Senbei

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Nori senbei

Senbei (煎餅,せんべい?) yaiku jajanan kang digawe saka glepung beras utawa glepung serealia liyane. Jajanan iki wujude bisa bunder, pesagi, utawa pesagi dawa kang trepes, lan dimatengake kanthi cara dipanggang nganti wernane malih dadi kuning kaya emas. Senbei luwih kandhel saka krupuk, lan luwih gedhe saka okaki atau arare.

Umume, senbei iku rasane asin amarga diwenehi uyah, nanging ana uga kang rasane legi. Variasi rasa senbei yaiku senbei rasa miso, rasa kecap asin, lan rasa wijèn. Senbei rasa kecap asin kang diungkus dening nori utawa ing ndhuwure diwenehi nori diarani nori senbei.

Senbei tradhisional dipanggang nganggo areng. Sawise mateng, senbei diolesi nganggo campuran kecap asin lan mirin. Ing Kanto, bakul senbei manggang dagangane salembar-salembar ing papan panggonan. Dene bakul senbei ing Kansai ngadol senbei kang wis digawe ing papan liya.

Jinis[sunting | sunting sumber]

Maneka werna senbei: rasa nori, rasa aonori, rasa wijèn, lan rasa lombok

Senbei kaperang miturut bahan nggawene.

Senbei mujudake sesebutan kanggo maneka warna kuweh garing tradhisional ing Kansai lan rasane legi kaya biskuit. Tuladhane kawara senbei (senbei gendhèng) kang wujude kaya gendhèng lan wernane coklat tuwa. Bahane yaiku glepung, gula pasir, lan endhog pitik. Roti saka Kyoto kang diarani yatsuhashi uga kalebu jinising iki senajan digawe saka glepung beras.
  • Senbei saka beras (beika senbei)
  • Senbei urang saka glepung kenthang utawa glepung liyane (ebi senbei).


Sumber artikel punika saking kaca situs web: "http://jv.wikipedia.org/w/index.php?title=Senbei&oldid=832488"