ꦉꦩ꧀ꦥꦺꦪꦺꦏ꧀ꦏꦕꦁ
ꦗꦮ
|
ꦉꦩ꧀ꦥꦺꦪꦺꦏ꧀ꦏꦕꦁ ꦲꦶꦁꦒꦶꦃ ꦥꦸꦤꦶꦏ ꦱꦭꦃ ꦱꦠꦸꦁꦒꦭ꧀ꦭꦶꦁ ꦗꦶꦤꦶꦱ꧀ ꦚꦩꦶꦏ꧀ꦏꦤ꧀ ꦲꦶꦁꦏꦁ ꦢꦶꦥꦸꦤ꧀ꦢꦩꦼꦭ꧀ ꦱꦏꦶꦁ ꦕꦩ꧀ꦥꦸꦂꦫꦤ꧀ ꦒ꧀ꦭꦼꦥꦸꦁ ꦲꦶꦁꦏꦁ ꦢꦶꦥꦸꦤ꧀ꦢꦩꦼꦭ꧀ ꦲꦗꦼꦂ ꦭꦗꦼꦁ ꦢꦶꦥꦸꦚ꧀ꦕꦩ꧀ꦥꦸꦂ ꦏꦭꦶꦪꦤ꧀ ꦏꦕꦁ. ꦥꦺꦪꦺꦏ꧀ ꦲꦸꦠꦮꦶ ꦱꦒꦼꦢ꧀ ꦢꦶꦥꦸꦤ꧀ꦱꦼꦧꦠ꧀ ꦉꦩ꧀ꦥꦺꦪꦺꦏ꧀ ꦥꦸꦤꦶꦏ ꦱꦩ꧀ꦥꦸꦤ꧀ ꦢꦢꦺꦴꦱ꧀ ꦕꦼꦩꦶꦭ꧀ꦭꦤ꧀ ꦲꦶꦁꦏꦁ ꦏꦛꦃ ꦢꦶꦥꦸꦤ꧀ꦉꦩꦼꦤ꧀ꦤꦶ ꦢꦺꦤꦶꦁ ꦩꦱꦫꦏꦠ꧀ ꦮꦶꦪꦂ. ꦥꦺꦪꦺꦏ꧀ ꦏꦕꦁ ꦥꦸꦤꦶꦏ ꦲꦺꦕ ꦢꦶꦥꦸꦤ꧀ꦝꦲꦂ ꦩꦶꦤꦁꦏ ꦒꦤ꧀ꦠꦺꦴꦱ꧀ꦱꦶꦥꦸꦤ꧀ ꦏꦿꦸꦥꦸꦏ꧀ ꦲꦸꦠꦮꦶ ꦢꦶꦥꦸꦤ꧀ꦒꦣꦺꦴ ꦏꦺꦩꦮꦺꦴꦤ꧀, ꦲꦸꦠꦮꦶ ꦱꦒꦼꦢ꧀ ꦲꦸꦒꦶ ꦢꦶꦥꦸꦤ꧀ꦢꦢꦺꦴꦱ꧀ꦱꦏꦼꦤ꧀ ꦭꦮꦸꦃ ꦣꦲꦂ, ꦢꦶꦥꦸꦚ꧀ꦗꦸꦩ꧀ꦧꦸꦃꦲꦏꦼꦤ꧀ ꦏꦭꦶꦪꦤ꧀ ꦩꦼꦤꦸ ꦉꦩ꧀ꦥꦺꦪꦺꦏ꧀ꦏꦶꦥꦸꦤ꧀.
ꦧꦲꦤ꧀-ꦧꦲꦤ꧀ꦤꦶꦥꦸꦤ꧀[besut | besut sumber]
ꦧꦲꦤ꧀-ꦧꦲꦤ꧀ ꦲꦶꦁꦏꦁ ꦢꦶꦥꦸꦤ꧀ꦧꦼꦠꦃꦲꦏꦼꦤ꧀ ꦏꦁꦒꦺ ꦢꦩꦼꦭ꧀ ꦥꦺꦪꦺꦏ꧀ ꦏꦕꦁ ꦥꦸꦤꦶꦏ ꦲꦶꦁꦒꦶꦃ ꦏꦢꦺꦴꦱ꧀ ꦩꦏꦠꦼꦤ꧀:[1]
- 75 ꦒꦿꦩ꧀ ꦏꦕꦁ ꦛꦺꦴꦭꦺꦴ ꦢꦶꦥꦸꦤ꧀ꦲꦶꦫꦶꦱ꧀ ꦢꦢꦺꦴꦱ꧀ ꦏꦭꦶꦃ ꦥꦺꦫꦁꦔꦤ꧀
- 100 ꦒꦿꦩ꧀ ꦒ꧀ꦭꦼꦥꦸꦁ ꦱꦒꦸ
- 150 ꦒꦿꦤ꧀ ꦒ꧀ꦭꦼꦥꦸꦁ ꦧꦼꦫꦱ꧀
- 1 ꦠꦶꦒꦤ꧀ ꦢꦶꦥꦸꦤ꧀ꦥꦼꦤ꧀ꦝꦼꦠ꧀ ꦏꦸꦤꦶꦁꦔꦶꦥꦸꦤ꧀ ꦏꦺꦩꦮꦺꦴꦤ꧀
- 250 ml ꦱꦤ꧀ꦠꦼꦤ꧀ ꦱꦏꦶꦁ 1/4 ꦮꦸꦠꦶꦂ ꦏꦿꦩ꧀ꦧꦶꦭ꧀
- 1/2 ꦕꦺꦤ꧀ꦝꦺꦴꦏ꧀ ꦠꦺꦃ ꦱꦉꦩ꧀
- 5 ꦮꦸꦠꦶꦂ ꦩꦶꦫꦶ
- 5 ꦊꦩ꧀ꦧꦂ ꦫꦺꦴꦤ꧀ ꦗꦼꦫꦸꦏ꧀, ꦢꦶꦥꦸꦤ꧀ꦧꦸꦕꦭ꧀ ꦧꦭꦸꦁꦔꦶꦥꦸꦤ꧀ ꦭꦗꦼꦁ ꦢꦶꦥꦸꦤ꧀ꦲꦶꦫꦶꦱ꧀ ꦲꦭꦸꦱ꧀
- ꦭꦶꦱꦃ ꦏ꧀ꦭꦼꦤ꧀ꦠꦶꦏ꧀ ꦏꦁꦒꦺ ꦔ꧀ꦒꦺꦴꦫꦺꦁ
ꦢꦺꦤꦺ ꦧꦲꦤ꧀-ꦧꦲꦤ꧀ ꦲꦶꦁꦏꦁ ꦢꦶꦥꦸꦤ꧀ꦧꦼꦠꦃꦲꦏꦼꦤ꧀ ꦏꦁꦒꦺ ꦢꦩꦼꦭ꧀ ꦧꦸꦩ꧀ꦧꦸꦤꦶꦥꦸꦤ꧀ ꦲꦶꦁꦒꦶꦃ ꦏꦢꦺꦴꦱ꧀ ꦩꦏꦠꦼꦤ꧀:[2]
- 4 ꦮꦸꦠꦶꦂ ꦧꦿꦩ꧀ꦧꦁ
- 3 ꦮꦶꦗꦶ ꦧꦮꦁ ꦥꦸꦠꦶꦃ
- 2 ꦮꦶꦗꦶ ꦭꦺꦴꦩ꧀ꦧꦺꦴꦏ꧀ ꦏꦿꦶꦠꦶꦁ ꦲꦧꦿꦶꦠ꧀
- 2 ꦕꦺꦤ꧀ꦝꦺꦴꦏ꧀ ꦠꦺꦃ ꦏꦼꦠꦸꦩ꧀ꦧꦂ
- 3 cm ꦏꦼꦚ꧀ꦕꦸꦂ
- 1 cm ꦏꦸꦤꦶꦂ ꦢꦶꦥꦸꦤ꧀ꦧꦏꦂ ꦫꦸꦩꦶꦪꦶꦤ꧀ ꦱꦢꦺꦫꦺꦁꦔꦶꦥꦸꦤ꧀ ꦢꦶꦥꦸꦤ꧀ꦲꦸꦊꦒ꧀
ꦕꦫꦤꦶꦥꦸꦤ꧀ ꦢꦩꦼꦭ꧀[besut | besut sumber]
ꦕꦫꦤꦶꦥꦸꦤ꧀ ꦢꦩꦼꦭ꧀ ꦥꦺꦪꦺꦏ꧀ ꦏꦕꦁ ꦥꦸꦤꦶꦏ ꦲꦶꦁꦒꦶꦃ ꦥꦿꦱꦗ ꦱꦔꦼꦠ꧀, ꦲꦶꦁꦏꦁ ꦧꦣꦺ ꦢꦶꦥꦸꦤ꧀ꦲꦤ꧀ꦝꦂꦫꦏꦼꦤ꧀ ꦏꦢꦺꦴꦱ꧀ ꦩꦏꦠꦼꦤ꧀:[2]
- ꦩꦶꦫꦶ, ꦏꦼꦠꦸꦩ꧀ꦧꦂ, ꦧꦮꦁ ꦥꦸꦠꦶꦃ, ꦏꦼꦚ꧀ꦕꦸꦂ, ꦱꦲ ꦱꦉꦩ꧀ ꦢꦶꦥꦸꦤ꧀ꦲꦸꦊꦒ꧀ ꦔꦤ꧀ꦠꦺꦴꦱ꧀ ꦲꦭꦸꦱ꧀
- ꦱꦭꦗꦼꦁꦔꦶꦥꦸꦤ꧀ ꦱꦒꦼꦢ꧀ ꦢꦶꦥꦸꦚ꧀ꦕꦩ꧀ꦥꦸꦂ, ꦧꦸꦩ꧀ꦧꦸ ꦲꦭꦸꦱ꧀ ꦏꦭꦶꦪꦤ꧀ ꦒ꧀ꦭꦼꦥꦸꦁ ꦧꦼꦫꦱ꧀, ꦒ꧀ꦭꦼꦥꦸꦁ ꦱꦒꦸ, ꦱꦤ꧀ꦠꦼꦤ꧀, ꦠꦶꦒꦤ꧀, ꦱꦲ ꦫꦺꦴꦤ꧀ ꦗꦼꦫꦸꦏ꧀. ꦭꦗꦼꦁ ꦱꦢꦪ ꦧꦲꦤ꧀ ꦏꦭ ꦮꦲꦸ ꦢꦶꦥꦸꦤ꧀ꦲꦸꦣꦒ꧀ ꦔꦤ꧀ꦠꦺꦴꦱ꧀ ꦫꦠ ꦱꦢꦪ
- ꦩꦤꦮꦶ ꦱꦩ꧀ꦥꦸꦤ꧀ ꦥꦱ꧀ ꦲꦢꦺꦴꦤ꧀ꦤꦤ꧀ꦤꦶꦥꦸꦤ꧀ ꦭꦤ꧀ ꦱꦤ꧀ꦥꦸꦤ꧀ ꦫꦠ, ꦱꦒꦼꦢ꧀ ꦢꦶꦥꦸꦤ꧀ꦭꦼꦧꦼꦠ꧀ꦠꦏꦼꦤ꧀ ꦏꦕꦁ ꦛꦺꦴꦭꦺꦴꦤꦶꦥꦸꦤ꧀, ꦭꦗꦼꦁ ꦢꦶꦥꦸꦤ꧀ꦲꦸꦣꦒ꧀ ꦩꦭꦶꦃ ꦔꦤ꧀ꦠꦺꦴꦱ꧀ ꦫꦠ ꦱꦢꦠ
- ꦲꦶꦁ ꦔꦶꦁꦒꦶꦭ꧀ ꦏꦺꦴꦩ꧀ꦥꦺꦴꦂ, ꦱꦒꦼꦢ꧀ ꦢꦶꦥꦸꦤ꧀ꦥꦤꦱ꧀ꦱꦶ ꦭꦶꦱꦃ ꦏ꧀ꦭꦼꦤ꧀ꦠꦶꦏ꧀ ꦲꦶꦁ ꦮꦗ ꦲꦶꦁꦏꦁ ꦱꦩ꧀ꦥꦸꦤ꧀ ꦢꦶꦥꦸꦤ꧀ꦱꦩꦼꦏ꧀ꦠꦏꦏꦼꦤ꧀. ꦩꦤꦮꦶ ꦱꦩ꧀ꦥꦸꦤ꧀ ꦥꦤꦱ꧀ ꦭꦶꦱꦃꦲꦶꦥꦸꦤ꧀, ꦭꦗꦼꦁ ꦲꦢꦺꦴꦤ꧀ꦤꦤ꧀ ꦥꦺꦪꦺꦏ꧀ ꦏꦕꦁ ꦱꦒꦼꦢ꧀ ꦢꦶꦥꦸꦤ꧀ꦮꦸꦗꦸꦢ꧀ ꦱꦏꦼꦣꦶꦏ꧀-ꦱꦏꦼꦣꦶꦏ꧀ ꦏꦤ꧀ꦛꦶ ꦔꦼꦕꦸꦂꦫꦏꦼꦤ꧀ ꦲꦢꦺꦴꦤ꧀ꦤꦤ꧀ ꦲꦶꦁ ꦥꦺꦫꦁꦔꦤ꧀ ꦥꦶꦁꦒꦶꦂ ꦮꦗ ꦫꦸꦤꦶꦪꦶꦤ꧀. ꦲꦢꦺꦴꦤ꧀ꦤꦤ꧀ ꦱꦩꦁꦏꦺ ꦧꦣꦺ ꦭꦁꦏꦸꦁ ꦮꦶꦪꦂ ꦥꦶꦪꦩ꧀ꦧꦏ꧀ ꦭꦤ꧀ ꦧꦣꦺ ꦩꦤ꧀ꦝꦥ꧀ ꦲꦶꦁ ꦥꦺꦫꦁꦔꦤ꧀ ꦠꦼꦔꦃ ꦭꦶꦱꦃ ꦥꦶꦪꦩ꧀ꦧꦏ꧀
- ꦒꦺꦴꦫꦺꦁ ꦱꦢꦪ ꦲꦢꦺꦴꦤ꧀ꦤꦤ꧀ ꦥꦺꦪꦺꦏ꧀ ꦏꦕꦁ ꦔꦤ꧀ꦠꦺꦴꦱ꧀ ꦒꦫꦶꦁ ꦭꦤ꧀ ꦮꦼꦂꦤꦤꦶꦥꦸꦤ꧀ ꦱꦩ꧀ꦥꦸꦤ꧀ ꦩꦭꦶꦃ ꦢꦢꦺꦴꦱ꧀ ꦗꦼꦤꦺ ꦫꦢꦶ ꦲꦼꦩꦱ꧀. ꦩꦤꦮꦶ ꦱꦩ꧀ꦥꦸꦤ꧀ ꦩꦠꦼꦁ, ꦥꦺꦪꦺꦏ꧀ ꦏꦕꦁ ꦱꦒꦼꦢ꧀ ꦢꦶꦥꦸꦤ꧀ꦲꦁꦏꦠ꧀ ꦭꦤ꧀ ꦢꦶꦥꦸꦤ꧀ꦠꦸꦱ꧀ ꦫꦸꦩꦶꦪꦶꦤ꧀ ꦱꦸꦥꦪ ꦭꦶꦱꦃꦲꦶꦥꦸꦤ꧀ ꦧꦺꦴꦠꦼꦤ꧀ ꦤꦺꦩ꧀ꦥ꧀ꦭꦺꦏ꧀ ꦲꦶꦁ ꦲꦱꦶꦭ꧀ꦭꦶꦁ ꦒꦺꦴꦫꦺꦁꦔꦤ꧀ ꦏꦼꦏꦛꦃꦲꦼꦤ꧀. ꦱꦶꦩ꧀ꦥꦼꦤ꧀ ꦥꦺꦪꦺꦏ꧀ ꦏꦕꦁ ꦲꦶꦁꦏꦁ ꦱꦩ꧀ꦥꦸꦤ꧀ ꦩꦠꦼꦁ ꦮꦺꦴꦤ꧀ꦠꦼꦤ꧀ ꦲꦶꦁ ꦠꦺꦴꦥ꧀ꦭꦺꦱ꧀ ꦱꦸꦥꦪ ꦧꦺꦴꦠꦼꦤ꧀ ꦩ꧀ꦭꦼꦩ꧀ꦥꦼꦩ꧀, ꦭꦤ꧀ ꦥꦺꦪꦺꦏ꧀ ꦏꦕꦁ ꦱꦩ꧀ꦥꦸꦤ꧀ ꦱꦩꦼꦏ꧀ꦠ ꦢꦶꦥꦸꦤ꧀ꦱꦗꦺꦏ꧀ꦏꦏꦼꦤ꧀. ꦲꦱꦶꦭ꧀ꦭꦶꦥꦸꦤ꧀ ꦏꦶꦫꦁ ꦭꦁꦏꦸꦁ ꦱꦼꦠꦼꦔꦃ ꦏꦶꦭꦺꦴ ꦩꦤꦮꦶ ꦤ꧀ꦝꦺꦫꦺꦏ꧀ ꦏꦺꦴꦩ꧀ꦥꦺꦴꦱꦶꦱꦶ ꦲꦸꦠꦮꦶ ꦠꦏꦼꦂꦫꦤ꧀ ꦥꦸꦤꦶꦏ.