Anoa

Saka Wikipédia Jawa, bauwarna bébas abasa Jawa
Anoa
Lowland anoa.jpg
Seekor anoa dataran rendah
Klasifikasi ngèlmiah
Karajan: Hewan
Filum: Chordata
Klas: Mamalia
Ordho: Artiodactyla
Famili: Bovidae
Subfamili: Bovinae
Génus: Bubalus
Spésies: B. quarlesi
B. depressicornis
Jeneng binomial
Bubalus quarlesi
(Ouwens, 1910)
Bubalus depressicornis
(H. Smith, 1827)

Anoa[1] iku isih kalebu sedulur cedhake sapi lan wedhus. Anoa mung bisa ditemokake ing Sulawesi[2], nanging uga ana anoa kang migran ing San Diego Zoological Garden.

Dawane anoa bisa nganti tekan 160–172 cm, buntute 18–31 cm. Ukuran awake kang cilik bisa dadi daya tarik anoa. Anoa gunung padatan ukurane luwih cilik. Rata-rata dhuwur awake anoa diwasa mung 75 cm. Ana kang mung 69 cm, nanging ana kang bisa nganti tekan 106 cm. Bobote anoa ya iku 150–300 kg. Anak anoa duwéni wulu kandel awarna coklat kekuningan. Saya tuwa, anoa saya ora duwé wulu kanthi werna kulit coklat peteng nganti tekan ireng. Anoa jago wernane luwih peteng tinimbang anoa babon.[3]

Anoa uripe nganti tekan umur 25 taun. Yen meteng nganti tekan 300 dina lan padatan mung bisa nglairake anak cacahe 1 sasuwene 2 taun. Anak anoa ninggalake mbok-mbokane wiwit umur 3 taun banjur mlebu ing masa puber. Anoa babon asring bebarengan 2-3 anake kang umure beda. Anoa jago luwih asring dhewekan lan luwih agresif marang anoa jago liyane. Anoa mangane tanduran tartamtu kayadene suket, herba, perdu lan paku-pakuan. Anoa ngrewangi panybaran pirang-pirang jinis tanduran asli Sulawesi kang wijine ora kaadaptasi kanggo kasebar.

Anoa saiki sansaya langka. Langkane anoa disebabake déning rong perkara, ya iku diburu kanggo konsumsi lan perusakan habitat. Dhisike alas-alas ing Minahasa (mulai saka Likupang nganti tekan Poigar) dienggoni anoa, saiki anoa ing kana wis ora ana. Sterilisasi anoa saka tanah kelairane saiki isih dilakoni padhahal anoa iku satwa kang dilindungi déning undang-undang Indonesia. Mula organisasi konservasi internasional IUCN, anoa diklasifikasikake endangered lan déning CITES anoa dilebokake ing sajroning daftar perlindungan tertinggi ing appendix 1. Sanajan mrihatenake, populasi anoa bisa ditemokake ing Taman Nasional Bogani Nani Wartabone.

Cathetan sikil[besut | besut sumber]

  1. ^ (ing basa basa Indonésia)lablink.or.id Anoa (kaundhuh tanggal 30 Agustus 2011)
  2. ^ (ing basa basa Indonésia)green.kompasiana.com Anoa Fauna Langkah Khas Sulawesi Hampir Punah dari Habitatnya (kaundhuh tanggal 30 Agustus 2011)
  3. ^ (ing basa basa Indonésia)wcsip.org Anoa: Si Kerdil yang Agresif (kaundhuh tanggal 30 Agustus 2011)

Pranala njaba[besut | besut sumber]