Arare

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Arare

Arare (あられ, 霰?) utawi arare mochi inggih menika salah satunggaling dhaharan ingkang asalipun saking negara Jepang. Arare menika dhaharan ingkang dipundamel saking beras ketan. Wujud saking Arare menika alit-alit kanthi dawanipun kirang langkung 2 cm dumugi 3 cm lan kandhelipun kirang langkung 3 mm. Arare dipunolah kanthi cara dipunpanggang saged ugi dipungoreng. Bahan baku lan ukuran Arare ingkang alit-alit menika damel béda antawisipun arare lan okaki kalihan senbei ingkang gadhah ukuran ageng lan dipundamel saking bahan beras.[1] Dhaharan menika dipunparingi nama "arare" amargi katingal kados wiji-wiji jawahan watu ès.

Cara damel Arare[sunting | sunting sumber]

Arare dipundamel kanthi cara beras ketan kasebut dipunkom (direndam) dumugi empuk. Bibar menika, ketan dipundamel lembut dados glepung. Salajengipun dipun-dang dumugi dados adonan ingkag saged dipunuleni. Lajeng adonan dipuntugel-tugel kanthi ukuran alit sadèrèngipun dipungaringaken, dipunparingi rasa, pungkasan arare dipunpanggang. Arare kadamel kanthi maneka rasa lan padatanipun mawi rasa legi utawi asin (rasa kecap asin utawi rasa selada ingkang ateges rasa sarem). Bahan perisa ingkang padatanipun dipuntambahaken inggih menika nori, urang, lan cumi. Arare ugi dipundamel kanthi maneka warni kanthi nginakaken pewarni saking tuwuhan utawi pewarwa kagem panganan.

Variasi arare[sunting | sunting sumber]

Hina arare
  • Hina arare
Hina arare inggih menika sebatan kanggé arare kanthi wujud bunder lan dipundamel manéka warni kados jambon, ijo, lan kuning. Kados déné hishimochi, hina arare menika kalebet dhaharan istimewa kagem laré-laré nalika ngrayakaken Hinamatsuri. Dhaharan sanèsipun menika kados brondong beras, karinto, lan arare kanthi isi kacang ugi asring dipunbungkus sareng kalihan hina arare [2].
  • Bubu arare
Wiwitanipun, arare dipunlebetaken dhateng bungkus furikake minangka panyerap kelembapan. Kala menika furikake tasih dipunwadahi ing bungkus kertas lan cepet lembab nalika dipunwadahi tanpa arare. Katahhipun tiyang langkung remen rasa garing lan gurih arare ingkang dados setunggal kalihan furikake. Adhedhasar alesan kasebut, para produsen banjur nglajengaken tradisi mlebetaken arare dhateng furikake sanajan sampun ngginakaken teknologi pambungkasan ingkang modern. Arare ing sajroning wadah furikake dipunwastani "bubu arare" (dipundamel cekak "bubu") amargi tiyang Kyoto nyebat ochazuke minangka bubuzuke.

Cathetan suku[sunting | sunting sumber]

  1. ^ Ang, Catharina Y.W.; KeShun Liu, Yao-WenHuang (1999). Asian Foods: Science and Technology. CRC Press. pp. 6-7. ISBN 1-5667-6736-9.
  2. ^ (id) Luar negeri, (dipunakses tanggal 24 Februari 2013)

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Arare&oldid=840069"