Camelopardalis

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
CAMELOPARDALIS

Peta Camelopardalis
CekakanCam[1]
GenitifCamelopardalis[1]
Asensio rekta6
Deklinasi+70
Area757 derajad pesagi (#18th)
Lintang utama2, 8
Lintang
Bayer/Flamsteed
36
Lintang
mawa planèt
4
Lintang padhang0
Lintang cedhak3
Lintang paling padhangβ Cam (4.03m)
Lintang paling cedhakLHS 2459 ( tc)
Obyèk Messier0
Udan météorOctober Camelopardalids
Rasi lintang
sing wewatesan
Draco
Ursa Minor
Cepheus
Cassiopeia
Perseus
Auriga
Lynx
Ursa Major
Katon antara lintang +90° lan −10°.
Katon paling cetha ing wektu 21.00 jroning sasi February.
'

Camelopardalis (/[unsupported input]kəˌmɛləˈpɑːrdəls/) inggih punika salah satunggaling rasi lintang ingkang mapan wonten ing belahan langit sisih lor. Rasi lintang punika inggih kalebet rasi lintang ingkang ageng nanging lemah. Rasi lintang punika dipunbiwarakaken sepisanan ing taun 1612 utawi 1613 déning Petrus Plancius. Rasi lintang punika kalebet 88 rasi lintang modhèren ingkang sampun dipuntetepaken. Sapérangan astronom sepuh paring alternatif nama kanggé nyebataken rasi lintang punika, inggih punika kanthi sebatan, Camelopardus.[1]

Ètimologi[besut | besut sumber]

Kaping sepisanan dipuntes ing basa Inggris ing taun 1785, camelopardalis inggih asalipun saking basa Latin,[2] lan ing basa Yunani dados "καμηλοπάρδαλις" ingkang tegesipun "jerapah",[3] lajeng saking basa "κάμηλος" (kamēlos), "onta"[4] + "πάρδαλις" (pardalis), "leopard",[5].

Lintang-lintang[besut | besut sumber]

Rasi lintang Canes Venatici gadhah tlatah ingkang ambanipun kirang langkung 757 drajat persegi lan ngewrat tigang lintang ingkang dipunmangertosi minangka planit-planit. Rasi lintang punika saged dipuntingali wonten ing garis lintang antawisipun +90° lan-10° lan badhé katingal paling sa manawi dipuntingali ing jam 9 dalu ing salebeting sasi Pebruari. Sanajan ta Camelopardalis inggih kalebet rasi lintang ingkang paling amba nomer wolulas, anannging rasi lintang punika sanès kalebet rasi lintang ingkang padhang, lan minangka lintang ingkang paling padhang inggih kanthi magnitudo sekawan. Ing kasunyatanipun, rasi lintang punika nmung ngewrat sekawan lintang ingkang gadhah magnitudo ing sak nginggiling 5,0.[6] Déné lintang-lintang ingkang wonten ing rasi lintang punika ing antawisipun inggih kados makaten:

  • α Cam inggih punika lintang ingkang gadhah cahya raksasa warna biru kanthi magnitudi 4,3, lan tebihipun kirang langkung 5000 taun cahya saking bumi. Ing jarak punika dadosaken lintang punika boten saged dipuntingali kanthi mripat langsung.[1]
  • β Cam inggih punika lintang ingkang paling padhang wonten ing Camelopordalis kanthi gadhah magnitudo ingkang cetha inggih punika 4,03. Lintang punika kalebet tipe lintang rangkep kalih, kanthi gadhah komponèn ingkang magnitudonipun 4,0[7] lan 8,6. Komponèn ingkang paling bakunipun inggih cahya raksasa jene ingkang tebihipun 1000 taun cahya.
  • 11 Cam inggih punika lintang kanthi gadhah magnitudo 5,2 lan tebihipun 650 taun cahya saking bumi. Lintang punika inggih sanget caket kaliyan magnitudo 6,1 12 Camelopordalis, ingkang ugi tebihipun 650 taun cahya saking bumi, nanging kalih lintang punika inggih boten saestu minangka lintang rangkep kalih amargi wonten ingkang misahaken kekalihipun.[1]
  • Σ 1694 (Struve 1694, 32 Cam) inggih punika satunggaling lintang binar ingkang tebihipun kirang langkung 300 taun cahya saking bumi. Kekalih komponèn kasebat inggih gadhah cahya biru ngantos pethak. Magnitudo ingkang sepisanan inggih 5,4 lan magnitudo ingkang kaping kalih inggih punika 5,9.[1]
  • CS Cam inggih punika lintang ingkang paling padhang nomer kalih ing rasi lintang Camelopardalis. Lintang punika gadhah magnitudo 4,21.[7]

VAribael lintang sanèsipun ingkang wonten ing rasi lintang punika inggih U Camelopardalis, VZ Camelopardalis, lan Mira variables T Camelopardalis, X Camelopardalis, lan R Camelopardalis.[7]

Ing taun 2011, satunggaling supernova inggih kapanggih wonten ing rasi lintang punika.[8]

Camelopardalis inggih taksih kalebet kulawarga rasi lintang Ursa Major sesarengan kaliyan rasi lintang Ursa Major, Ursa Minor, Draco, Canes Venatici, Bootes, Coma Berenices, Corona Borealis, Leo Minor lan Lynx. Déné rasi lintang sanèsipun ingkang mapan wonten ing sak kiteripun Camelopordalis inggih punika rasi lintang Draco, Ursa Minor, Cepheus, Cassiopeia, Perseus, Auriga, Lynx lan Ursa Major.[9]

Cathetan suku[besut | besut sumber]

  1. a b c d e f Ridpath 2001, kk. 92-93.
  2. Lewis, Charlton T.; Short, Charles. "camelopardalis". A Latin Dictionary. Perseus Digital Library. Dijupuk 8 June 2012. 
  3. Liddell, Henry George; Scott, Robert. "καμηλοπάρδαλις". A Greek-English Lexicon. Perseus Digital Library. Dijupuk 8 June 2012. 
  4. Liddell, Henry George; Scott, Robert. "κάμηλος". A Greek-English Lexicon. Perseus Digital Library. Dijupuk 8 June 2012. 
  5. Liddell, Henry George; Scott, Robert. "πάρδαλις". A Greek-English Lexicon. Perseus Digital Library. Dijupuk 8 June 2012. 
  6. Staal 1988, k. 241.
  7. a b c Norton 1973, kk. 118=119.
  8. Boyle, Rebecca (3 January 2011). "10-Year-Old Canadian Girl Is The Youngest Person Ever to Discover a Supernova". Popular Science. Dijupuk 8 June 2012. 
  9. Camelopardalis(dipunundhuh tanggal 24 Pebruari 2013)
  • Levy, David H. (2005), Deep Sky Objects, Prometheus Books, ISBN 1-59102-361-0 
  • Norton, Arthur P. (1973), Norton's Star Atlas, kk. 118–119, ISBN 0-85248-900-5 
  • Rey, H. A. (1997), The Stars—A New Way To See Them, Houghton Mifflin, ISBN 0-395-24830-2 
  • Ridpath, Ian (2001), Stars and Planets Guide, Princeton University Press, ISBN 0-691-08913-2 
  • Ridpath, Ian (2007), Stars and Planets Guide, Wil Tirion (ed. 4th), Princeton University Press, ISBN 978-0-691-13556-4 
  • Staal, Julius D.W. (1988), The New Patterns in the Sky, McDonald and Woodward Publishing Company, ISBN 0-939923-04-1 
  • Wilkins, Jamie; Dunn, Robert (2006), 300 Astronomical Objects: A Visual Reference to the Universe (ed. 1st), Firefly Books, ISBN 978-1-55407-175-3