Badhut

Saka Wikipédia Jawa, bauwarna bébas abasa Jawa
Badhut sakan Donya Wétan

Badhut ya iku wong kang nglipur kanthi macak rainé nganggo wedhak kang kandel lan nganggo klambi kang anèh lan werna-werni.[1] Badhut uga pinter kanggo mragakaké obahan lan rai kang lucu.[1] Profesi badhut sabenere wis ana wiwit biyén.[1] Badhut wis ana nalika jaman Romawi Kuna.[1]

Badhut ora mung nggawé ngguyu wong-wong sugih kang stress kanthi tontonan, ananging uga nglipur lan luru dhuwit ing dalan-dalan utawa kang dikenal kanthi istilah ngamèn. Badhut nduwé kabisan kanggo pantomim kanthi obahan-obahan slapstik kang konyol.[1] Badhut uga ana kang nyebut dadi panglipur ing dalan-dalan kang paling tuwa ing donya.[1]

Miturut sajarah, badut tegesé wong kang dandan lucu lan kadang-kadang niru karakter komik, nganggo make-up kandel lan sandhangan kang unik.[1] Badhut uga bisa mragakaké obahan kanthi lucu lan konyol ora nganggo omongan. Iki kang mbedakaké karo pelawak konvensional.[1]

Sajarah[besut | besut sumber]

Ing abad pratengahan nalika kurang luwih taun 500 M nganti 1500 M ana karakter badhut kang misuwur banget.[2] Masyarakat Éropah, kususé Italia ngertèni karakter iki kanthi jeneng arlecchino utawa harlequin.[2] Karakter iki dipopulèraké karo kalompok sandiwara commedia dell`arte.[2] Ananging kostum kang dianggo isih apa anané.[2]

Klambi badhut kang kaya saiki iku asil perkembangan kostum kang tau dipopulèraké ing Jerman lan Inggris, ya iku nalika abad kaping 18 M.[2] Nalika iku dandanan lan gaya pantomim Pickellherring misuwur banget.[2] Sandhangan kang dienggo nduwé ciri, klambi lan sepatu gombrong utawa gedhé, topi kang werna-warni, lan rénda gedhé kang bunder lan dianggo ing gulu.[2]

Nalika abad kaping 18 M iki, badhut uga dadi bageyan penting ing sirkus.[2] Atraksi badhut biyasané nganggo obahan-obahan akrobat kang nggawé sepaneng.[2] Karakter Jocy kang diciptakaké Joseph Grimaldi kalebu karakter kang misuwur banget, karakter iki ora mung isa nggawé seneng nanging uga nggawé sedhih lan wedi.[2]

Cathetan suku[besut | besut sumber]

  1. ^ a b c d e f g h (id)lintasberita.com(dipunundhuh tanggal 13 Juni 2011)
  2. ^ a b c d e f g h i j (id)sayona.web.id(dipunundhuh tanggal 13 Juni 2011)
Sumber artikel punika saking kaca situs web: "https://jv.wikipedia.org/w/index.php?title=Badhut&oldid=1081950"