Térong

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Térong
Klasifikasi èlmiah
krajan: Plantae
kelas: Magnoliopsida
Subkelas: Asteridae
ordo: Solanales
kulawarga: Solanaceae
Genus: Solanum
Species: S. melongena
Jeneng binomial
Solanum melongena
L.

Térong iku tetanduran sing kagolong jroning kulawarga Solanaceae lan genus Solanum. Térong arupa tetanduran asli India lan Sri Lanka, lan gegandhèngan rapet karo tomat lan kenthang. Wohé biasa dipigunakaké minangka janganan kanggo masakan. Jeneng botaniné Solanum melongena.

Térong iku tetanduran ijo sing kerep ditandur sacara taunan. Tanduran iki tuwuh tekan 40-150 cm (16-57 inci) dhuwuré. Godhongé gedhé, kanthi lobuslobus sing kasar. Ukurané 10-20 cm (4-8 inci) dawané lan 5-10 cm (2-4 inci) ambané. Jinis-jinis setengah liar luwih gedhé lan tuwuh dhuwuré nganti tekan 225 cm (7 kaki), kanthi godhong sing nguwihi 30 cm (12 inci) lan 15 cm (6 inci) dawané. Batangé biasané ana eriné. Werna kembangé antara putihputih nganti ungu|ungu, kanthi makutha sing duwé limang lobus. Benang sariné werna kuningkuning. Woh terong ana isiné, kanthi dhiameter sing kurang saka 3 cm kanggo sing liar, lan luwih gedhé manèh kanggo jinis sing dibudidayakaké.

Saka segi botani, woh sing dikelasaké minangka beri ngandhut akèh wiji sing cilik lan lembut. Wiji iku éntuk dipangan nanging rasané pait amarga ngandhut alkaloid nikotin. Iki ora ngéramaké amarga térong iku sedulur ceraké mbako.

Sajarah[sunting | sunting sumber]

Térong iku tetanduran pangan sing ditandur kanggo dijupuk wohé. Ukuran woh térong béda-béda antara cilik tekan gedhé, gumantung marang budidayané. Woh kasebut ana manéka warna, utamané ungu, ijo, lan putih. Terong iku tetanduran asli India.[1][2] Térong ditandur ing bagéan kidul lan wétan Asia wiwit jaman prasejarah nanging ditepungi ing donya Kulon ora luwih awal saka watara taun 1500. Cathetan tinulis sing pisanan ngenani térong ditemoni jroning Qí mín yào shù, sawijining karya tetanèn Tiongkok kuna sing disiapaké ing taun 544.[3] Akèhé jeneng basa Arab lan Afrika Lor kanggo térong sarta kurangé jeneng Yunani lan Romawi nuduhaké yèn wit iki digawa mlebu menyang donya Kulon ngliwati kawasan Laut Tengah déning bangsa Arab nalika awal Abad Patengahan. Jeneng èlmiyahé, Solanum melongena, asalé saka istilah Arab abad kaping 16 kanggo sajinis wit térong.

Amarga gegandhèngan térong marang keluwarga Solanaceae, woh térong tau dianggep ngandhut racun. Senajan woh térong bisa dipangan tanpa akibat ala apa waé déning akèh wong, kanggo sebagéan wong liyané, mangan woh térong (sarupa karo mangan woh gumandhèng kayata tomat, kenthang, lan mrica ijo utawa lada) bisa ana pangaruhé marang kaséhatan. Sebagéan woh térong rada paitpait lan ngiritasi garis weteng sarta njalari gastritis. Mula, sebagéan sumber, khususé saka kalangan kaséhatan alami, nelakaké yèn térong lan genus gumandhèng bisa njalari utawa gawé tansaya ala lelara artritis kanthi ketara lan mula, kudu didohi déning wong-wong sing peka marang térong.[4]

Mupangat[sunting | sunting sumber]

Oyodé térong kanggo obat gusi, lara untu, lan kagugurankaguguran.[5] Woh térong landa bisa kanggo obat beri-beri, udema.[5] Térong Ngor bisa kanggo obat tekanan getih dhuwur, kencing manis, nyegah rusaké sél sing nyebabake kanker, lan kukul.[5] Woh térong cepokan kanggo nambah nafsu mangan.[5]

Galeri[sunting | sunting sumber]

Cathetan sikil[sunting | sunting sumber]

  1. ^ Tsao dan Lo dalam "Vegetables: Types and Biology". Handbook of Food Science, Technology, and Engineering oleh Yiu H. Hui (2006). CRC Press. ISBN 1-57444-551-0.
  2. ^ Doijode, S. D. (2001). Seed storage of horticultural crops (m.s. 157). Haworth Press: ISBN 1-56022-901-2
  3. ^ Cithakan:Cite
  4. ^ Childers, N.F. (PhD) & Margoles, M.S. (MD). (1993). An apparent relation of nightshades (Solanaceae) to arthritis. Journal of Neurological and Orthopedic Medical Surgery. 12: 227-231. (Rencana disediakan dalam tarian oleh Arthritis Nightshades Research Foundation | http://www.noarthritis.com/research.htm
  5. ^ a b c d (id) Wiyoto, Laksono. Macam-macam Ramuan Asli Obat Tradisional (Warisan Para Leluhur). Sala: AMIGO, Kaca: 95
Sumber artikel punika saking kaca situs web: "http://jv.wikipedia.org/w/index.php?title=Térong&oldid=822230"