Canberra

Saka Wikipédia Jawa, bauwarna bébas abasa Jawa
Canberra
Pemandangan Kutha Canberra
Lokasi Canberra
Nagara Australia
Nagara bagéan Australian Capital Territory
Dina Madeg 12 Maret 1913
Jembar wewengkon 805,6 km2
Padunung 325.056 (Sensus 2006)
 - Kapadhetan 137,8/km2
Basa Basa Inggris
Zona AEST(UTC+10)
AEDT (UTC+11)

Canberra iku kutha krajan Australia kang dumunung ing Australian Capital Territory, 300 km sisih kulon-kidul Sydney lan 650 km wétan-lor Melbourne. Panggonan ing anatarané loro kutha gedhé ing Australia iku dipilih taun 1908 minangka kompromi awit anané persaingan antara Melbourne lan Sydney kanggo dadi ibukuthta. Kutha iki dirancang déning arsitèk Chicago, Walter Burley Griffin, lan peyasaan diwiwiti taun 1913.

Kanthi padunung kang cacahé watara 339.000, Canberra dadi kutha krajan paling gedhé kapitu ing Australia lan kutha ing laladan pedalaman kang paling gedhé. Minangka punjer pamaréntahan, ing Canberra dumunung Gedung Parlemen lan werna-werna kantor dhépartemèn. Sanadyan mangkono, punjer ékonomi isih ana ing kutha Sydney lan Melbourne.

Demografi[besut | besut sumber]

Reca wedhus gibas ing kutha Canberra

Ing taun 2003, padunung Canberra gunggungé ana 323.004 jiwa kanthi kapadhetan 401 jiwa/km², kagolong padhet dibandingaké karo kutha-kutha liyané ing Australia. Sensus taun 2001 nuduhaké yèn 1,2% padunung Canberra iku wong-wong Aborijin, déné 21,6% imigran kang lair ing sanjabané Australia. Klompok pendhatang paling gedhé ya iku saka nagara-nagara abasa Inggris, kang paling akèh Britania Agung lan Selandia Anyar. Imigran-imigran liya uga teka saka Jerman, Sekotlan, Itali, lan Vietnam.

Padunung Canberra akèh-akèhé isih enom lan duwé pendhidhikan. Umur rata-rata padunung ya iku 32 taun lan padunung kang umur sakdhuwuré 65 taun cacahé 8,3%. Basa ibu kang paling umum ya iku basa Inggris nanging panggunaan basa liyané kaya basa Tionghoa, Itali, lan Kroasia uga lazim dipigunakaké.

Pranala njaba[besut | besut sumber]

Cithakan:Nagara bagéan Australia


Sumber artikel punika saking kaca situs web: "https://jv.wikipedia.org/w/index.php?title=Canberra&oldid=1107915"