Suku Dayak Meratus

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Suku Dayak Meratus
Suku Dayak Meratus
Populasi total
kurang lebih 50.000 jiwa.
Pedunung wigati ing
Kalimantan Selatan: 35.838 (2000).
Basa

Bukit, Melayu Banjar, Indonesia

Agama

Kaharingan

Suku bangsa cedhak dhéwé

Dayak Ngaju, Banjar


Suku Dayak Meratus utawi Dayak Banjar inggih punika kempalan saking sub-suku Dayak ingkang papan dunungipun wonten ing wilayah pegunungan Meratus ing Kalimantan Selatan. Tiyang Banjar Kuala nyebut suku Dayak Meratus minangka Urang Biaju (Dayak Biaju), dene tiyang Banjar Hulu Sungai nyebut suku Dayak Meratus kanthi sebutan Urang Bukit (Dayak Bukit/Buguet). Selato nduga, suku Bukit kalebet ing golongan Suku Punan. Ananging Tjilik Riwut merang ing salebeting kelompok-kelompok alit kados Dayak Alai, Dayak Amandit (Loksado), Dayak Tapin (Harakit), Dayak Kayu Tangi, lan sanésipun, lajeng piyanbakipun nggolongaken ing salebeting Rumpun Ngaju. Ananging panaliten pungkasan saking segi linguistik, basa ingkang dipunginakaken déning sub suku Dayak punika kagolong ing basa Melayik, dados setunggal rumpun kaliyan Dayak Kendayan lan Dayak Iban.[1]

Adedhasar kaliyan papan dunungipun kasebut, sakmenika langkung remen dipunsebut minangka Suku Dayak Meratus, tinimbang nama sadéréngipun Dayak Bukit ingkang sampun dipuntegesi minangka tiyang gunung. Dene miturut Hairus Salim saking tembung local ing wilayah kasebut tembung bukit ateges bageyan andhap saking sawijining wit ingkang ugi ateges tiyang utawi sakelompok tiyang utawi rumpun kulawarga ingkang angka pisan utawi minangnka cikal bakal masyarakat sanesipun.[1]

Suku Buket, nama ingkang diangge dening BPS kangge etnik punika wonten ing sensus penduduk taun 2000. Ing Kalimantan Selatan nalika sensus penduduk taun 2000 suku Buket cacahipun 35.838 jiwa,[2] saperangan ageng dumunung ing kabupaten Kota Baru kanthi cacah 14.508 jiwa. Suku Bukit ugi dipunsukani nama Ukit, Buket, Bukat utawi Bukut. Suku Bukit utawi suku Dayak Bukit dumunung ing kecamatan-kecamatan ingkang dumunung ing pegunungan Meratus ing kabupaten Banjar, kabupaten Balangan, Hulu Sungai Tengah, Hulu Sungai Selatan, kabupaten Tapin, Tanah Laut, Tanah Bumbu, lan Kota Baru.

Suku-suku Dayak Meratus, antawisipun :

  • Dayak Pitap, ing désa Dayak Pitap lan sakanan kiringipun.
  • Dayak Alai, kapérang dados:
  • Dayak Labuhan
  • Dayak Atiran, Dayak Kiyu
  • Dayak Juhu
  • Dayak Hinas Kiri
  • Dayak Hantakan (Dayak Bukit), ing desa Haruyan Dayak.
  • Dayak Labuan Amas
  • Dayak Loksado (Dayak Amandit), ing kecamatan Loksado.
  • Dayak Harakit (Dayak Tapin), ing desa Harakit lan sakanan kiringipun.
  • Dayak Paramasan, ing kecamatan Paramasan.
  • Dayak Kayu Tangi (dumunung ing kawasan Riam Kanan saderengipun dados waduk)
  • Dayak Bangkalaan, ing desa Bangkalan Dayak.
  • Dayak Sampanahan, ing kecamatan Sampanahan, Kotabaru.
  • Dayak Riam Adungan, ing desa Riam Adungan.
  • Dayak Bajuin, ing desa Bajuin.
  • lan sanés-sanésipun[3]

Cathetan Suku[sunting | sunting sumber]

  1. ^ a b [1]
  2. ^ [2]
  3. ^ [3]

Pranala Njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Suku_Dayak_Meratus&oldid=836032"