Tekèk

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tokèk
Gambar tekèk
Klasifikasi èlmiah
krajan: Animalia
filum: Chordata
kelas: Reptilia
ordo: Squamata
Suborder: Lacertilia
kulawarga: Gekkonidae
Subkulawarga: Gekkoninae
Genus: Gekko
Spesies

40-50 spesies, delengen tèks.

Tekèk, Tokèk, Gecko lan sapanunggalé tansah sapaduluran karo kulawarganing kadhal utawa ing basa latiné kalebu kulawarga Gekonidae. Ukurané rupa-rupa, ana sing cilik lan uga ana sing gedhé, biasané ukuran tekèk iku luwih gedhé tinimbang cecek.

Keliré tekèk ana akèh. Ana sing warnané soklat, ana sing arupa bathik kayata ijo, biru, utawa ireng-putih.

Tekèk uripé ana ing alas, lan ana sing urip ning omahé manungsa. Yèn ing omahé manungsa, tekèk bisa dirungokaké swarané sing uniné tek-kèèk, tek-kèèèk. Dadi saka kono dijenengaké tekèk.

Ing negara manca, tekèk wis akèh sing ndadèkaké kéwan klangenan, lan ana organisasi sing ngurusi tekèk iki.

Marga Gekko nyebar ing Asia Kidul lan Asia Kidul-wétan, mangalor tekan Koréa lan Jepang, mangétan --nglintasi Kapuloan Nuswantara lan Filipina-- tekan Kapuloan Solomon lan Santa Cruz ing Pasifik.[1]

Dhèskripsi[sunting | sunting sumber]

Tèkèk mempèr cecek mawa ukuran sedheng nganti gedhé. Kulit geger katutupi déning sisik-sisik granular, campur karo bintil-bintil sing rada gedhé. Pupil mata jejeg wangun jorong, kanthi pinggiran mawa gerigi. Driji-driji sikil ngarep lan mburi tuwuh sampurna, saya amba ing pucuk, sok-sok mawa slaput ing antarané pangkal driji, cakar (kuku) ana ing driji-driji sisih njaba, sisih ngisor driji kanthi sadhèrètan bantalan panèmpèl (diarani scansor) sing nrembaka becik lan ora kabelah (kabagi). Ana uga pori-pori preanal utawa preano-femoral, sarta bintil post-anal.[1]

Kéwan iki akèh-akèhé aktif nalika soré lan wengi, senajan swara undanganné sok-sok keprungu nalika awam. Tokèk mapan ing bolongan wit-witan ing alas utawa ing rekahan batuan utawa guwa; nanging sebagéyan jinisé uga adhaptasi karo lingkungan manungsa lan asifat komensil. Tekèk mburu manéka srangga lan invertebrata liya minangka pakanané, senajan uga ora wegah mangsa vertebrata liya sing luwih cilik ukurané. Tekèk wadon biasané ngetokaké sapasang endhog, sing disimpen dhèmpèt ing pojok bolongan utawa tèmbok. Papan nyimpen endhog iki biasa digunakaké bola-bali déning tekèk sing padha.[1]

Spesies[sunting | sunting sumber]

Tekan seprené kacathet ana 44 spesies sing dianggep valid[2]:

Tekèk jepang Gekko japonicus
Tekèk mawa bintik, Gekko monarchus
Tekèk emas Gekko ulikovskii
Tekèk mawa garis, Gekko vittatus

Delengen uga[sunting | sunting sumber]

Cathetan sikil[sunting | sunting sumber]

  1. ^ a b c Flag of Austria Austria. 2002. Amphibians and Reptiles of Mount Kinabalu (North Borneo). A.R.G. Gantner Verlag Kommanditgesselschaft, Ruggell. p. 107.
  2. ^ The Reptile Database: Genus Gekko

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Tekèk&oldid=803540"