Achmad Sujudi

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Achmad Sujudi
Achmad sujudi.jpg
Mantri Kaséhatan Républik Indonésia 16
Linggih
23 Oktober 1999 – 9 Agustus 2001
PrésidhènAbdurrahman Wahid
Kang sadurungéFarid Anfasa Moeloek
Linggih
9 Agustus 2001 – 20 Oktober 2004
PrésidhènMegawati Soekarnoputri
Kang sawiséSiti Fadilah Supari
Rerincèn dhiri
Lair(1941-04-11)April 11, 1941
Indonésia Bondowoso, Jawa Wétan, Indonésia
BangsaIndonésia

Dr. dr. Achmad Sujudi, MHA (lair ing Bondowoso, Jawa Wétan, 11 April 1941; umur 79 taun) inggih punika Mantri Kasarasan (keséhatan) Indonésia ing Kabinèt Gotong Royong.[1] Panjenenganipun punika lulusan Fakultas Kadhokteran Universitas Indonésia ing taun 1972.[1] Salajengipun Sujudi nglajengaken pendidikanipun dhateng Universitas New South Wales, Sydney, Australia. Achmad Sujudi miyos lan ageng ing kulawarga guru.[2] Ramanipun, Musdari Darmoprawiro lan ibunipun Kusniati, nyambut damel dados guru Sekolah Rakyat (SR) ing Bondowoso.[2]

Pendidikan[besut | besut sumber]

Sujudi wiwit sekolah ing Sekolah Rakyat Bandawasa lan langsung lenggah ing kelas 3 amargi sadèrèngipun panjenenganipun sampun dipunajari ibunipun ing griya.[2] Sesarengan sekolah ing sekolah formal, panjenenganipun ugi sampun dipundidik ing lingkungan madrasan lan pesantrén.[2] Nalika lulus SR lan badhé mlebet SMP Negeri.[2] Nalika wekdal semanten, mlebet SMP Negeri dados prakara ingkang boten gampil amargi ing wekdal semanten namung wonten satunggal SMP Negeri ing Bondowoso, kamangka cacahipun sekolah SR kathah sanget, kirang langkung 20 SR lan Achmad Sujudi kasil dipuntampi ing SMP Negeri wau.[2] Babagan ingkang sami ugi dipunambali malih nalika badhé mlebet SMA.[2] Nalika wekdal semanten, dèrèng wonten SMA ing Bondowoso, SMA Negeri namung wonten ing kalih kutha, inggih punika ing Malang lan ing Surabaya lan panjenenganipun saged katampi ing SMA Negeri Malang, satunggalipun SMA kanthi prestasi ingkang saé.[2] Nalika lulus SMA, Achmad Sujudi nglajengaken pendidikanipun ing Fakultas Kadhokteran Universitas Indonésia.[2] Salajengipun nalika taun 1979, panjenenganipun mundhut pendidikan ahli bedhah ing Universitas Indonésia lan lulus taun 1980.[2]

Karir[besut | besut sumber]

Sasampunipun lulus kuliyah déning Gubernur Bengkulu Soeprapto, Sujudi dipunsuwun dados dhokter ahli bedhah ing Bengkulu (1980) lan sadangunipun 14 taun panjenenganipun dados dhokter ing Provinsi Bengkulu. Salajengipun panjenenganipun dipunsuwun mandhegani RSUP Dr. Sardjito ing Yogyakarta (1994-1998).[2] Salajengipun panjenenganipun pinitados dados Dhirektur Jendheral Pambrasta Penyakit Nular lan Panyehatan Lingkungan Pamukiman, Dhepartemen Kaséhatan (1998-1999).[2] Ngantos dumugi nalika Abdurrahman Wahid (Gud Dur) dados présidhén, Sujudi pinitados dados Mantri Kasarasan lan Kasejahteraan Sosial (1999-2001).[2] Semanten ugi nalika Megawati Soekarnoputri dados présidhén nggantosaken Gus Dur, Sujudi pinitados dados pandheganipun Dhepartemen Kaséhatan ing Kabinèt Gotong Royong (2001-2004).[2]

Pranala njawi[besut | besut sumber]

Achmad Sujudi

Cathetan suku[besut | besut sumber]

  1. a b Achmad Sujudi dipunundhuh tanggal 8 Oktober 2011)
  2. a b c d e f g h i j k l m n Achmad Sujudi' dipunundhuh tanggal 8 Oktober 2011)