisé akting ing layar lebar, Carissa Putri banjur dadi bintang iklan produk Telkom Speedy lan main filem. Film kang tau dibintangi kaya ta filem kang irah-irahané The Tarix Jabrix. Saliyané iku, Carissa uga main ing sinétron stripping Ramadhan kang irah-irahane Aqso & Madina, Anggun, Siti Nurbaya, Hikmah 3, Jangan Pisahkan Aku, 1 Bunga 4 Kumbang, lan I Love U Bos.

Sinematografi

Film

• Ayat-Ayat Cinta (2008) minangka Maria
• The Tarix Jabrix (2008) minangka Callista
• Catatan si Boy (2011)

Sinetron

• Anggun (Barengan karo Luna Maya lan Ben Joshua)
• Siti Nurbaya
• Hikmah 3
• Jangan Pisahkan Aku
• 1 Bunga 4 Kumbang
• I Love U Bos
• Aqso dan Madina (2008) minangka Safira
• Rafika (2008) minangka Rafika

FTV

• Date with Danella