Bulgogi

Saka Wikipédia Jawa, bauwarna mardika basa Jawa
Bulgogi
Jeneng Koréa
Hangul 불고기
Hanja ora ana
Alih aksara
Anyar
Bulgogi
McCune-
Reischauer
Pulgogi

Bulgogi (basa Koréa: geni, lan 고기 daging) iki masakan daging saka Koréa. Daging kang digunakaké kaya ta daging jinis sirloin utawa daging kang apik saka sapi.

Bumbu bulgogi iku campuran kécap asin lan gula ditambah bumbu liyané manut karo resep lan panggonané ing Koréa. Sadurungé dipangan, godhong slada ditrapaké minangka buntel bulgogi karo kimchi, bawang, utawa micin.

Ing Jepang, panganan kang kaya bulgogi diarani yakiniku. Dibandingaké karo yakiniku, bumbu daging kanggo bulgogi digawé luwih legi. Banyu ing bumbuné rada akèh, lan daging ora dipanggang ing plat wesi (teppan), nanging bisa dipanggang ing panci sing rata.

Bulgogi dipercaya wis ana wiwit jaman Goguryeo (37 SM-668 M), nalika iku bulgogi isih diarani maekjeok (맥적). Wujudé wujud daging sapi kang disunduki kaya saté.[1] Iku diarani neobiani (너비 아니), kang tegesé daging tipis amba. Nalika Dinasti Joseon panganan iki disajèkaké kanggo para tamu sugih utawa para priyayi.

Bulgogi miturut makna barès tegesé daging geni ing basa Koréa. Maksudé ya iku, anggoné masak daging iku kanthi cara dibakar nganggo geni. Ana jeneng liya saliyané iku, kaya ta dak Bulgogi, kang digawé saka daging pitik, lan dwaeji Bulgogi kang digawé saka daging babi.[2]

Cathetan sikil[besut | besut sumber]

  1. The origin of bulgogi Archived 2010-02-01 at the Wayback Machine., official site of the Ministry of Culture, Sports and Tourism, South Koréa.
  2. (ing basa Koréa) Bulgogi at The National Institute of the Korean Language Dictionary

Uga delengen[besut | besut sumber]

Pranala njaba[besut | besut sumber]