Bob Sadino
| Bob Sadino | |
|---|---|
 Bob Sadino | |
| Rerincèn dhiri | |
| Lair | 9 Maret 1933 Lampung, Indonésia |
| Pati | Januari 19, 2015 (umur 81) Jakarta, Indonésia |
Robert "Bob" Sadino (lair ing Tanjungkarang, Lampung 9 Maret 1933, tilar donya ing Jakarta, 19 Januari 2015) utawa kang asring diundang om Bob iku pengusaha saka Indonésia kang duwé bisnis babagan pangan lan peternakan.[1] Sadino uga duwé usaha liya ing Kemfood lan Kemchick.[1] Lumrahé Sadino asring nggunakaké sandhangan kang wujud klambi lengen cekak lan clana cekak.[1] Sandhangan iki kang dadi cirikhasé Sadino.[1]
Sadino lair saka kulawarga kang kacukupan.[1] Sadino iku anak kang pungkasan saka sadulur kang cacahé lima.[1] Wong tuwané mati nalika umuré lagi 19 taun.[1] Nalika iku, Sadino duwé warisan saka wong tuwané awit seduluré wis dianggep mapan kabéh.[1] Sadino banjur ngentekna sapérangan bandhané kanggo piknik.[1] Sadino tau urip ing Walanda suwené sangang taun.[1] Ing kono Sadino kerja ing Djakarta Lylod ing kutha Amsterdam lan uga ing Hamburg, Jerman.[1] Nalika urip ing Walanda, Sadino ketemu karo jodhone ya iku wong wadon kang jenengé Soelami Soejoed.[1]
Nalika taun 1967, Sadino lan kulawarga bali menyang Indonésia.[1] Amarga suwé urip ing Indonésia, Sadino banjur metu saka pegaweyané lan kerja dadi pengusaha.[1]
Sadino tau dadi sopir mobil mercedes lan nyewake mobile, nanging dhèwèké ngalami kecelakaan lan mobile rusak.[1] Sawisé iku, Sadino dadi kuli watu.[1] Sawisé dadi kuli, banjur dhèwèké nduwé usaha endhog lan daging pitik kampung.[1] Sadino iku wong kang sepisanan nggunakaké usaha kebon sayur nganggo sistem hidroponik ing Indonésia.[1] Saliyané dadi pengusaha, Sadino uga kerep mèlu dadi paraga filem sanajan mung dadi figuran.[2]