Suku Lhoba

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Suku Lhoba
(Bokaer, Bengni, Luoba, Lhopa,
Loba, Yidu, Bengru, Idu)
Lhoba-1.jpg
Gunggung populasi

5,697

Kawasan kanthi gunggung pedunung sing signifikan
Flag of the People's Republic of China.svg (Tibet) 2,322 (1999) [1]
Flag of India.svg (Arunachal Pradesh) 3,375 (1981)
Basa
Hindi, Inggris, Idu, Bokar, Tibet, Cina
Agama
Buddha[2]
Kelompok etnis paling cedhak
Monpa, Adi, Tibet

Suku Lhoba iku salah siji suku kang ana ing Republik Rakyat Cina. Suku iki kagolong suku kang paling cilik saka cacahe warga tinimbang suku-suku liyane. Suku iki diakoni dening pamrentahan Cina wiwit taun 1965, lan dadi salah siji Suku saka 56 Etnis Suku ing China. Kanthi cacahe pendhuhuk kurang luwih 3000 wong, Suku Lhoba uripe ing dhaerah Mainling, Medog, Lhunze lan kabupatèn Nangxian ing Tibet Kidul kulon. Saliyane iku, ana warga kang manggon ing Luoyu, Tibet kidul lan ing sadawane winatesan India lan Nepal.

Suku Lhoba mung migunakake basa khas duweke Tibet-Myanmese kang kalebu ing sistem basa Tibet-Cina. Sabenere akeh wong kang migunakake basa Tibet. Ora ana cathetan naskah kang tinulis nalika jaman biyen dening wong Lhoba. Jaman biyen wong Lhoba kanthi cara ngukir ing sadhuwuring kayu.

Jaman biyen, uripe Suku Lhoba sengsara. Suku iki diintimidasi lan ngrasakake diskriminasi dening pamarentah dhaerah Tibet. Suku Lhoba dianggep saka kasta kang luwih cendhek, akeh wong saka suku iki kang diusir lan kapeksa manggon ing alas lan gunung. Wong suku Lhoba ora dientukake lunga saka kana tanpa ijin lan ora entuk nglakoni doltinuku karo klompok suku liyane. Saliyane iku uga ora entuk nikah karo wong Tibet. Wong suku iki kudu golek panguripan kanthi cara ngumpulake panganan, mburu lan mancing amarga asil gandum kang ora nyukupi.[3]

Suku Lhoba nduweni adhat lan kebiyasaan nganggo klambi kang beda-beda ing saben klan. Suku Lhoba kang manggon ing bageyan lor Luoyu, kang lanang nganggo klambi kang ora ana lengene, kancing ing ngarep, jaket ireng nganti tekan dhengkul kagawe saka wol wedhus lan ditambah nganggo topi kang kagawe saka kulit bruwang utawa bahan kang ditenun saka gagang-gagang pring utawa rotan dicampur karo kulit bruwang.

Cathetan sikil[sunting | sunting sumber]

  1. ^ 民族区域自治拾零, China Ethnicity, from Department of Statistics. Retrieved December 21, 2008
  2. ^ Caidan An, Jun Liu, Jinhui Li, Tao Xie (2003). 西藏旅游指南英: Travel Guide. 五洲传播出版社. pp. 123. ISBN 7508503740.
  3. ^ (id)56 Etnis Suku di China: The Lhobas
Sumber artikel punika saking kaca situs web: "http://jv.wikipedia.org/w/index.php?title=Suku_Lhoba&oldid=832708"